ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ,
ລັດຖະມົນຕີວ່າການກະຊວງການຕ່າງປະເທດແຫ່ງ ສປປ ລາວ, ໄດ້ໃຫ້ ກຽດຕ້ອນຮັບການເຂົ້າຢ້ຽມຢາມພົບປະຂອງທ່ານ
ບຣູໂນ ໂຣດຣິເກັດສ ປາຣິຢາ ລັດຖະມົນຕີວ່າການກະຊວງການຕ່າງ ປະເທດ ສ.ກູບາ ໃນວັນທີ
12 ກັນຍານີ້, ຢູ່ກະຊວງການຕ່າງປະເທດ, ໃນໂອກາດເດີນ ທາງມາ ຢ້ຽມຢາມລາວຢ່າງເປັນທາງການ
ແລະ ໃນການພົບປະນັ້ນ, ສອງຝ່າຍໄດ້ ແຈ້ງໃຫ້ກັນຊາບເຖິງສະພາບພົ້ນເດັ່ນຂອງແຕ່ລະປະເທດ
ແລະ ຕີລາຄາສູງຕໍ່ການພົວ ພັນຮ່ວມມືທີ່ມີມູນເຊື້ອລະຫວ່າງ 2 ປະເທດໃນໄລຍະຜ່ານມາ,
ພ້ອມທັງໄດ້ປຶກສາຫາລື ຊ່ອງທາງສືບຕໍ່ການຮ່ວມມືນຳ ກັນໃນຕໍ່ໜ້າ.
ຮອງນາຍົກລັດຖະມົນຕີ ທອງລຸນ ສີສຸລິດ, ໄດ້ສະແດງຄວາມຊົມເຊີຍຕໍ່ບັນດາຜົນສຳເລັດທີ່
ສ.ກູບາ ຍາດມາໄດ້ໃນການພັດທະນາ ແລະ ປົກປັກຮັກ ສາປະເທດຊາດຂອງຕົນ, ພ້ອມ ທັງໄດ້ຕາງໜ້າໃຫ້ການນຳພັກ
ແລະ ລັດຖະບານສະແດງຄວາມຮູ້ບຸນຄຸນຢ່າງເລິກເຊິ່ງ ແລະ ຄວາມຈິງໃຈຕໍ່ການຊ່ວຍເຫລືອອັນໃຫຍ່ຫລວງຂອງພັກ-ລັດຖະ
ບານ ແລະ ປະຊາຊົນກູບາອ້າຍ
ນ້ອງໃຫ້ແກ່ພາລະກິດຕໍ່ສູ້ເພື່ອເອກະລາດແຫ່ງຊາດຂອງປະຊາ
ຊົນລາວໃນເມື່ອກ່ອນກໍຄືໃນໄລ ຍະປົກປັກຮັກສາ ແລະ ສ້າງ ສາປະເທດ ສປປ ລາວ
ໃນປັດຈຸບັນ, ພ້ອມທັງອວຍພອນໃຫ້ປະຊາຊົນ ກູບາໂດຍພາຍໃຕ້ການນຳພາຂອງພັກກອມມູນິດກູບາໃຫ້ນັບມື້ນັບຈະເລີນກ້າວໜ້າ.
ໂອກາດນີ້, ທ່ານ ບຣູໂນ ໂຣດຣິເກັດສ໌ ປາຣິຢາ
ກໍໄດ້ສະແດງຄວາມດີໃຈທີ່ໄດ້ມີໂອກາດມາຢ້ຽມຢາມລາວ ແລະ ໄດ້ເຫັນ ສະພາບການພັດທະນາປະເທດຊາດຂອງປະຊາຊົນລາວອ້າຍນ້ອງ,
ພ້ອມທັງຢືນຢັນຄືນແນວທາງຂອງພັກ ແລະ ລັດຖະບານ ກູບາໃນການສືບຕໍ່ເສີມຂະຫຍາຍສາຍພົວພັນ
ແລະ ການຮ່ວມມືທີ່ມີມູນເຊື້ອລະຫວ່າງສອງພັກ, ລັດຖະບານ ແລະ ປະຊາ ຊົນສອງຊາດກູບາ-ລາວ.
ການຢ້ຽມຢາມ ສປປ ລາວ ຂອງທ່ານ ບຣູໂນ ໂຣດຣິເກັດສ໌
ປາຣິຢາ ຄັ້ງນີ້ເປັນເຫດການສຳ ຄັນອັນຍິ່ງໃຫຍ່ໃນການພົວພັນ ລະຫວ່າງ ສປປ ລາວ ແລະ
ສ ກູບາ ເຊິ່ງເປັນການປະກອບສ່ວນຢ່າງຕັ້ງໜ້າເຂົ້າໃນການຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ,
ຄວາມສາມັກຄີຖານອ້າຍນ້ອງ ແລະ ການຮ່ວມມືຮອບດ້ານລະຫວ່າງສອງປະເທດກໍຄືປະຊາຊົນສອງຊາດ
ລາວ-ກູບາ ທີ່ມີມາດົນນານນ້ັນໃຫ້ນັບມື້ໄດ້ຮັບການເພີ່ມພູນຄູນສ້າງ ແລະ
ມີປະສິດທິຜົນຍິ່ງໆຂຶ້ນ ເພື່ອຜົນປະໂຫຍດລວມຂອງທັງສອງປະເທດກໍຄືເພື່ອພາລະ
ກິດສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.
No comments:
Post a Comment