ອຸປະຕິເຫດບົນທ້ອງຖະໜົນຍັງແມ່ນປາກົດການຫຍໍ້ທໍ້ທາງສັງຄົມທີ່ເກີດຂຶ້ນຢ່າງລຽນຕິດ
ເຊິ່ງສ້າງຄວາມສູນເສຍໃຫ້ແກ່ຊີວິດ ແລະ ຊັບສີນເປັນຈຳນວນບໍ່ໜ້ອຍ ແລະ ຕາມການລາຍງານຂອງເຈົ້າໜ້າທີ່ພະ ແນກຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ນັບແຕ່ວັນທີ
8 - 14 ກັນຍານີ້, ຢູ່ນະຄອນ ຫລວງວຽງຈັນ ມີອຸປະຕິເຫດເກີດຂຶ້ນ 28 ກໍລະນີ, ໃນນັ້ນມີຜູ້ໄດ້ຮັບບາດເຈັບ
33 ຄົນ ແລະ ເສຍຊີວິດ 3 ຄົນ.
ສຳລັບກໍລະນີມີຜູ້ເສຍຊີວິດແມ່ນອຸປະຕິເຫດລົດຈັກຕຳລົດ
ຈັກໃນເວລາປະມານ 13:30 ໂມງຂອງວັນທີ 9 ກັນຍາ 2014, ຢູ່ເສັ້ນທາງເຂດບ້ານນາຊອນເມືອງປາກງື່ມ
ນະຄອນຫລວງວຽງຈັນ ເຮັດໃຫ້ຜູ້ຂັບລົດຈັກຊື່ທ້າວ ຫລອດ ອາຍຸ 30 ປີຢູ່ບ້ານທາງໂຄ້ງ
ເມືອງປາກງື່ມ ນະ ຄອນຫລວງວຽງຈັນ ແລະ ທ້າວ ດາວລອງ ອາຍຸ 43 ປີຢູ່ບ້ານປາກທວຍ ເມືອງທ່າພະບາດ,
ແຂວງບໍລິຄຳໄຊ ເສຍຊີວິດຄາທີ່ ແລະ ອີກກໍລະນີ້ໜຶ່ງເກີດຂຶ້ນ ເວລາປະມານ 16:50
ໂມງຂອງວັນທີ 14 ກັນຍາ 2014, ມີລົດຈັກໜຶ່ງຄັນເສຍຫລັກເຈືອກເຂົ້າເຮືອນປະຊາຊົນຢູ່ເຂດບ້ານໜອງດາ
ເມືອງສີໂຄດຕະບອງ ນະຄອນຫລວງວຽງຈັນ ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່
ແລະ ມາຮອດປັດຈຸບັນຍັງບໍ່ຮູ້ວ່າຜູ້ຕາຍຊື່ຫຍັງ ແລະ ຢູ່ບ້ານໃດ, ເນື່ອງຈາກບໍ່ມີເອກກະສານໃດໆຕິດຕົວ.
No comments:
Post a Comment