ໃນວັນທີ 17 - 19 ກັນຍານີ້, ຢູ່ໂຮງແຮມລາວພລາຊາ
ນະຄອນຫລວງວຽງຈັນ ໄດ້ໄຂຊຸດອົບຮົມກ່ຽວກັບການສືບສວນ- ສອບສວນຊັບສີນທາງປັນຍາໃຫ້ເຈົ້າໜ້າທີ່ພາສີລາວ,
ເຊິ່ງແມ່ນສະຖານທູດອາເມລິກາປະຈຳລາວ ແລະ ອົງການບັງຄັບໃຊ້ ດ້ານກົດໝາຍກວດຄົນເຂົ້າ- ອອກເມືອງ
ແລະ ພາສີສະຫະລັດ ໃຫ້ການສະໜັບສະໜູນການເຝິກອົບຮົມດັ່ງກ່າວ, ໂດຍການ ເຂົ້າຮ່ວມຂອງທ່ານ ພອລ
ເມເຍີ ເອກອັກຄະລັດຖະທູດສະຫະລັດ ອາ ເມລິກາປະຈຳລາວ ແລະ ທ່ານ ບຸນປະເສີດ ສີກຸນລະ ບຸດ ຮອງຫົວໜ້າກົມພາສີ,
ກະຊວງການເງິນລາວ.
ທ່ານເອກອັກຄະລັດຖະທູດສະຫະລັດອາເມລິກາປະຈຳລາວກ່າວເປີດຊຸດອົບຮົມຄັ້ງນີ້ວ່າ:
ກົມພາສີມີບົດບາດສຳຄັນໃນ ວຽກງານສະກັດກັ້ນການຮົ່ວໄຫລຂອງສີນຄ້າເຖື່ອນທີ່ເຂົ້າ-ອອກປະເທດລາວກໍຄືໃນພາກພື້ນ,
ສະນັ້ນພວກເຮົາມີຄວາມຈຳ ເປັນຕ້ອງຖືວຽກງານປົກ ປ້ອງສິດຊັບສີນທາງປັນຍາເປັນບູລີມະສິດສຳຄັນ,
ເນື່ອງຈາກ ສປປ ລາວ ພວມກ້າວເຂົ້າສູ່ການເປັນ ປະຊາຄົມອາຊຽນ (AEC) ໃນປີ 2015 ເຊິ່ງການເຄົາລົບຕໍ່ຊັບສີນທາງປັນຍາແມ່ນມີບົດບາດສຳຄັນໃນການຂະຫຍາຍຕົວ
ທາງດ້ານເສດຖະກິດ, ເປັນການຊ່ວຍສ້າງອາຊີບ, ສົ່ງເສີມການພັດທະນາຜະລິດຕະພັນ ແລະ ການບໍລິການອື່ນໆ,
ທັງເປັນ
ການຊ່ວຍຜູ້ບໍລິໂພກສາມາດຕັດສີນໃຈເລືອກຊົມໃຊ້ສີນຄ້າມີຄຸນນະພາບທີ່ດີ ແລະ ຕະຫລອດໄລຍະຊຸດອົບຮົມນີ້,
ເຈົ້າໜ້າທີ່ ພາສີຂອງລາວ ແລະ ຊ່ຽວຊານ ຈາກສຳນັກງານບັງຄັບໃຊ້ດ້ານກົດໝາຍກວດຄົນເຂົ້າ-ອອກ
ເມືອງ ແລະ ພາສີສະຫະລັດຈະ ຮ່ວມກັນແລກປ່ຽນບົດຮຽນໃນວຽກງານສືບສວນ-ສອບສວນ ຄະດີກ່ຽວກັບການລະເມີດສິດ
ຊັບສີນທາງປັນຍາ, ນອກຈາກ ນີ້, ລັດຖະບານອາເມລິກາຍີນດີຮ່ວມມືກັບລາວໃນການຊຸກຍູ້ໃຫ້ມີການຢຶດ,
ການຈັບກຸມ ແລະ ດຳເນີນຄະດີຢ່າງເຂັ້ມງວດຕໍ່ ພວກລັກລອບຄ້າ-ຂາຍສີນຄ້າເຖື່ອນ ແລະ ລະເມີດສິດຊັບສີນທາງປັນຍາ.
ຮອງຫົວໜ້າກົມພາສີ ກ່າວວ່າ: ການເຝິກອົບຮົມຄັ້ງນີ້ນັບວ່າມີຄວາມສຳຄັນໃນການຍົກລະດັບຂີດຄວາມສາມາດ
ໃຫ້ແກ່ພະນັກງານພາສີລາວໃນການສືບສວນ-ສອບສວນ ແລະ ປະຕິບັດມາດຕະການຕໍ່ການນຳເຂົ້າສີນຄ້າທີ່ມີການລະເມີດ
ຊັບສິນທາງປັນຍາຊຶ່ງເຈົ້າຂອງລິຂະສິດໄດ້ລົງທະບຽນໄວ້ນຳກົມຊັບສີນທາງປັນຍາ ແລະ ຈະເຮັດໃຫ້ຮູ້ເຖິງຜົນກະທົບທີ່ຈະ
ຕາມມາຈາກສິນຄ້າລະເມີດຊັບສີນທາງປັນຍາປັດຈຸບັນ, ສປປ ລາວ, ພົບ ກັບບັນຫາກ່ຽວກັບສີນຄ້າລະ
ເມີດລິຂະສິດ ຫລື ປອມແປງຊຶ່ງ ມີຢ່າງແຜ່ລາມຫລາຍ, ໂດຍສະເພາະແມ່ນສິນຄ້າທີ່ນຳເຂົ້າຈາກຕ່າງປະເທດທີ່ມີຄຸນນະພາບຕ່ຳ
ແລະ ສົ່ງຜົນກະ ທົບຕໍ່ສຸຂະພາບຂອງຜູ້ບໍລິໂພກ, ໂດຍການສະກັດກັ້ນທີ່ຍັງບໍ່ທັນເຮັດໄດ້ດີເທົ່າທີ່ຄວນນີ້ເກີດຈາກການເຊື່ອມຊຶມ,
ການໂຄສະ ນາບໍ່ທັນກວ້າງຂວາງ ແລະ ການປະສານງານລະຫວ່າງພາກລັດ ແລະ ເອກກະ ຊົນ ຫລື ຜູ້ຖືລິຂະສິດຖືກຕ້ອງຕາມກົດໝາຍ
ຍັງປະຕິບັດບໍ່ທັນໄດ້ດີເທົ່າທີ່ຄວນ. ປັດຈຸບັນ, ສປປ ລາວໄດ້ອິງໃສ່ບັນດານິຕິກຳຈຳນວນໜຶ່ງໃນການຈັດຕັ້ງປະຕິບັດເຊັ່ນ:
ກົດໝາຍວ່າດ້ວຍຊັບສີນທາງປັນຍາ, ກົດໝາຍວ່າດ້ວຍພາສີ, ຂໍ້ຕົກລົງອາຊຽນວ່າດ້ວຍການຮ່ວມມືທາງດ້ານຊັບສີນທາງປັນ
ຍາ, ສັນຍາການຄ້າທີ່ຕິດພັນກັບວຽກງານຊັບສີນທາງປັນຍາຕ່າງໆ.
No comments:
Post a Comment