ໃນວັນທີ 28 ຕຸລານີ້, ຢູ່ນະຄອນຫລວງວຽງຈັນ, ຮອງນາ ຍົກລັດຖະມົນ ຕີລັດຖະມົນຕີວ່າການກະຊວງການຕ່າງປະ
ເທດ ທອງລຸນ ສີສຸລິດ ໄດ້ເປັນປະທານ ກອງປະຊຸມທົບທວນຄືນການຮ່ວມມືລະຫວ່າງລັດຖະບານລາວກັບອົງການຈັດຕັ້ງສາ
ກົນທີ່ບໍ່ສັງກັດລັດຖະບານ (INGOs) ຄັ້ງທີ II ເພື່ອຕີລາຄາໝາກຜົນຂອງການຮ່ວມມືລະ
ຫວ່າງລັດຖະບານລາວກັບອົງ ການຈັດຕັ້ງດັ່ງກ່າວທີ່ກຳລັງປະຕິບັດໜ້າທີ່ຢູ່ ສປປ ລາວ
ທັງໝົດ 171 ອົງການ, ໃນນີ້ 78 ອົງການມີຫ້ອງການຜູ້ຕາງ ໜ້າ ແລະ ຫ້ອງການໂຄງການປະຈຳຢູ່ລາວທີ່ມາຈາກ
21 ປະເທດ, ເຊິ່ງ ໂຄງການຮ່ວມມືຂອງອົງການຈັດຕັ້ງສາກົນທີ່ບໍ່ສັງກັດລັດຖະ ບານໄດ້ຈັດຕັ້ງປະຕິບັດຢູ່ທຸກແຂວງໃນທົ່ວປະເທດ.
ໃນນີ້ຂະແໜງສະຫວັດດີການ-ສັງຄົມ ປະກອບມີການພັດທະນາຊົນນະ ບົດ, ເກັບກູ້ລະເບີດບໍ່ທັນແຕກ,
ຄົນພິການ, ໄພສຸກເສີນກວມ 33,16%, ສາທາລະນະສຸກ 24%,ການສຶກສາ-ກິລາ
25,73%, ກະສີກຳ
17,11%, ລວມມູນຄ່າການຮ່ວມມືໃນປີ 2010 ມີ 61 ລ້ານໂດລາສະຫະລັດ, ປີ 2011 ມີ
80 ລ້ານໂດລາສະຫະລັດ, ປີ 2012 ມີ
77 ລ້ານໂດລາສະຫະລັດ, ປີ 2013 ມີ 70,5 ລ້ານໂດລາສະຫະລັດ ແລະ ໃນ 9 ເດືອນປີ
2014 ນີ້ ມີປະມານ 40 ລ້ານໂດລາສະຫະລັດ ແລະ ລວມມູນຄ່າໄລຍະ 5 ປີ ມີທັງໝົດ
328,5 ລ້ານໂດລາສະຫະລັດ, ສະເລ່ຍເປັນປີລະ 66 ລ້ານໂດລາສະຫະລັດ, ອັນໄດ້ປະກອບສ່ວນສຳຄັນເຂົ້າໃນການຫລຸດຜ່ອນຄວາມທຸກຍາກໃຫ້ແກ່ປະຊາຊົນບັນດາເຜົ່າກໍຄືໄດ້ປະກອບສ່ວນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງລາວ,
ໂດຍສະເພາະແມ່ນຊ່ວຍໃຫ້ລາວສາມາດບັນລຸບາງເປົ້າໝາຍດ້ານການພັດທະນາ ແລະ ກອງປະຊຸມຍັງໄດ້ສະເໜີຮັບຮອງເອົາຂໍ້ແນະນຳໃນການຈັດຕັ້ງປະຕິບັດດຳລັດນາຍົກລັດຖະມົນຕີວ່າດ້ວຍອົງການຈັດຕັ້ງສາກົນທີ່ບໍ່ສັງກັດລັດຖະບານ,
ສະບັບເລກທີ 013/ນຍ ເພື່ອແນໃສ່ເຮັດໃຫ້ການຮ່ວມມື ແລະ ການຊ່ວຍເຫລືອຈາກອົງການຈັດຕັ້ງສາກົນໄດ້ຮັບໝາກຜົນສູງສຸດ.
No comments:
Post a Comment