ໃນວັນທີ 19 ກັນຍານີ້, ຢູ່ສຳນັກງານລັດວິສຫະກິດກໍ່ສ້າງ
ແລະ ຕິດຕັ້ງໄຟຟ້າ (ກຕຟ), ນະຄອນຫລວງວຽງຈັນໄດ້ມີພິທີລົງນາມບົດບັນທຶກຄວາມເຂົ້າໃຈໃນ ການພັດທະນາຜະລິດໄຟຟ້າຈາກແສງຕາເວັນ ລະຫວ່າງທ່ານ
ບຸນທຳ ແສນພັນສີຣິ ອຳນວຍ ການ (ກຕຟ) ແລະ ທ່ານ ຢາງ ຈຽນ ຕາງໜ້າບໍລິສັດໄຟຟ້ານ້ຳຕົກ
ສປ ຈີນ, ເພື່ອສຳຫລວດ ແລະ ສ້າງບົດວິພາກເສດຖະກິດ ກ້າວໄປເຖິງການຕິດຕັ້ງສະຖານີ ຜະລິດໄຟຟ້າແສງຕາເວັນຢູ່ນະຄອນ
ຫລວງວຽງຈັນ, ເຊິ່ງຄາດວ່າຈະສ້າງຕັ້ງເປັນໂຄງການຕົວແບບ ດ້ານເຕັກໂນໂລຊີຜະລິດພະລັງ
ງານທີ່ສະອາດບໍ່ສົ່ງຜົນກະທົບຕໍ່ສິ່ງແວດລ້ອມໂດຍມີເປົ້າໝາຍ ສະໜອງ ໃຫ້ໄຟຟ້າລາວໃນອະນາຄົດ.
ທ່ານ ອຳນວຍການ (ກຕຟ) ກ່າວວ່າ: ໂຄງການນີ້, ຈະເລີ່ມການທົດລອງໃນເຂດນິຄົມອຸດສາຫະກຳຫລັກ
21, ນະຄອນ ຫລວງວຽງຈັນ, ໂດຍຈະເລືອກເອົາພື້ນທີ່ເຂດທີ່ບໍ່ສາມາດນຳໃຊ້ເຂົ້າໃນການຜະລິດກະສິກຳໄດ້
ແລະ ຫາກໂຄງການໄດ້ຮັບ
ການຈັດຕັ້ງປະຕິບັດຕົວຈິງໃນຕໍ່ໜ້າຈະປະກອບສ່ວນສຳຄັນເຂົ້າໃນການພັດທະນາໄຟຟ້າພະລັງແສງ
ຕາເວັນ, ເຊິ່ງຈະຊ່ວຍຫລຸດຜ່ອນການນຳເຂົ້າກະແສໄຟຟ້າຈາກປະເທດໃກ້ຄຽງ ແລະ ການພັດທະນາພະລັງງານທົດແທນແມ່ນບູລິມະສິດສຳຄັນທີ່
ສປປ ລາວ ໄດ້ມີຄວາມພະຍາຍາມຄົ້ນຄວ້າ ແລະ ເສີມຂະຫຍາຍໃຫ້ກວ້າງຂວາງ, ແນໃສ່ຕອບສະໜອງກະແສໄຟຟ້າຕາມຄວາມຕ້ອງການ
ຊົມໃຊ້ຂອງປະຊາຊົນບັນດາເຜົ່າໃຫ້ພຽງພໍ. 
No comments:
Post a Comment