ເຜີຍແຜ່ຄວາມໝາຍສຳຄັນວັນຕ້ານພະຍາດວໍ້ໂລກ

     ກະຊວງສະທາລະນະສຸກຮ່ວມກັບກະຊວງກະສິກຳ ແລະ ປ່າໄມ້ ແລະ ອົງການ ອະນາໄມ ໂລກ, ໄດ້ຈັດຕັ້ງການເຜີຍແຜ່ກິດຈະກຳສະຫລອງວັນປ້ອງກັນພະຍາດ ວໍ້ໂລກ (28 ກັນຍາ) ແລະ ໃນວັນທີ 8 ກັນຍານີ້ ກໍໄດ້ມີການ ເຜີຍແຜ່ກ່ຽວກັບ ສະພາບການເກີດພະຍາດວໍ້ໃນທົ່ວໂລກກໍຄືຢູ່ ລາວ, ຄວາມຮູ້ພື້ນຖານກ່ຽວກັບ ພະຍາດດັ່ງກ່າວໃຫ້ແກ່ຜູ້ຕາງ ໜ້າພາກສ່ວນ ທີ່ກ່ຽວຂ້ອງຈາກຫລາຍ ແຂວງໃນທົ່ວ ປະເທດ.  

     ທ່ານ ດຣ ຣັດສະໝີ ວົງຄຳຊາວ ຮັກສາການຫົວໜ້າພະ ແນກພະຍາດຈາກສັດສູ່ຄົນ-ພະ ຍາດຊາຍແດນກົມຄວມຄຸມ ພະຍາດຕິດຕໍ່, ກະຊວງສາທາລະ ນະສຸກໃຫ້ວ່າ: ໃນທຸກໆປີທົ່ວ ໂລກມີຄົນເສຍຊີວິດຍ້ອນພະຍາດວໍ້ຫລາຍກວ່າ 55 ພັນ ຄົນ, ສະເລ່ຍແລ້ວໃນທຸກໆ 10 ນາທີ, ມີ ຄົນເສຍຊີວິດຍ້ອນພະຍາດດັ່ງ ກ່າວ 1 ຄົນ. ເພື່ອເຮັດໃຫ້ທຸກຄົນ ຕ້ອງເອົາໃຈໃສ່ ແລະ ລະມັດ ລະວັງໄພຄຸກຄາມຢ່າງຕໍ່ເນື່ອງ ຂອງພະຍາດດັ່ງກ່າວອົງການສຸຂະພາບສາກົນ, ຈຶ່ງໄດ້ກຳນົດ ເອົາວັນທີ 28

ກັນຍາ 2011 ເປັນວັນປ້ອງກັນພະຍາດວໍ້ນັບ ແຕ່ນັ້ນເປັນຕົ້ນມາ ແລະ ວັນທີ 28 ກັນຍາຂອງທຸກໆປີຈຶ່ງເປັນ    “ ວັນປ້ອງ ກັນພະຍາດວໍ້ໂລກ”. 

       ທ່ານ ດຣ ຣັດສະໝີ ໃຫ້ຮູ້ວ່າ: ພະຍາດວໍ້ເປັນພະຍາດຊຶມ ເຊື້ອທີ່ຮ້າຍແຮງຊະນິດໜຶ່ງທີ່ຕິດຕໍ່ຈາກສັດ ສູ່ຄົນໂດຍສະ ເພາະສັດເລືອດອຸ່ນທຸກຊະນິດ ຫລື ສັດ ລ້ຽງລູກດ້ວຍນ້ຳນົມເຊິ່ງຄົນເຮົາສາມາດຕິດເຊື້ອໄດ້ຈາກສັດທີ່ ເປັນວໍ້ກັດໂດຍກົງ ແລະ ສຳພັດ ກັບນ້ຳລາຍ, ໄລຍະໃນການບົ່ມ ເຊື້ອ 1-3 ເດືອນ, ມີອາການຄ້າຍ ຄືອັກເສບສະໝອງໄລຍະ 2-3 ມື້ ທຳອິດຄົນ ເຈັບຈະມີອາການປວດກ້າມຊີ້ນ, ເປັນໄຂ້, ຄັນ ຫລື ປວດບໍລິເວນບາດແຜທີ່ຖືກກັດຕໍ່ມາຈະມີອາການທາງປະສາດ ເຊັ່ນ: ແຂນຂາອ່ອນແຮງ ແລະ ໝົດສະຕິ.

         ສຳລັບຢູ່ ສປປ ລາວ, ພະຍາດວໍ້ມີການແຜ່ລະບາດໃນລັກສະນະແບບບົ່ມຊ້ອນຢູ່ທົ່ວທຸກ ພາກ, ເຊິ່ງນັບແຕ່ປີ 2002-2011 ມີຜູ້ທີ່ຖືກສັດກັດເຖິງ 89 ພັນກວ່າ ຄົນ, ສະເພາະໝາກັດທັງໝົດ 85 ພັນກວ່າຄົນ, ມີຜູ້ມາປິ່ນປົວຢູ່ສະ ຖານບໍລິການ ສາທາລະນະສຸກປະມານ 30%, ເສຍຊີວິດສະເລ່ຍ 2 ຄົນຕໍ່ປີ, ຜູ້ໄດ້ຮັບການສັກຢາ ຄົບມີປະມານ 30%, ສ່ວນຫລາຍ ແມ່ນອາຍຸຕ່ຳກວ່າ 30 ປີ.