ໃນວັນທີ 20-21 ຕຸລານີ້, ທີ່ສະພາແຫ່ງຊາດ ນະຄອນຫຼວງວຽງຈັນ
ຄະນະກຳມະການລະ ດັບຊາດເພື່ອປັບປຸງລັດຖະທຳມະນູນແຫ່ງ ສປປ ລາວ ສະບັບປີ 2003 ເຊິ່ງປະກອບມີບັນດາລັດຖະມົນຕີ
ແລະ ການນຳຈາກຂະແໜງການກ່ຽວຂ້ອງທັງສູນກາງ ແລະ ທ້ອງຖິ່ນ, ໄດ້ຈັດສຳມະນາວິທະຍາສາດເພື່ອທາບທາມຄວາມຄິດໃສ່ການປັບປຸງເນື້ອໃນລັດຖະທຳມະນູນສະ
ບັບດັ່ງກ່າວ, ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ
ປະທານຄະນະກຳມະການລະດັບຊາດເພື່ອປັບປຸງລັດຖະທຳມະນູນສະບັບປີ 2003 ເພື່ອລະດົມຄວາມຄິດເຫັນໃສ່ຮ່າງລັດຖະທຳມະນູນສະບັບດັ່ງກ່າວໃຫ້ມີເນື້ອໃນອຸດົມສົມບູນ,
ຄົບຖ້ວນ ແລະ ຮັບປະກັນການປະຕິບັດໜ້າທີ່ການເມືອງໃນໄລຍະໃໝ່.
ທ່ານນາງ ປານີ ຢາທໍ່ຕູ້ ກ່າວໃນໂອກາດເປີດສຳມະນາວິທະຍາສາດຄັ້ງນີ້ວ່າ:
ການປັບປຸງລັດຖະທຳມະນູນຄັ້ງນີ້ ແມ່ນເພື່ອເປັນການຫັນແນວທາງນະໂຍບາຍຂອງພັກກ່ຽວກັບການບູລະນະລະບົບອຳນາດແຫ່ງລັດທີ່ໄດ້ກຳນົດໄວ້ໃນມະຕິຕ່າງໆຂອງພັກ
ເປັນຕົ້ນ: ແມ່ນມະຕິກອງປະຊຸມໃຫຍ່ຄັ້ງທີ IX ເຂົ້າເປັນອັນລະອຽດຢູ່ໃນລັດຖະທຳມະນູນ
ເຊິ່ງຖືວ່າເປັນກົດໝາຍ
ພື້ນຖານທີ່ສຳຄັນຂອງປະເທດໃນການ ຄຸ້ມຄອງລັດ, ຄຸ້ມຄອງເສດຖະກິດ-ສັງຄົມດ້ວຍກົດໝາຍເທື່ອລະກ້າວ,
ເປັນການປັບປຸງ ແລະ ເພີ່ມຕື່ມບັນດາຫລັກການ ແລະ ເນື້ອໃນໃໝ່ທີ່ສຳຄັນ ແລະ ຈຳເປັນກ່ຽວກັບການປັບປຸງອຳ
ນາດແຫ່ງລັດທີ່ໄດ້ຮັບຜົນສຳເລັດ ແລະ ໄດ້ຮັບການຢັ້ງຢືນຈາກພຶດຕິກຳຕົວຈິງໃນໄລຍະຜ່ານມາເຂົ້າໃສ່ຮ່າງລັດຖະທຳມະນູນໃຫ້ມີເນື້ອໃນຄົບຖ້ວນ
ແລະ ຮັບປະກັນການນຳໃຊ້ຢ່າງຍາວນານແນໃສ່ຍົກສູງບົດບາດ ແລະ ຄວາມສາມາດໃນການນຳ
ພາຂອງພັກກໍຄືການຄຸ້ມຄອງຂອງລະບົບອຳນາດລັດໃນໄລຍະໃໝ່. ເພື່ອຮັບປະກັນໃຫ້ແກ່ການຍົກສູງຄວາມສາມາດ
ແລະ ບົດບາດການນຳພາຂອງພັກໃນເງື່ອນໄຂໃໝ່ແມ່ນມີຄວາມຈຳເປັນທີ່ຈະຕ້ອງປັບປຸງ
ແລະ ພັດ ທະນາລະບົບອຳນາດແຫ່ງລັດ ທາງດ້ານການຈັດຕັ້ງ ກໍຄືການເຄື່ອນໄຫວວຽກງານໃຫ້ມີຄວາມເຂັ້ມແຂງ
ແລະ ມີປະສິດທິຜົນໃນການຄຸ້ມຄອງ ແລະ ບໍລິຫານລັດທີ່ເປັນເອກະ ພາບບົນພື້ນຖານລັດຖະທຳມະນູນ
ແລະ ກົດ ໝາຍເປັນຕົ້ນ: ແມ່ນການປັບປຸງບາງໝວດ, ບາງມາດຕາໃນລັດຖະທຳມະນູນທີ່ພົວພັນເຖິງການບູລະນະລະບົບອຳນາດແຫ່ງລັດ
ປະຊາທິປະໄຕປະຊາຊົນໃຫ້ມີເນື້ອໃນຄົບຖ້ວນ ແລະ ຮັບປະກັນການປະຕິ ບັດໜ້າທີ່ການເມືອງໃນໄລຍະໃໝ່.
ທ່ານນາງ ປານີ ຢາທໍ່ຕູ້ ໃຫ້ຮູ້ວ່າ: ການປັບປຸງລັດຖະທຳມະນູນໃນຄັ້ງນີ້ແມ່ນຈະສຸມໃສ່ບັນດາເນື້ອໃນສຳຄັນໃນໝວດກ່ຽວກັບສະພາແຫ່ງຊາດ,
ສະພາປະຊາຊົນແຂວງ, ນະຄອນຫລວງ, ໝວດປະທານປະເທດ, ໝວດລັດຖະບານ, ໝວດການປົກຄອງທ້ອງຖິ່ນ,
ໝວດສານ ແລະ ໄອຍະການປະຊາຊົນ ແລະ ໝວດກ່ຽວກັບອົງການກວດສອບແຫ່ງລັດ. ເນື່ອງຈາກວ່າລັດຖະທຳມະນູນເປັນກົດໝາຍພື້ນຖານຂອງປະເທດ
ສະນັ້ນ ການປັບປຸງລັດຖະທຳມະນູນໂດຍສະເພາະໃນຈຳນວນໝວດດັ່ງກ່າວຈິ່ງມີຄວາມສຳຄັນທີ່ສຸດຕໍ່ການພັດທະນາເສດຖະກິດ-ສັງຄົມ
ກໍຄືການປັບປຸງລະບົບອຳນາດແຫ່ງລັດໃນໄລຍະໃໝ່.
No comments:
Post a Comment