ໃນທ້າຍອາທິດຜ່ານມານີ້, ຢູ່ກະຊວງຖະແຫລ່ງຂ່າວ, ວັດທະນາທຳ
ແລະ ທ່ອງທ່ຽວ, ທ່ານ ສະຫວັນຄອນ ຣາຊມຸນຕຼີ ລັດຖະມົນຕີຊ່ວຍວ່າການກະ ຊວງຖະແຫລງຂ່າວ, ວັດທະນະທຳ
ແລະ ທ່ອງທ່ຽວ, ໄດ້ເປັນປະທານກອງ ປະຊຸມປຶກສາຫາລືກ່ຽວກັບການກະກຽມຄວາມພ້ອມຂອງສື່ເພື່ອຮັບໃຊ້ໃຫ້ແກ່ ກອງປະຊຸມລັດຖະສະພາລະ
ຫວ່າງຊາດອາຊຽນຄັ້ງທີ 35, ກອງປະຊຸມລັດຖະ ມົນຕີສຶກສາອາຊຽນຄັ້ງທີ 8 ແລະ ກອງປະຊຸມປິ່ນອ້ອມອື່ນໆທີ່ ສປປ ລາວ ໄດ້ຮັບກຽດເປັນເຈົ້າພາບ
ຈັດຂຶ້ນໃນເດືອນກັນຍານີ້. ໂດຍມີບັນດາຫົວໜ້າອົງການສື່ມວນຊົນ ທຸກຂະແໜງການເຂົ້າ ຮ່ວມຢ່າງພ້ອມພຽງ.
ໂອກາດດັ່ງກ່າວ, ທ່ານຫົວໜ້າກົມສື່ມວນຊົນ ປິ່ນປາຖະໜາ
ພັນທະມາລີ ລາຍງານໃຫ້ຮູ້ວ່າ: ກອງປະຊຸມໄດ້ຫາລືການ ກະກຽມຄວາມພ້ອມຂອງສື່ມວນຊົນລາວໃນດ້ານຕ່າງໆເປັນຕົ້ນແມ່ນການກະກຽມສ້າງຕັ້ງສູນຂ່າວ,
ການເຮັດໃບຂ່າວເພື່ອ ຮັບໃຊ້ກອງປະຊຸມ AIPA ຄັ້ງທີ 35 ແລະ ກອງປະຊຸມລັດຖະມົນຕີ ສຶກສາອາຊຽນຄັ້ງທີ
8 ທີ່ ສປປ ລາວ ໄດ້ຮັບກຽດ
ເປັນເຈົ້າພາບໃນຕົ້ນເດືອນກັນຍາ 2014 ນີ້. ພ້ອມນີ້, ໄດ້ຕີລາຄາຄືນຜົນງານໃນການປະກອບສ່ວນຂອງສື່ມວນຊົນລາວ ໃນການກະກຽມກອງປະຊຸມດັ່ງກ່າວ, ເຊິ່ງເລີ່ມ ມາແຕ່ເດືອນມີນາເປັນຕົ້ນມາ ແລະ ເຫັນວ່າ: ເນື້ອໃນໂຄສະນາກໍມີຫລາກ
ຫລາຍທີ່ເວົ້າ ເຖິງປະຫວັດຄວາມເປັນມາຂອງ ກອງປະຊຸມ AIPA ພ້ອມດຽວ ກັນນັ້ນ, ໄດ້ຍົກໃຫ້ເຫັນບົດບາດສະພາ ແຫ່ງຊາດລາວໃນ
ເວທີສາກົນ ແລະ ອາຊຽນ, ໂດຍສະເພາະເວທີກອງປະຊຸມລັດຖະສະພາອາຊຽນ, ການໂຄສະນາປຸກ ລະດົມໃນການເປັນເຈົ້າ
ພາບຮ່ວມເພື່ອສ້າງບັນຍາກາດອັນດີ ແລະ ກຽມພ້ອມຕ້ອນຮັບ, ການ ອະນາໄມຕົວເມືອງ, ການກະ ກຽມສະຖານທີ່,
ການ ສະແດງສິລະປະວັນນະຄະດີຕ່າງໆ.
ໃນໂອກາດນີ້, ທ່ານ ສະ ຫວັນຄອນ ຣາຊມຸນຕຣີ ກໍໄດ້ສະແດງຄວາມຊົມເຊີຍຜົນງານທີ່ບັນດາສື່ມວນຊົນໄດ້ປະກອບ
ສ່ວນເຂົ້າໃນການເຜີຍແຜ່ໂຄສະນາວຽກງານຕ່າງໆໃນໄລຍະ ຜ່ານມາ ແລະ ໃຫ້ທິດຊີ້ນຳຕໍ່ກອງປະຊຸມໂດຍຮຽກຮ້ອງໃຫ້
ທຸກພາກສ່ວນມີສ່ວນຮ່ວມໃນ ການໂຄສະນາຢ່າງກວ້າງຂວາງ ຮັບໃຊ້ກອງປະຊຸມດັ່ງກ່າວດ້ວຍຄວາມຮັບຜິດຊອບ
ແລະ ໃຫ້ມີຫລາຍຮູບແບບ, ພ້ອມທັງແນະນຳສື່ມວນຊົນສືບຕໍ່ເອົາໃຈໃສ່ໂຄສະນາເຫດການຕ່າງໆທີ່ເກີດຂຶ້ນ
ເພື່ອສ່ອງແສງໃຫ້ສັງ ຄົມເຫັນ ແລະ ຮັບຮູ້ໄດ້ຢ່າງຖືກຕ້ອງ ແລະ ມີການປ່ຽນແປງໄປໃນທາງທີ່ດີ.
ພ້ອມກັນນັ້ນ ກໍໃຫ້ສືບຕໍ່ໂຄສະນາການສະກັດກັ້ນ ແລະ ຕ້ານປາກົດການຫຍໍ້ທໍ້ໃນສັງຄົມ
ແລະ ອື່ນໆເພື່ອໃຫ້ປະຊາຊົນໄດ້ຮັບຮູ້ຂໍ້ມູນຂ່າວສານໄດ້ຢ່າງທົ່ວເຖິງ.
No comments:
Post a Comment