ນາຍົກລັດຖະມົນຕີ ທອງສິງ ທຳມະວົງເນັ້ນການສ້າງຂະບວນການແຂ່ງຂັນ “ຮັກຊາດ ແລະ ພັດທະນາ” ຕ້ອງຕິດພັນກັບ ເນື້ອໃນ 4 ບຸກທະລຸ

     ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ໃຫ້ທິດຊີ້ນຳໃນໂອກາດທີ່ນະ ຄອນຫລວງວຽງຈັນເປີດຂະບວນການ ແຂ່ງຂັນ “ຮັກຊາດ ແລະ ພັດທະນາ, ຮັກ ນະຄອນຫລວງ ແລະ ຮ່ວມສ້າງນະຄອນຫລວງ” ໃນວັນທີ 10 ຕຸລາຜ່ານມານີ້ວ່າ: ຄະນະ ພັກນະຄອນຫລວງວຽງຈັນ ຕ້ອງເພີ່ມທະວີການນຳພາ ແລະ ສ້າງຂະບວນ ການແຂ່ງຂັນ “ຮັກຊາດ ແລະ ພັດທະນາ” ບົນເນື້ອ ໃນຈິດໃຈ 4 ບຸກທະລຸທີ່ມະຕິ ກອງປະຊຸມໃຫຍ່ຄັ້ງທີ IX ຂອງພັກວາງອອກເປັນຕົ້ນຄາດໝາຍການ ພັດທະນາ ເສດຖະກິດໂດຍສະເພາະດ້ານອຸດສາຫະກຳ-ຫັດຖະກຳ, ການບໍລິການ ແລະ ກະສິກຳ, ການຜະລິດເປັນສິນຄ້າ, ປູກຝັງ-ລ້ຽງສັດ, ການສ້າງເສດຖະກິດ, ການນຳໃຊ້ວິທະຍາສາດເຕັກນິກໃໝ່, ຍົກສະ ມັດຕະພາບ ແລະ ຄຸນນະພາບຂອງການຜະລິດລວມທັງ ແຂ່ງຂັນກັນປະຢັດ ແລະ ອື່ນໆ.

     ທ່ານນາຍົກລັດຖະມົນຕີໄດ້ເນັ້ນຕື່ມວ່າ: ໃຫ້ບັນດາຄະນະພັກນະຄອນຫລວງວຽງຈັນ ແຕ່ລະຂັ້ນເອົາໃຈໃສ່ຕໍ່ການ ຊີ້ນຳ- ນຳພາໃນຂົງເຂດທີ່ຕົນຮັບຜິດຊອບຢ່າງເປັນປົກກະຕິເພື່ອແນໃສ່ເຮັດໃຫ້ມີຂະບວນການແຂ່ງຂັນຢ່າງຕັ້ງໜ້າໂດຍຕິດພັນກັບຄຳ ຂວັນ “ຮັກຊາດ ແລະ ພັດທະນາ” ໃຫ້ປະກົດຜົນເປັນຈິງ, ເພີ່ມທະວີການນຳພາຂອງຕົ້ນຕໍ່ວຽກງານແຂ່ງຂັນ-ຍ້ອງຍໍ, ເອົາໃຈ

ໃສ່ປະຕິບັດບັນດາຄາດໝາຍດ້ານວັດທະນະທຳ-ສັງຄົມເຊັ່ນ: ການລຶບລ້າງຄວາມທຸກຍາກ, ການເຝິກອົບຮົມວິຊາຊີບ, ແກ້ ໄຂການບໍ່ມີວຽກເຮັດງານທຳ, ຍົກລະດັບການສຶກສາ ແລະ ຄວາມຮູ້ດ້ານວິຊາການ, ການປະຕິບັດບັນດາຄາດໝາຍດ້ານສາ ທາລະນະສຸກ, ການປະຕິບັດເປົ້າໝາຍສະຫັດສະວັດດ້ານການພັດທະນາ, ການປະຕິບັດວຽກງານສະຫວັດດີການສັງຄົມ,​ ການປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທຳອັນດີງາມຂອງຊາດ, ການສ້າງສະຕິຊາດ, ສະຕິເຄົາລົບກົດ ໝາຍ ແລະ ຈັນຍາບັນອື່ນໆໃຫ້ໄດ້ຮັບໝາກຮັບຜົນຕົວຈິງ.

