ຄະນະຜູ້ແທນຈາກບັນດາປະເທດອາຊຽນ, ກອງເລຂາອາຊຽນ, ໄດ້ຫາລືຮ່ວມ ກັນກ່ຽວກັບຂໍ້ຕົກລົງອາຊຽນວ່າດ້ວຍ
ມົນລະພິດໝອກຄວັນຂ້າມຜ່ານຊາຍແດນ, ໂດຍໄດ້ທົບທວນຄືນບັນຫາສະພາບໝອກຄວັນ ແລະ ການພະຍາກອນອາກາດ,
ເຊິ່ງ ຄະນະຜູ້ແທນແຕ່ລະປະເທດສະມາຊິກອາຊຽນໄດ້ມີການລາຍ ງານກ່ຽວກັບ ສະຖານະການໄຟປ່າ ແລະ ມົນລະພິດທາງອາກາດທີ່ເກີດຂຶ້ນຢູ່ໃນປະເທດ ຕົນໃຫ້ ກອງປະຊຸມຮັບຊາບ, ພ້ອມທັງລາຍງານແຜນການຮັບມືກັບບັນ ຫາດັ່ງກ່າວໃນ ຕໍ່ໜ້າ,
ຂະນະດຽວກັນ, ຜູ້ແທນຈາກປະເທດ ມາເລເຊຍ ແລະ ອິນໂດເນເຊຍ ກໍໄດ້ລາຍງານກ່ຽວກັບຄວາມຄືບໜ້າ ການ ປັບປຸງລະບົບເຕືອນໄພຄວາມອັນຕະລາຍຂອງການເກີດໄຟໃໝ້ປ່າ. ນອກຈາກນີ້ ກອງປະຊຸມຍັງໄດ້ຫາລືກົນໄກການປະກອບ
ສ່ວນເຂົ້າໃນກອງທຶນຄວບຄຸມມົນລະພິດໝອກຄວັນຂ້າມຜ່ານຊາຍແດນອາຊຽນເພື່ອນຳໃຊ້ເຂົ້າໃນວຽກງານຄວບຄຸມ
ແລະ ຫລຸດຜ່ອນສະພາບມົນລະພິດທາງອາກາດໃນພາກພື້ນ.
ບັນຫາດັ່ງກ່າວໄດ້ມີການປຶກສາຫາລືໃນກອງປະຊຸມພາຄີຄັ້ງທີ
10 ກ່ຽວກັບຂໍ້ຕົກລົງອາຊຽນວ່າດ້ວຍມົນລະພິດໝອກ ຄວັນຂ້າມຊາຍແດນທີ່ຈັດຂຶ້ນໃນວັນທີ 28 ຕຸລານີ້,
ຢູ່ໂຮງແຮມດອນຈັນພາເລດ ນະຄອນຫຼວງວຽງຈັນ, ໂດຍການເປັນປະ ທານຂອງທ່ານນາງ ມອນມະນີ ຍອຍບົວກ່ອງ ລັດຖະມົນຕີຊ່ວຍ ວ່າການກະຊວງຊັບພະຍາກອນທຳມະຊາດ ແລະ
ສິ່ງ ແວດລ້ອມ, ທັງເປັນຫົວໜ້າຄະນະກຳມະການແມ່ນ້ຳຂອງແຫ່ງຊາດລາວ.
No comments:
Post a Comment