ພຽງໄລຍະ 2 ວັນຂອງອາທິດນີ້ຄືໃນວັນທີ 21-22 ຕຸລານີ້,
ຢູ່ນະຄອນຫລວງ ວຽງຈັນມີອຸປະຕິເຫດຕາມທ້ອງຖະໜົນ ເກີດຂຶ້ນ 8 ກໍລະນີ ສົ່ງຜົນໃຫ້ມີເສຍຊີວິດ
2 ຄົນ ແລະ ບາດເຈັບສາຫັດ 1 ຄົນ.
ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ:
ກໍລະນີທີໜຶ່ງເກີດຂຶ້ນ ຢູ່ທີ່ບ້ານ ຫ້ວຍຫົງ ເມືອງຈັນທະບູລີ ນະ ຄອນຫລວງວຽງຈັນ ໃນເວລາ 1
ໂມງເຊົ້າ ຂອງວັນທີ 21, ໄດ້ມີລົດຕູ້ຕຳລົດຈັກ, ສົ່ງຜົນໃຫ້ຜູ້ຂັບຂີ່ລົດຈັກ ເສຍຊີວິດຄາ ທີ່ສ່ວນ
ຜູ້ຂັບຂີ່ລົດຕູ້ໄດ້ຖືກເຈົ້າໜ້າທີ່ກັກຕົວໄວ້ເພື່ອດຳເນີນຄະດີຕາມ ລະ ບຽບກົດໝາຍ ແລະ ອີກກໍລະນີທີສອງເກີດຂຶ້ນໃນເວ
ລາຫົວຄ່ຳຂອງວັນທີ 22 ຕຸລາ, ຢູ່ເຂດບ້ານໂນນຂີ້ເຫລັກເມືອງ ສີໂຄດຕະບອງ ນະຄອນຫລວງວຽງຈັນ ລົດຈັກຕຳກັນຢ່າງຮຸນ
ແຮງ, ເຮັດໃຫ້ຜູ້ຂັບຂີ່ລົດຈັກຄົນໜຶ່ງທີ່ເປັນຜູ້ຍິງອາຍຸ 20 ປີ, ຢູ່ບ້ານຕາດທອງ ເສຍຊີວິດຄາທີ່,
ສ່ວນອີກຜູ້ໜຶ່ງທີ່ເປັນ ຜູ້ຊາຍ ອາຍຸ 31 ປີ ຢູ່ບ້ານດ່ານຄຳ ໄດ້ຮັບບາດເຈັບສາຫັດ, ຊຶ່ງປັດຈຸບັນທາງເຈົ້າໜ້າທີ່ກຳລັງສືບສວນຊອກຫາສາເຫດຂອງການເກີດອຸ
ປະຕິເຫດແຕ່ກໍເປັນການຍາກ ເນື່ອງຈາກ ວ່າຄູ່ກໍລະນີຝ່າຍໜຶ່ງເສຍຊີວິດ ແລະ ອີກຝ່າຍບາດເຈັບສາຫັດເພື່ອດຳເນີນຄະດີຕາມ
ລະບຽບກົດໝາຍ ແລະ ກໍລະ ນີອື່ນໆເກີດຂຶ້ນຢ່າງລຽນຕິດ, ຊຶ່ງສາເຫດສ່ວນໃຫຍ່ກໍແມ່ນຍັງຂາດສະຕິ,
ບໍ່ເຄົາລົບນັບຖືລະ ບຽບຈະລາຈອນ, ແລ່ນລົດໄວເກີນຂອບເຂດ.
No comments:
Post a Comment