ທີມແພດ, ເຊິ່ງໄດ້ລົງເຄື່ອນໄຫວໜ້າທີ່ຢູ່ແຂວງຊຽງຂວາງເປັນຄັ້ງທີສາມໃນຮອບຫລາຍ ສິບປີຜ່ານມາປະກອບມີແພດໄສຍະກຳຕົບແຕ່ງ, ແພດວາງຢາ ສະຫລົບ ແລະ ພະຍາບານຈາກ Interplast, ເຊິ່ງທີມງານດັ່ງກ່າວ ຈະເຮັດວຽກຮ່ວມກັນ
ແລະ ຝຶກອົບຮົມພະນັກງານແພດທີ່ ມາຈາກໂຮງໝໍມະໂຫສົດຢູ່ນະ ຄອນຫລວງວຽງຈັນນຳອີກ.
ທີມແພດດັ່ງກ່າວໄດ້ເດີນທາງມາເຖິງໂພນສະຫວັນໃນວັນທີ
31 ສິງຫາ, ແລະ ຈະຢູ່ເຮັດ ວຽກທີ່ໂຮງໝໍມິດຕະພາບລາວ- ມົງໂກລີ ເປັນເວລາສອງອາທິດ. ກຸ່ມແມ່ຍິງສາກົນຈະສະໜອງການຊ່ວຍເຫລືອໃຫ້ແກ່ຄົນເຈັບທັງໝົດທັງກ່ອນ
ແລະ ຫລັງ ຜ່າຕັດ, ພ້ອມນັ້ນ ທີມງານນີ້ຍັງຈະໃຫ້ການຊ່ວຍເຫລືອດ້ານການເງິນແກ່ຜູ້ທີ່ເດີນທາງມາຮັບການປິ່ນປົວ.
ສະມາຊິກທີມແພດອົດສະຕຣາລີອາສາເຮັດວຽກໂດຍສະໝັກໃຈ,
ສ່ວນຄ່າໃຊ້ຈ່າຍອື່ນໆຂອງໂຄງການແມ່ນໄດ້ຮັບການ ສະໜັບສະໜູນທຶນຮອນຈາກບໍລິສັດ ພູເບ້ຍມາຍນິງ,
ເຊິ່ງມີມູນ ຄ່າຫລາຍກວ່າ 150.000 ໂດລາສະຫະລັດໃນຕະຫລອດໄລ ຍະສາມປີຜ່ານມາ.
ຜູ້ຊ່ຽວຊານການຜ່າຕັດໄສ ຍະກຳຕົບແຕ່ງ, ຊຶ່ງປົກກະຕິ
ແມ່ນບໍ່ມີການບໍລິການປະເພດນີ້ຢູ່ແຂວງຊຽງຂວາງ. ສຳລັບຜູ້ທີ່ ເກີດມາເປັນປາກແຫວ່ງນັ້ນຈະມີຄວາມລຳບາກໃນການກິນ
ຫລື ປາກເວົ້າ, ສ່ວນຜູ້ທີ່ມີບາດແຜ ເກີດຈາກໄຟໄໝ້ນ້ຳຮ້ອນ ລວກຈະເຮັດໃຫ້ການເຄື່ອນເໜັງຮ່າງກາຍໃນສ່ວນທີ່ໄດ້ຮັບບາດເຈັບ
ນັ້ນມີຂໍ້ຈຳກັດ ແລະ ລຳບາ.
ທ່ານ ຈັນເພັງ ບຸນນະຜົນ ປະທານບໍລິສັດພູເບ້ຍມາຍນິງ
ກ່າວວ່າ: ທ່ານມີຄວາມພູມໃຈ ເປັນຢ່າງສູງທີ່ບໍລິສັດໃຫ້ການ ສະໜັບສະໜູນແກ່ໂຄງການດັ່ງກ່າວນີ້.
ທ່ານກ່າວວ່າ ” ການປິ່ນປົວທາງການແພດທີ່ມີຄວາມຊຳນິຊຳນານຂອງ ທີມແພດໄດ້ ປ່ຽນຊີວິດຂອງພໍ່ແມ່ປະຊາຊົນຫລາຍກວ່າ
110 ຄົນ ຢູ່ແຂວງຊຽງ ຂວາງຕະຫລອດໄລຍະສອງປີ ຜ່ານມາ. ສຳລັບໃນປີນີ້ພວກ ເຮົາຫວັງຢ່າງຍິ່ງວ່າປະຊາຊົນ
ອີກ 50 ຄົນຈະສາມາດໄດ້ຮັບ ການປິ່ນປົວ.
ທ່ານ ຈັນເພັງ ຍັງກ່າວ ເສີມ ອີກວ່າ: ບໍລິສັດ ພູເບ້ຍ
ມາຍ ນິງ ໄດ້ບໍລິຈາກທຶນຮອນທັງໝົດ 235.000 ໂດລາສະຫະລັດ ໃນປີ ຜ່ານມາ (ລວມທັງການສະ ໜອງທຶນໃຫ້
Interplast), ນອກ ຈາກການສະໜັບສະໜູນທຶນ ຮອນຈຳນວນ 1 ລ້ານໂດ ລາ ຜ່ານມາທະນາຄານພັດທະນາ ອາຊີ
(ADB) ເພື່ອຊ່ວຍປັບປຸງ ນ້ຳປະປາ ແລະ ສຸຂະພິບານໃນ 11 ແຂວງຂອງລາວ, ພາຍ ໃຕ້ການຮ່ວມມືອັນນີ້,
ບໍລິສັດຈະສະໜອງທຶນຈຳນວນ 1 ລ້ານໂດ ລາຕໍ່ປີຜ່ານ ADB ເປັນເວລາ 6 ປີ.
No comments:
Post a Comment