     ພ້ອມກັນນີ້ ໄດ້ສະເໜີໃຫ້ຄະນະນຳນະຄອນຫລວງແຕ່ລະຂັ້ນຈົ່ງເພີ່ມທະວີການນຳພາການເມືອງແນວຄິດໃຫ້ເຂັ້ມແຂງ ດ້ວຍການແຂ່ງຂັນປະຕິບັດແນວທາງ ແລະ ບັນດາຄາດໝາຍການປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບ ດ້ານທີ່ພັກ-ລັດວາງອອກເພື່ອຮັບປະກັນໃຫ້ທົ່ວປະເທດເວົ້າລວມ, ເວົ້າສະເພາະແມ່ນທົ່ວນະຄອນຫຼວງ ມີສະຖຽນລະພາບ ທາງດ້ານການເມືອງ, ມີຄວາມສະຫງົບ, ມີຄວາມເປັນລະບຽບຮຽບຮ້ອຍທາງດ້ານສັງຄົມ, ມີສະຕິລະວັງ ຕົວ ແລະ ຕ້ານທຸກ ກົນອຸບາຍທຳລາຍມ້າງເພຂອງພວກຄົນບໍ່ຫວັງດີຕໍ່ພັກ, ຕໍ່ປະເທດຊາດ, ຕໍ່ລະບອບປະຊາທິປະໄຕປະຊາຊົນລາວ ແລະ ປັບ ປຸງລະບົບການເມືອງໃຫ້ໜັກແໜ້ນ-ເຂັ້ມແຂງ, ຖືສຳຄັນການເພີ່ມທະວີການນຳພາຂອງພັກກັບການເສີມຂະຫຍາຍຄວາມສັກ ສິດໃນການຄຸ້ມຄອງລັດ-ຄຸ້ມຄອງສັງຄົມ, ການປົກປັກຮັກສາ ແລະ ເສີມຂະຫຍາຍຄວາມສາມັກຄີພາຍໃນການຈັດຕັ້ງ, ຄວາມ ສາມັກຄີເປັນປຶກແຜ່ນຂອງຊາວນະຄອນຫລວງວຽງຈັນ. ພ້ອມນັ້ນກໍໃຫ້ຫັນປ່ຽນເອົາວຽກງານ “ແຂ່ງຂັນ-ຍ້ອງຍໍ” ແລະ ການ ສ້າງຂະບວນການແຂ່ງຂັນ “ຮັກຊາດ ແລະ ພັດທະນາ” ເປັນແຜນການເຄື່ອນໄຫວລະອຽດຂອງຄະນະພັກແຕ່ລະຂັ້ນໃນການ ຕິດຕາມ, ກວດກາ ແລະ ເກັບກຳຂໍ້ມູນຜົນງານຂອງບຸກຄົນ, ກົມກອງລວມໝູ່ ແລະ ຄົ້ນຄວ້າສະເໜີຍ້ອງຍໍໃຫ້ຊັດເຈນ, ຖືກ ຕ້ອງ-ທົ່ວເຖິງທຸກເປົ້າໝາຍ ແລະ ເໝາະສົມກັບຜົນງານຕົວຈິງຕາມການແຂ່ງຂັນປົກກະຕິ ແລະ ການແຂ່ງຂັນຕາມແຕ່ລະ ບັ້ນ. ໃນນີ້ກໍໃຫ້ມີການປັບປຸງກົງຈັກການຈັດຕັ້ງທີ່ເຮັດວຽກງານແຂ່ງຂັນ-ຍ້ອງຍໍນັ້ນໃຫ້ມີຄຸນນະພາບ, ມີຄວາມຮູ້-ຄວາມສາ ມາດໃນການປະຕິບັດໜ້າທີ່ໄດ້ຢ່າງຖືກຕ້ອງ ແລະ ມີຄວາມເປັນເອກະພາບກັນ.