ກອງປະຊຸມສະມາຊິກລັດຖະສະພາເພດຍິງລະຫວ່າງຊາດອາຊຽນ
ຫລື ໄວປາ (WAIPA), ໄດ້ໄຂຂຶ້ນໃນວັນທີ 15 ກັນ ຍານີ້, ຢູ່ໂຮງແຮມດອນຈັນພາເລດ ນະ ຄອນຫລວງວຽງຈັນ
ພາຍ ໃຕ້ການເປັນປະທານຂອງທ່ານ ສາດ ສະດາຈານ ດຣ ນາງ ບຸນ ຍົງ ບຸບຜາ ຮອງປະທານກຳມະທິການການຕ່າງປະເທດ,
ປະ ທານຄະນະສະມາຊິກສະພາແຫ່ງຊາດເພດຍິງຂອງລາວ, ເຊິ່ງກອງປະຊຸມໄດ້ເນັ້ນໃສ່ບັນຫາການ ຊຸກຍູ້ສົ່ງເສີມເພີ່ມທະວີ
ບົດບາດ ແລະ ສ້າງຄວາມກ້າວ ໜ້າໃຫ້ເພດຍິງໃນບັນດາປະ ເທດສະມາຊິກອາຊຽນໂດຍມີຫົວ ຂໍ້ສົນທະນາປຶກສາຫາລືສຳຄັນ
ຄື ເພີ່ມທະວີຄວາມພະຍາຍາມ ເພື່ອຕ້ານ ແລະ ສະກັດກັ້ນ ທຸກຮູບການຈຳແນກ ແລະ ໃຊ້ ຄວາມຮຸນແຮງຕໍ່ແມ່ຍິງ
ແລະ ເດັກນ້ອຍໃນອາຊຽນ, ປັບປັງ ບົດບາດສະມາຊິກລັດຖະສະພາ ເພດຍິງໃຫ້ເຂັ້ມແຂງໃນການ ສ້າງປະຊາຄົມອາຊຽນ
ແລະ ການເປັນຜູ້ນຳຂອງເພດຍິງໃນ ອາຊີຕາເວັນອອກສ່ຽງໃຕ້, ເຊິ່ງ ມະ
ຕິຂອງກອງປະຊຸມດັ່ງກ່າວ,
ແມ່ນເນື້ອໃນພື້ນຖານໃຫ້ແກ່ກອງປະຊຸມສະມັດຊາລັດຖະສະ ພາລະຫວ່າງຊາດອາຊຽນ ຫລື
ໄອປາຄັ້ງທີ 35, ເພື່ອເນັ້ນເຖິງ ການເພີ່ມທະວີຄວາມພະຍາ ຍາມເພື່ອຕ້ານ, ສະກັດກັ້ນທຸກ ຮູບການຈຳແນກ
ແລະ ໃຊ້ ຄວາມຮຸນແຮງຕໍ່ແມ່ຍິງ ແລະ ເດັກນ້ອຍໃນອາຊຽນ, ປັບປຸງ ບົດບາດຂອງສະມາຊິກລັດຖະ ສະພາເພດຍິງໃຫ້ເຂັ້ມແຂງໃນ
ການສ້າງປະຊາຄົມອາຊຽນ ແລະ ການເປັນຜູ້ນຳຂອງເພດ ຍິງອາຊີຕາເວັນອອກສ່ຽງໃຕ້ ເພື່ອຮັບປະກັນການສົ່ງເສີມທາງດ້ານນິຕິກຳ,
ການປົກປ້ອງສິດທິ ແລະ ສະຫວັດດີການຂອງແມ່ຍິງ ແລະ ເດັກນ້ອຍທີ່ຖືກຮັບຮອງເອົາຢູ່ໃນຖະແຫລງການ
ແລະ ຫລັກການຂອງອາຊຽນ, ໂດຍ ສະເພາະແມ່ນຖະແຫລງການປີ 2013 ເຊິ່ງສະມາຊິກລັດຖະສະ
ພາເພດຍິງຂອງໄອປາໄດ້ພາກັນປະຕິບັດເພື່ອບັນລຸເປົ້າໝາຍສະ ຫັດສະວັດດ້ານການພັດທະນາໃນການສົ່ງເສີມສຸຂະພາບຂອງແມ່ຍິງ
ແລະ ເດັກ ນ້ອຍ, ພິຈາລະນາຍຸດທະສາດຂອງສະມາຊິກ ລັດຖະສະພາຜູ້ໜຸ່ມນ້ອຍຢູ່ໃນອາຊຽນ
ແລະ ນຳໃຊ້ວິທີການທາງດ້ານສາທາລະ ນະສຸກທີ່ມີຂໍ້ມູນເປັນຫລັກຖານພິສູດ ແລະ
ຂະບວນການຢ່າງເປັນລະບົບເຊັ່ນ: ການກຳນົດຂະໜາດຂອງການໃຊ້ຄວາມຮຸນແຮງ, ການສຳຫລວດສາເຫດ
ແລະ ບັນດາປັດໄຈສຳພັນ, ຊອກຫາວິທີທາງເພື່ອຮັບມືກັບການປ້ອງກັນຂັ້ນ ຕ່າງໆ,
ທັງເຜີຍແຜ່ຂໍ້ມູນຂ່າວ ສານຢ່າງກວ້າງຂວາງເພື່ອສ້າງຄວາມເຂັ້ມແຂງໃຫ້ແກ່ສັງຄົມຢ່າງກວ້າງຂວາງຢູ່ໃນອາຊຽນ,
ການຕອບໂຕ້ສະເພາະໜ້າ ແລະ ຍາວນານຕໍ່ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍຢູ່ໃນຄອບຄົວເຊັ່ນ:
ການບົວລະບັດຮັກສາກ່ອນການເຂົ້າປິ່ນປົວຢູ່ໃນໂຮງໝໍ, ການປິ່ນປົວສຸກເສີນ, ການບໍລິການຟື້ນຟູໜ້າທີ່ການງານ
ແລະ ການປິ່ນປົວພະຍາດຊືມເຊື້ອທາງເພດສຳພັນຈາກການຂົ່ມຂືນປຸ້ນສະດົມ ແລະ ທາລຸນທາງເພດ.
ໃນກອງຊຸມໄດ້ຮຽກຮ້ອງໃຫ້ບັນດາລັດອາຊຽນ
ແລະ ລັດ ຖະສະພາສະມາຊິກ ທ່ີເປັນພາຄີກະຕຸ້ນການຈັດຕັ້ງປະຕິບັດສົນທິສັນຍາສາກົນ
(ຊີດໍ) ແລະ ປະຕິບັດມາດຕະການທີ່ເໝາະສົມເພື່ອຫລຸດຜ່ອນການຈຳແນກ ແລະ ການໃຊ້ຄວາມຮຸນແຮງຕໍ່ແມ່ຍິງ
ແລະ ເດັກນ້ອຍໃຫ້ໄດ້ໃນລະດັບສູງຢູ່ໃນອາຊຽນໃນປີ 2015.
No comments:
Post a Comment