ທະນາຄານພັດທະນາອາຊີ (ADB), ໄດ້ຕົກລົງໃຫ້ທຶນຊ່ວຍເຫລືອລາວ
40 ລ້ານໂດລາສະ ຫະລັດ ຫລື ປະມານ 320 ຕື້ກວ່າກີບເພື່ອພັດທະນາພື້ນຖານ ໂຄງ ລ່າງເພື່ອສົ່ງເສີມການທ່ອງທ່ຽວຢູ່
4 ແຂວງຄື: ອຸດົມໄຊ, ຫລວງພະບາງ, ຄຳມ່ວນ ແລະ ແຂວງຈຳປາສັກເພື່ອການປັບປຸງເສັ້ນທາງ, ສະຖານທີ່ທ່ອງ
ທ່ຽວ, ປັບປຸງ ສະພາບແວດລ້ອມເພື່ອອຳນວຍ ຄວາມສະດວກໃຫ້ແກ່ການທ່ອງທ່ຽວໃນອະ ນຸພາກພື້ນແມ່ນ້ຳຂອງ,
ຊຶ່ງພິທີມອບ- ຮັບການຊ່ວຍເຫລືອດັ່ງກ່າວໄດ້ມີຂຶ້ນ ໃນວັນທີ 27 ຕຸລານີ້, ທີ່ກະ ຊວງການເງິນລະຫວ່າງທ່ານ
ນາງ ທິບພະກອນ ຈັນທະວົງສາ ລັດຖະມົນຕີຊ່ວຍວ່າການກະ ຊວງການເງິນ ແລະ ທ່ານ ນາງ ແຊນດຣ້າ ນິໂຄຣ
ຜູ້ຕາງໜ້າສຳນັກງານທະນາຄານພັດທະນາ ອາຊີປະຈຳລາວ, ມີບັນດາລັດ ຖະມົນຕີຊ່ວຍວ່າການ ແລະ ພະ
ນັກງານກ່ຽວຂ້ອງທັງສອງຝ່າຍເຂົ້າຮ່ວມນຳດ້ວຍ.
ທ່ານລັດຖະມົນຕີຊ່ວຍວ່າການກະຊວງການເງິນ ກ່າວວ່າ:
ຂະແໜງທ່ອງທ່ຽວເປັນຂະແໜງການໜຶ່ງທີ່ປະກອບສ່ວນ ສຳຄັນ ໃຫ້ແກ່ການພັດທະນາເສດຖະກິດ-ສັງຄົມ,
ການປັບປຸງຄຸນນະພາບ ແລະ ສ້າງຄວາມເຂັ້ມແຂງ ໃຫ້ລະບົບຄຸ້ມຄອງ ຂະແໜງທ່ອງທ່ຽວ. ສົ່ງເສີມພາກທຸລະກິດຂະໜາດນ້ອຍ-ກາງ
ແລະ ປັບປຸງຂີດຄວາມສາມາດໃຫ້ອົງກອນທີ່ກ່ຽວພັນ
ກັບການສົ່ງເສີມການທ່ອງທ່ຽວໃນອະນຸພາກພື້ນແມ່ນ້ຳແນໃສ່ປົກປັກຮັກສາຮີດຄອງປະເພນີ,
ສ້າງຊີວິດການເປັນຢູ່ທີ່ດີໃຫ້ ແກ່ຜູ້ທຸກຍາກ ແລະ ສ້າງສະພາບແວດລ້ອມທີ່ອຳນວຍໃຫ້ແກ່ການທ່ອງທ່ຽວຄຽງຄູ່ກັບການພັດທະນາເສດຖະກິດໃຫ້ມີ
ປະສິດທິຜົນ.
ທ່ານນາງ ແຊນດຣ້າ ນິໂຄຣ ກ່າວວ່າ: ໂຄງການດັ່ງກ່າວຈະຊ່ວຍກະຕຸກຊຸກຍູ້ການລົງທຶນຂອງພາກເອກະຊົນເຂົ້າໃສ່ໂຄງ
ການພື້ນຖານ ແລະ ການບໍລິການທີ່ຕິດພັນກັບຂະແໜງການທ່ອງທ່ຽວຫລາຍຂຶ້ນພ້ອມທັງເປັນການສ້າງວຽກເຮັດງານທຳໃນ
ບັນດາເຂດທີ່ຍັງບໍ່ທັນໄດ້ຮັບການພັດທະນາ ແລະ ຮັບປະກັນໃຫ້ແກ່ການຂະຫຍາຍຕົວຂອງອຸດສະຫະກຳການທ່ອງທ່ຽວໄປ
ໃນທິດທາງງທີ່ຍືນຍົງ. ໃນປີ 2013 ມີນັກທ່ອງທ່ຽວເຂົ້າມາ ທ່ຽວບັນດາປະເທດສະມາຊິກອະນຸພາກພື້ນແມ່ນ້ຳຂອງເພີ່ມຂຶ້ນ
ຫລາຍກວ່າ 12% ແລະ ສາມາດ ສ້າງລາຍຮັບໄດ້ປະມານ 50 ຕື້ ໂດລາສະຫະລັດ, ສຳລັບຢູ່ ສປປ ລາວ ການຂະຫຍາຍຕົວ
ຂອງອຸດສາຫະກຳການທ່ອງທ່ຽວ ສ່ວນໃຫຍ່ແມ່ນຢູ່ໃນນະຄອນຫລວງວຽງຈັນ, ແຕ່ໂດຍລວມ ແລ້ວເຫັນ ວ່າ:
ການພັດ ທະນາທຸລະກິດທ່ອງທ່ຽວຢູ່ລາວເຮົາຍັງຈຳກັດ ແລະ ຜົນໄດ້ຮັບຈາກການທ່ອງທ່ຽວທີ່ເຂົ້າເຖິງປະຊາຊົນຢູ່ເຂດຫ່າງ
ໄກສອກ ຫລີກຍັງມີໜ້ອຍ, ນັກທ່ອງທ່ຽວສ່ວນ ໃຫຍ່ທີ່ເຂົ້າມາທ່ຽວໃນ ສປປ ລາວ ໃຊ້ຈ່າຍສະເລ່ຍແລ້ວປະມານ
160 ໂດລາສະ ຫະລັດ/ຄົນ, ເຊິ່ງເປັນລາຍຈ່າຍທີ່ຕ່ຳສຸດສຳລັບການທ່ອງທ່ຽວໃນບັນດາປະເທດສະມາຊິກອະນຸພາກພື້ນແມ່ນ້ຳຂອງອື່ນໆ.
No comments:
Post a Comment