ທ່ານ ເພັດສະໝອນ ຕຽມຕິສັກ ຮອງຫົວໜ້າຫ້ອງການໂຍທາທິການ
ແລະ ຂົນສົ່ງ ເມືອງຫາດຊາຍຟອງ ໃຫ້ສຳພາດຕໍ່ນັກ ຂ່າວພວກເຮົາໃນວັນທີ 20 ຕຸລາ ນີ້ວ່າ: ໂຄງການກໍ່ສ້າງເສັ້ນທາງເບຕົງຮ່ອມເຂົ້າບ້ານຫາດຊາຍຂາວ
ເຊື່ອມຕໍ່ບ້ານດົງ ສະຫວາດ ເມືອງຫາດຊາຍຟອງ ນະຄອນຫລວງວຽງຈັນ ທີ່ມີຄວາມຍາວ 2 ກວ່າ ກິໂລແມັດ,
ກວ້າງ 8 ແມັດ, ມີມູນຄ່າການກໍ່ສ້າງທັງ ໝົດ 42 ຕື້ກີບ, ເຊິ່ງໄດ້ລົງ ເລີ່ມລົງມືກໍ່ສ້າງມາແຕ່ເດືອນສິງຫາ
2014 ແລະ ມາຮອດປັດຈຸບັນການກໍ່ສ້າງຄືບ ໜ້າຫລາຍກວ່າ 10% ແລະ ຄາດວ່າຈະໃຫ້ສຳເລັດໃນຕົ້ນປີ
2016. ຂະນະດຽວກັນເສົາໄຟຟ້າແຮງສູງຫລາຍສີບຕົ້ນ ແລະ ທໍ່ນ້ຳປະປາໃຫຍ່ ຫລາຍຈຸດອັນເປັນສິ່ງກີດຂວາງສຳຄັນແມ່ນຈະຖືກຍົກຍ້າຍອອກຈາກແລວທາງໃຫ້ສຳເລັດພາຍໃນຕົ້ນ ເດືອນພະຈິກທີ່ຈະເຖິງ
ນີ້.
ທ່ານຮອງຫົວໜ້າຫ້ອງການໂຍທາທິການ ແລະ ຂົນສົ່ງ ເມືອງຫາດຊາຍຟອງ
ໃຫ້ຮູ້ວ່າ: ຄວາມຈິງແລ້ວເສັ້ນທາງດັ່ງກ່າວ ແມ່ນນະຄອນຫລວງວຽງຈັນ ກໍຄືເມືອງຫາດຊາຍຟອງໄດ້ມີແຜນຈະກໍ່ສ້າງມາດົນແລ້ວເພື່ອຍົກລະດັບພື້ນຖານໂຄງລ່າງດ້ານ
ຖະໜົນຫົນທາງ, ການສັນຈອນໄປມາໃຫ້ມີຄວາມສະດວກດີຂຶ້ນ, ດັ່ງປີ 1992 ໄດ້ມີການສຳຫລວດ, ອອກແບບ
ແລະ ປັກ ແລວສະຫງວນໄວ້ເພື່ອຈະກໍ່ສ້າງ ໃນຄວາມກວ້າງ 25 ແມັດ, ແຕ່ເວລານັ້ນງົບປະມານທີ່ຈະກໍ່ສ້າງມີບໍ່ພຽງພໍຈຶ່ງໄດ້ໂຈະໄວ້
ກ່ອນ, ຂະນະດຽວກັນ, ການຄຸ້ມຄອງແລວທາງສະຫງວນກໍບໍ່ເຂັ້ມງວດດີເທົ່າທີ່ຄວນຈຶ່ງມີປະຊາຊົນຈຳນວນໜຶ່ງໄດ້ຍັບຍ້າຍ
ເຂົ້າມາອາໄສຢູ່ໃນເຂດສະຫງວນແລວທາງດັ່ງກ່າວ. ຕົກມາຮອດ ປີ 2011 ພາກສ່ວນກ່ຽວຂ້ອງ ຈຶ່ງມີແຜນພັດທະນາເສັ້ນທາງ
ດັ່ງກ່າວຄືນໃໝ່ໂດຍແມ່ນບໍລິສັດແສງວິໄຊກໍ່ສ້າງຂົວທາງເປັນຜູ້ຊະນະການປະມູນໃນມູນຄ່າ 42 ຕື້ກີບ
ແລະ ລົງທຶນຮັບເໝົາ ກໍ່ສ້າງກ່ອນ 100%, ຫລັງຈາກນັ້ນ, ອຳນາດການປົກຄອງເມືອງຈຶ່ງໄດ້ລົງໄປໂອ້ລົມກັບປະຊາຊົນໃນຮູບແບບປະຊາຊົນສົມ
ທົບທຶນ 30% ແລະ ລັດຖະບານ 70%, ແຕ່ຍ້ອນປະຊາຊົນບໍ່ມີຄວາມສາມາດປະກອບສ່ວນໄດ້ຕາມເງື່ອນໄຂຈຶ່ງໄດ້ໃຊ້ຮູບ
ການລະດົມປະຊາຊົນທີ່ມີດິນໜ້າເຮືອນຖືກແລວທາງປະມານ 30 ກວ່າຄອບຄົວໃຫ້ສະຫລະເນື້ອທີ່ດິນຂອງຕົນໂດຍບໍ່ໄດ້ຮັບ
ການ ຊົດເຊີຍໃດໆ ແລະ ປະຊາຊົນກໍມີ ຄວາມເປັນເອກກະພາບເຫັນດີ ໃນເງື່ອນໄຂດັ່ງກ່າວ ແລະ ມາ
ຮອດເດືອນສິງຫາ 2014 ຈຶ່ງໄດ້ຮັບອະນຸຍາດຈາກນະຄອນຫຼວງວຽງຈັນໃຫ້ລົງມືກໍ່ສ້າງ, ແຕ່ການກໍ່ສ້າງແມ່ນດຳເນີນໄປໄລຍະໜຶ່ງໄດ້ຢຸດຊົ່ວຄາວ
ເນື່ອງຈາກເປັນລະດູຝົນບໍ່ສາມາດດຳເນີນການກໍ່ສ້າງໄດ້, ຜູ້ຮັບເໝົາຈຶ່ງຫັນໄປສຸມໃສ່ການຜະລິດທໍ່ລະບາຍນ້ຳລໍຖ້າ,
ສຳລັບ ການກໍ່ສ້າງຫລັງຫວິດຊ່ວງໄລຍະລະດູຝົນ ແລະ ມາຮອດປັດຈຸບັນແມ່ນໄດ້ສືບຕໍ່ກໍ່ສ້າງແລ້ວໂດຍເລີ່ມຈາກການຂູດຫລອກໜ້າ
ດິນ, ກະກຽມວາງທໍ່ລະບາຍນ້ຳບາງຈຸດ ແລະ ຄາດວ່າການກໍ່ສ້າງເສັ້ນທາງດັ່ງກ່າວຈະໃຫ້ສຳເລັດພາຍໃນ
16 ເດືອນນັບແຕ່ນີ້ ເປັນຕົ້ນໄປ ແລະ ໃນໄລຍະກໍ່ສ້າງນີ້ຂໍໃຫ້ປະຊາຊົນຜູ້ໃຊ້ລົດໃຊ້ຖະໜົນຜ່ານໄປມາ,
ຈົ່ງມີສະຕິລະວັງໃນການຂັບຂີ່ຍານພາຫະ ນະ, ຄ່ອຍໄປຄ່ອຍມາເພື່ອໃຫ້ຮັບປະກັນຄວາມປອດໄພ.
No comments:
Post a Comment