ໃນວັນທີ 21 ຕຸລານີ້ກຸ່ມ ບໍລິສັດເຕັ້ນຄຳ (ປະເທດຝຣັ່ງ)
ຮ່ວມກັບບໍລິສັດເຕັ້ນ ຟັງລາວໄດ້ຈັດຖະແຫລງຂ່າວກ່ຽວກັບການ ຈັດງານເທດສະການເຕັ້ນຟັງ ແມ່ ຂອງ ຄັ້ງທີ
5 ປະຈຳປີ 2014, ຂຶ້ນຢູ່ສະມາຄົມນັກຂ່າວແຫ່ງປະເທດລາວ, ໂດຍ ການເຂົ້າ ຮ່ວມຂອງຫົວໜ້າບໍລິສັດດັ່ງກ່າວ,
ພ້ອມຄະນະຈັດຕັ້ງງານ ແລະ ສື່ມວນຊົນເຂົ້າ ຮ່ວມ.
ຫົວ ໜ້າບໍລິສັດເຕັ້ນຟັງລາວ, ນາງ ນຸດນະພາ ສ້ອຍ ສຸວັນຖະແຫຼ່ງວ່າ: ເທດສະການເຕັ້ນຄັ້ງນີ້ຈະຈັດຂຶ້ນໃນລະຫວ່າງວັນທີ
25 - 26 ຕຸລານີ້, ຢູ່ສະຖາບັນຝຣັ່ງ, ນະຄອນ ຫຼວງວຽງຈັນ
ແລະ ຈະມີຫລາຍກິດຈະກຳເຊັ່ນ: ການປະກວດເຕັ້ນ,
ການສະແດງເຕັ້ນ ຈາກ 5 ປະເທດຄື ສິງກະໂປ, ໄທ, ຫວຽດນາມ, ຝຣັ່ງ ແລະ ລາວ, ພ້ອມດ້ວຍການສະແດງອື່ນໆອີກຫລາກຫລາຍ,
ພິເສດປີນີ້ພວກເຮາຈະມີການສະແດງເຕັ້ນ ແບບລະຄອນນຳ ອີກ.
ຫົວໜ້າບໍລິສັດເຕັ້ນຝຣັ່ງ
ລາວກ່າວວ່າ: ບໍລິສັດເຕັ້ນຟັງ ລາວໄດ້ຮ່ວມກັບບໍລິສັດເຕັ້ນຄຳ ປະເທດຝຣັ່ງ ຈັດງານເທສະການ
ເຕັ້ນຟັງແມ່ຂອງເລີ່ມແຕ່ປີ 2010 ເປັນຕົ້ນມາ ແລະ ປີນີ້ກໍ່ເຊັ່ນດຽວກັບທຸກໆປີຜ່ານມາ, ພວກເຮົາຈັດງານດັ່ງກ່າວຂຶ້ນເພື່ອ
ເປັນເວທີໃນການໂຄສະນາເຜີຍແຜ່, ອະນຸລັກ ແລະ ສົ່ງເສີມການແລກປ່ຽນວັດທະນາທຳພາຍໃນປະເທດ ແລະ
ພາກພື້ນ, ເພື່ອຊຸກຍູ້ວຽກງານການສືກສາ ແລະ ກິດຈະກຳນອກຫລັກສູດແກ່ໄວຫນຸ່ມໃນການໃຊ້ເວລາຫວ່າງໃຫ້ເປັນປະໂຫຍດ,
ຫ່າງໄກຢາເສບຕິດ, ໂຄສະນາວຽກງານການປ້ອງ ກັນ HIV, ສຸຂະພາບຈະເລີນພັນ, ການປ້ອງກັນການຖືພາຂອງໄວຫນຸ່ມ
ແລະ ໂຄສະນາວຽກງານຄວາມປອດໄພຕາມທ້ອງຖະຫນົນນຳອີກ.
No comments:
Post a Comment