ກອງປະຊຸມວຽກງານການເງິນທົ່ວປະເທດ ປະຈຳສົກປີ
2013-2014 ໄດ້ສຳເລັດລົງໃນວັນທີ 30 ຕຸລານີ້, ຢູ່ຫໍປະຊຸມ ແຫ່ງຊາດ, ນະຄອນຫລວງວຽງຈັນ,
ພາຍຫລັງດຳເນີນມາເປັນເວລາ 2 ວັນເຄິ່ງໂດຍການເຂົ້າຮ່ວມເປັນປະທານຂອງທ່ານ ດຣ
ບຸນປອນ ບຸດຕະນະວົງ ຮອງນາ ຍົກລັດຖະມົນຕີ, ຜູ້ຊີ້ນຳວຽກງ ານເສດຖະກິດມະຫາພາກ
ແລະ ການບໍລິການ, ມີທ່ານ ດຣ ລຽນ ທິແກ້ວ ລັດ ຖະມົນຕີວ່າການກະ ຊວງການເງິນ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມໄດ້ສະຫລຸບຄືນການຈັດຕັ້ງປະຕິບັດວຽກງານຂອງຂະແໜງການເງິນໃນສົກປີ
2013-2014 ແລະ ທິດທາງແຜນ ການສົກປີ 2014-2015 ພ້ອມທັງປະກອບຄຳເຫັນໃສ່ແຜນຍຸດທະສາດການພັດທະນາການເງິນແຫ່ງລັດຮອດປີ
2025, ວິໄສທັດປີ 2030 ແລະ ວາງແຜນງົບປະມານແຫ່ງລັດ 5 ປີຄັ້ງທີ VIII.
ຮອງນາຍົກລັດຖະມົນຕີ ດຣ ບຸນປອນ ບຸດຕະນະວົງ
ກ່າວປິດກອງປະຊຸມວ່າ: ການຈັດຕັ້ງປະຕິບັດແຜນງົບປະມານໃນສົກປີ 2014-2015 ແມ່ນໄລຍະທີ່ມີຄວາມສຳຄັນ
ເຊິ່ງເປັນປີມ້ວນ ທ້າຍຂອງການຈັດຕັ້ງປະຕິບັດແຜນພັດທະນາເສດ ຖະກິດ-ສັງ ຄົມ 5 ປີ
ຄັ້ງທີ VII ໃຫ້ຄະນະພັກ, ຄະນະນຳກະຊວງການເງິນສືບຕໍ່ເປັນເສນາທິການໃຫ້ແກ່ພັກ
ແລະ ລັດຖະ ບານເຮັດແນວໃດ ຈະຊີ້ນຳນຳພາຂະແໜງການເງິນມີຄວາມຄ່ອງຕົວ ແລະ ຂັບເຄື່ອນໄປດ້ວຍດີໄປພ້ອມໆກັບຂະແໜງການອື່ນໆໃນທົ່ວປະເທດ,
ສືບຕໍ່ເອົາໃຈໃສ່ຄົ້ນຄວ້າຕັ້ງບັນຫາກ່ຽວກັບການຈັດຕັ້ງ ປະຕິບັດພາລະບົດບາດຄຸ້ມຄອງມະຫາພາກໃຫ້ເລິກເຊິ່ງ,
ກະ ຊວງ ແລະ ບັນດາກົມ ຈະຕ້ອງໄດ້ລົງເລິກຄົ້ນຄວ້າດ້ານວິຊາສະເພາະ, ວິຊາການ
ເພື່ອກຳນົດຍຸດທະສາດໃຫ້ຖືກຕ້ອງຕາມສະ ພາບຄວາມເປັນຈິງໃນປັດຈຸບັນ ພ້ອມກັນນີ້
ກໍໃຫ້ເອົາໃຈໃສ່ຕື່ມໃນການປັບປຸງກົງຈັກການຈັດ ຕັ້ງຂອງຂະແໜງການເງິນໃຫ້ກະທັດຮັດແຕ່ມີຄຸນນະພາບ,
ຄົ້ນຄວ້າບັນດາກົນໄກ, ລະບອບ ລະບຽບການຄຸ້ມຄອງການເກັບລາຍຮັບ ຢ່າງເປັນລະບົບ
ແລະ ໃຫ້ກົມກ່ຽວລະອຽດໃນການ ເບີກ-ຈ່າຍເງິນເດືອນຂອງທ້ອງຖິ່ນເມື່ອໂອນໄປແລ້ວທ້ອງຖິ່ນໃດເອົາເງິນໄປລົງທຶນເຮັດທຸລະກິດ,
ເອົາໄປລົງທຶນ ຫລື ຊຳລະໂຄງການກ່ອນຕ້ອງໄດ້ມີການລາຍງານຂັ້ນເທິ່ງ. ນອກຈາກນີ້,
ກະຊວງການເງິນຈະຕ້ອງໄດ້ຄົ້ນ ຄວ້າຊ່ວຍລັດຖະບານໃນການປັບປຸງຍຸດທະສາດການພັດທະ
ນາຂະແໜງການເງິນເພື່ອເຊື່ອມຈອດເຂົ້າກັບພາກພື້ນ ແລະ ສາກົນໃນຕໍ່ໜ້າ.
ສຳລັບຂະແໜງການເງິນໃນຂັ້ນທ້ອງຖິ່ນນັ້ນ,
ທ່ານຮອງນາ ຍົກໄດ້ເນັ້ນໃຫ້ຄະນະພັກ, ຄະນະນຳທ້ອງຖິ່ນສືບຕໍ່່ເອົາໃຈໃສ່ໃນການຮັບປະກັນການເກັບລາຍຮັບ-ຄຸ້ມຄອງລາຍຈ່າຍໄປຕາມລະບຽບແບບແຜນ,
ຕ້ອງເອົາໃຈໃສ່ຄຸ້ມຄອງພະນັກງານການເງິນທ້ອງຖິ່ນ ເພື່ອຫລີກລ່ຽງບໍ່ໃຫ້ເກີດມີປາກົດການຫຍໍ້ທໍ້ໃນຂົງເຂດການເງິນ
ແລະ ເອົາໃຈໃສ່ປະສານສົມທົບກັບຄະນະນຳ, ອຳນາດການປົກຄອງໃນການເບີກຈ່າຍເງິນເດືອນໃຫ້ຖືກຕ້ອງຕາມລະບຽບການ
ແລະ ອື່ນໆ.
No comments:
Post a Comment