ໃນວັນທີ 15 ກັນຍານີ້, ທ່ານ ບຸນຍັງ ວໍລະຈິດ
ຮອງປະທານປະເທດແຫ່ງ ສປປ ລາວ, ໄດ້ນຳພາຄະນະຜູ້ແທນຂັ້ນສູງຂອງລາວເດີນທາງໄປເຂົ້າຮ່ວມງານວາງສະແດງສິນຄ້າຈີນ-ອາຊຽນ
ຄັ້ງທີ 11 ໃນຫົວຂໍ້ “ ການສ້າງເສັ້ນທາງສາຍໄໝທາງທະເລໃນສັດຕະວັດທີ 21” ທີ່ໜານໜິງ,ແຂວງກວາງຊີ
ສປ ຈີນ, ຕາມຄຳເຊີນຂອງລັດຖະບານ ສປ ຈີນ, ແຕ່ວັນທີ 16-19 ກັນຍາ 2014.
ງານວາງສະແດງສິນຄ້າຈີນ-ອາຊຽນ, ແມ່ນເວທີໜຶ່ງທີ່ສຳຄັນໃນການສົ່ງເສີມການຄ້າ-ການລົງທຶນລະຫວ່າງອາຊຽນ
ແລະ ສປ ຈີນ, ເຊິ່ງໄດ້ປະກອບສ່ວນເຂົ້າໃນການຈັດຕັ້ງປະຕິບັດແຜນງານຂອງເຂດການຄ້າເສລີອາຊຽນ-ຈີນ
ທີ່ເລີ່ມມີຜົນບັງຄັບໃຊ້ແຕ່ປີ 2010 ເປັນຕົ້ນມາ. ນອກນັ້ນ, ໄດ້ສ້າງໂອກາດໃຫ້ແກ່ປະເທດສະມາຊິກອາຊຽນ
ແລະ ສປ ຈີນ ໄດ້ມີໂອກາດໂຄ ສະນາສົ່ງເສີມການທ່ອງທ່ຽວ, ການໄປມາຫາສູ່ລະຫວ່າງປະຊາຊົນອາຊຽນ-ຈີນ
ແລະ ເຜີຍແຜ່ວັດທະນະທຳອັນດີງາມຂອງແຕ່ລະປະເທດ.
ນອກຈາກເຂົ້າຮ່ວມງານ ວາງສະແດງຈີນ-ອາຊຽນຄັ້ງທີ
11, ທ່ານຮອງປະທານປະເທດ ບຸນຍັງ ວໍລະຈິດ ຍັງຈະໄດ້ພົບປະກັບ ທ່ານ ຈ່າງ ກ່າວ ລີ້
ຮອງນາ ຍົກລັດຖະມົນຕີແຫ່ງ ສປ ຈີນ ເພື່ອປຶກສາຫາລືກ່ຽວກັບການຮັດແໜ້ນສາຍພົວພັນ
ແລະ ການ ຮ່ວມມືລະຫວ່າງ ສປປ ລາວ ແລະ ສປ ຈີນ. ພ້ອມນັ້ນກໍຈະໄປຢ້ຽມຢາມເມືອງປາຍເຊີ້
ແຂວງ ກວາງຊີ, ເຊິ່ງເປັນເມືອງທີ່ມີທ່າແຮງດ້ານກະສິກຳ, ຢ້ຽມຊົມສວນເຕັກນິກວິທະຍາສາດກະສິ
ກຳປາຍເຊີ້ ແລະ ບ້ານຕົວແບບສ້າງສາພັດທະນາຊົນນະ ບົດເພື່ອຖອດຖອນບົດຮຽນຈາກ ສປ
ຈີນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລາວ.
No comments:
Post a Comment