ໃນຕອນແລງຂອງວັນທີ 15 ກັນຍາ 2014, ຢູ່ໜານໜິງ ສາທາລະນະລັດ
ປະຊາຊົນຈີນ, ທ່ານ ບຸນຍັງ ວໍລະຈິດ ກຳມະ ການກົມການເມືອງສູນກາງພັກຮອງປະທານປະເທດແຫ່ງ ສປປ
ລາວ ໄດ້ພົບປະທ່ານ ຈ່າງ ກ່າວ ລີ້ ກຳມະການປະຈຳກົມ ການເມືອງສູນກາງພັກກອມມູນິດຈີນ, ຮອງນາຍົກລັດຖະມົນຕີແຫ່ງ
ສປ ຈີນ, ໃນໂອກາດເຂົ້າຮ່ວມງານວາງສະແດງສິນຄ້າ ຈີນ-ອາ ຊຽນ ຄັ້ງທີ 11 ຢູ່ໜານໜິງ, ເຂດປົກຄອງຕົນເອງຊົນເຜົ່າຈວ້າງ
ກວາງຊີ, ສປ ຈີນ.
ໃນການພົບປະກັນຄັ້ງນີ້, ທັງສອງຝ່າຍໄດ້ແລກປ່ຽນຄວາມ
ຄິດເຫັນກ່ຽວກັບການພົວພັນ ແລະ ການຮ່ວມມືສອງຝ່າຍ ໃນໄລຍະຜ່ານ. ທ່ານຮອງປະທານ ປະເທດແຫ່ງ
ສປປ ລາວ ໄດ້ຕີລາຄາສູງ ແລະ ສະແດງຄວາມພາກພູມໃຈທີ່ເຫັນວ່າ ການພົວ ພັນຮ່ວມມືລາວ-ຈີນ, ໄດ້ຮັບການເສີມຂະຫຍາຍຢ່າງຕໍ່ເນື່ອງ,
ອັນໄດ້ນຳເອົາຜົນປະໂຫຍດຕົວຈິງມາສູ່ປະຊາຊົນ ສອງຊາດລາວ-ຈີນ.
ສອງຝ່າຍໄດ້ຕີລາສູງຕໍ່ການ ແລກປ່ຽນການຢ້ຽມຢາມຊຶ່ງກັນ
ແລະ ກັນຂອງການນຳຂັ້ນສູງຂອງພັກ ແລະ ລັດຢ່າງເປັນ ປົກະຕິລວມທັງບັນດາຂະແໜງການສູນກາງ ແລະ
ທ້ອງຖິ່ນ ໂດຍໄດ້ມີການແລກປ່ຽນບົດຮຽນນຳກັນ, ຊ່ວຍເຫລືອຊຶ່ງກັນ ແລະ ກັນ ໃນການຈັດຕັ້ງຜັນຂະຫຍາຍແຜນປະຕິບັດງານວ່າດ້ວຍການເສີມຂະຫຍາຍສາຍ
ພົວພັນແບບຄູ່ຮ່ວມມືຍຸດທະສາດ ຮອບດ້ານລະຫວ່າງສອງປະເທດ. ຝ່າຍຈີນຍາມໃດກໍຖືວ່າ ສປປ ລາວ ເປັນເພື່ອນບ້ານທີ່ດີ,
ສະຫາຍທີ່ດີ, ເພື່ອນມິດທີ່ດີ ແລະ ຄູ່ຮ່ວມງານທີ່ດີ ແລະ ມີການຊ່ວຍເຫລືອຊຶ່ງກັນ ແລະ ກັນມາໂດຍຕະຫລອດ.
ສອງຝ່າຍເຫັນເປັນເອກະພາບກັນວ່າການຮ່ວມມືທາງ ດ້ານເສດຖະກິດ-ການຄ້າ
ແລະ ການລົງທຶນລະຫວ່າງສອງປະ ເທດ, ໄດ້ມີການຂະຫຍາຍຕົວ ນັບມື້ນັບເພີ່ມຂຶ້ນ. ມາເຖິງປັດຈຸບັນຈີນເປັນປະເທດນຳໜ້າໃນການລົງທຶນຂອງຕ່າງປະເທດຢູ່
ລາວໃນບັນດາຂະແໜງການ ຕ່າງທີ່ມີທ່າແຮງ. ໃນປີ 2013 ການຄ້າສອງຝ່າຍບັນລຸ 2,74 ຕື້ໂດລາ. ສະເພາະ
6 ເດືອນຕົ້ນປີ 2014 ບັນລຸ 2,3 ຕື້ໂດລາ. ການແລກປ່ຽນການໄປມາຫາສູ່ກັນ ລະຫວ່າງປະຊາຊົນຂອງສອງປະເທດກໍມີຈຳນວນເພີ່ມຂຶ້ນ
ທຸກປີ.
ຈາກນັ້ນ, ທ່ານຮອງປະທານ ປະເທດຍັງໄດ້ຮັບການເຂົ້າຢ້ຽມຢາມຂຳນັບຂອງທ່ານ
ເສີນອູ ເຈົ້າແຂວງກວາງຊີ. ໃນການ ພົບປະກັນນີ້, ທ່ານຮອງປະທານປະເທດ, ໄດ້ສະແດງຄວາມຊົມເຊີຍຕໍ່ຜົນສຳເລັດໃນການພັດທະນາເສດຖະກິດ-ສັງ
ຄົມຂອງ ແຂວງກວາງຊີ, ເຊິ່ງເຫັນວ່າມີທ່ວງທ່າຂະຫຍາຍຕົວຢ່າງວ່ອງໄວການຈັດງານວາງສະແດງສິນຄ້າປະຈຳປີຈີນ-ອາຊຽນ,
ໄດ້ປະ ກອບສ່ວນສຳຄັນ ໃນການສົ່ງເສີມການພົວພັນການຄ້າຈີນ-ອາຊຽນໃຫ້ນັບມື້ມີ ການຂະຫຍາຍຕົວຍິ່ງຂຶ້ນ.
ສຳລັບການພົວພັນສອງຝ່າຍລະຫວ່າງແຂວງກວາງຊີ ກັບ
ສປປ ລາວ, ນັ້ນແມ່ນມີປະວັດທີ່ຍາວນານໂດຍສະເພາະ ແມ່ນ ໂຮງຮຽນ 67. ໃນສະໄໝຕໍ່ສູ້ກູ້ຊາດ, ນັກປະຕິວັດ
ແລະ ປະ ຊາຊົນລາວໄດ້ເອົາລູກຫລານ ຂອງຕົນມາຝາກນຳປະຊາຊົນ ແຂວງກວາງຊີຊ່ວຍສິດສອນ, ເບິ່ງແຍງ.
ລູກຫລານຈຳນວນ ດັ່ງກ່າວສ່ວນໜຶ່ງໄດ້ປະກອບ ສ່ວນເປັນການນຳຂອງພັກລັດ ຂອງສປປ ລາວ ໃນປັດຈຸບັນ.
ປັດຈຸບັນແຂວງກວາງຊີກໍຍັງໄດ້ສືບຕໍ່ໃຫ້ການຊ່ວຍເຫລືອດ້ານທຶນການສຶກສາໃຫ້ແກ່ ສປປ ລາວ ຕະຫລອດມາ.
No comments:
Post a Comment