ບຸນນະມັດສະການພະທາດຫລວງປີນີ້, ກໍຄືກັບທຸກໆປີຜ່ານມາແມ່ນເພື່ອແນໃສ່ເສີມຂະ ຫຍາຍ,
ມູນເຊື້ອວັດທະນະທຳ ແລະ ຮີດຄອງປະເພນີອັນດີງາມຂອງຊາດລາວເຮົາທີ່ເຄີຍສືບ ທອດກັນມາແຕ່ບູຮານນະການໃຫ້ ດຳລົງຄົງຢູ່ກັບຊາວລາວຕະ
ຫລອດໄປ ແລະ ເພື່ອ ເຮັດໃຫ້ງານດັ່ງກ່າວເຕັມໄປດ້ວຍບັນຍາກາດເບີກບານມ່ວນຊື່ນ ແລະ ຮັບປະກັນໄດ້ຄວາມ ສະຫງົບ
ປອດໄພເຈົ້າຄອງນະຄອນຫລວງວຽງຈັນຈຶ່ງໄດ້ວາງກຳນົດໃຫ້ມີການຄົບງັນ, ວາງສະແດງ ແລະ ຂາຍສິນຄ້າ
7 ວັນ (31 ຕຸລາ-6 ພະຈິກ 2014), ພ້ອມໃຫ້ບັນດາຫົວ ໜ່ວຍທຸລະກິດ, ຫ້າງຮ້ານທີ່ເຂົ້າຮ່ວມງານວາງສະແດງ
ແລະ ຂາຍສິນຄ້າຈົ່ງປະຕິບັດລະ ບຽບຫລັກການທີ່ທາງຄະນະກຳມະການກຳນົດໄວ້ຢ່າງເຂັ້ມງວດ.
ທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນຫລວງວຽງຈັນ,
ຄະນະກຳມະການຈັດງານບຸນນະມັດສະການປະ ທານຫລວງປະຈຳປີ 2014 ໄດ້ກ່າວ ໃນງານຖະແຫລງຂ່າວ, ໃນວັນ
ທີ 24 ພະຈິກນີ້ວ່າ: ງານບຸນນະມັດສະການພະທາດ ຫລວງປີນີ້ ຈະເປັນໂອກາດດີໃຫ້ແກ່ການສົ່ງເສີມການຜະລິດສິນຄ້າຄອບຄົວຕົວແບບທີ່ໄດ້ຮັບກາໝາຍເປັນ
ສິນຄ້າໂອດອບ (ODOP) ຂອງ ນະຄອນຫລວງວຽງຈັນ ແລະ ບັນດາວິສາຫະກິດຂະໜາດນ້ອຍ-ກາງ ໄດ້ມາວາງສະແດງ
ແລະ ຂາຍສິນຄ້າ ຢູ່ໃນງານດັ່ງກ່າວໄດ້ຢ່າງກວ້າງຂວາງພ້ອມທັງເປັນການແລກປ່ຽນບົດຮຽນ ແລະ ປະສົບການຕ່າງໆນຳກັນ.
ດັ່ງນັ້ນ, ທາງຄະ
ນະກຳມະການຈຶ່ງໄດ້ກຳນົດສະຖານທີ່ຈັດງານຢ່າງລະອຽດດັ່ງນີ້: ຂອບເຂດກົມມະລຽນເດີ່ນພະທາດຫລວງເປັນສະຖານທີ່
ທ່ຽວຊົມຂອງມວນຊົນ, ເປັນບ່ອນສັກກະລະບູຊາກາບໄຫວ້ພະທາດຫລວງ, ເປັນບ່ອນເຮັດພິທີທາງສາດສະໜາ
ແລະ ຮີດຄອງປະເພນີ ແລະ ນອກກົມມະລຽນດ້ານນອກແມ່ນມີການວາງສະແດງສິນຄ້າໂອດອບຂອງນະຄອນຫລວງວຽງຈັນ,
ອົງການຈັດຕັ້ງສາກົນລວມທັງເວທີສົກມວຍລາຍລາວ ແລະ ເຄື່ອງຫລິ້ນຕ່າງໆຕາມແຜນຜັງຂອງຄະນະກຳມະການກຳນົດໄວ້,
ໃນນີ້ ດ້ານຕາເວັນອອກຂອງຫໍສະພາແຫ່ງຊາດ (ເດີ່ນຫຍ້າ), ຈັດໃຫ້ມີເວທີກາງແຈ້ງ ແລະ ທາງປະຕູເຂົ້າເບື້ອງຂວາມືເຖິງແຈ
ສະຖານີໄຟຟ້າຈັດເປັນບ່ອນຂາຍສິນຄ້າພາຍໃນ ແລະ ຕ່າງປະເທດ. ຂອບເຂດອະນຸສາ ວະລີແມ່ນຈັດເປັນບ່ອນຝາກລົດ,
ແຕ່ ສະເພາະວັນທີ 5 ພະຈິກ 2014 ແມ່ນບໍ່ອະນຸຍາດໃຫ້ຈັດກິດຈະກຳໃດໆໃນຂອບເຂດດັ່ງກ່າວ ແລະ
ກຳນົດເອົາສູນການຄ້າ ລາວໄອເຕັກເປັນສະຖານທີ່ວາງສະແດງ ແລະ ຂາຍສິນຄ້າຫັດຖະກຳ, ອຸດສາຫະກຳ ແລະ ເຄື່ອງໃຊ້ສອຍທົ່ວໄປຈາກພາຍໃນ
ແລະ ຕ່າງປະເທດ.
ສຳລັບກິດຈະກຳທາງສາສະໜາເລີມແຕ່ວັນທີ 4-6 ພະຈິກ
2014, ໃນນີ້, ວັນທີ 4 ພະຈິກ ເວລາ 16 ໂມງ ຈະມີພິທີກາບ ໄຫວ້ພະທາດຫລວງ ແລະ ຟັງ ທຳມະເທດສະໜາ,
ເວລາ 14 ໂມງຂອງວັນທີ 5 ຈະມີພິທີແຮ່ ພະສາດເຜີ້ງ ແລະ ເວລາ 7 ໂມງ ເຊົ້າຂອງວັນທີ 6 ຈະມີພິທີຕັກ
ບາດຖວາຍສັງຄະທານ, ເວລາ 14 ໂມງ, ຈະມີພິທີແຮ່ ແລະ ແຂ່ງ ຂັນຕີຄີ ແລະ ໃນຄືນ ສຸດທ້າຍເວ ລາ
20 ໂມງ ມີພິທີວຽນທຽນ ແລະ ຈູດທູບທຽນບູຊາພະທາດຫລວງ. ສ່ວນຫົວໜ່ວຍການຜະລິດທີ່ຈະເຂົ້າ ຮ່ວມວາງສະແດງຢູ່ເດີ່ນພະທາດຫລວງປະກອບມີ:
ສິນຄ້າຄອບຄົວຕົວແບບ, ຫົວ ໜ່ວຍການຜະລິດ-ທຸລະກິດ-ກະສິກຳ-ປ່າໄມ້, ໂຮງງານອຸດສາຫະກຳ-ຫັດຖະກຳ,
ບັນດາບໍລິສັດ-ລັດວິສາຫະກິດ, ຕົວແທນຈາກ ບັນດາແຂວງ, ກະຊວງ, ເມືອງ ແລະ ຂະແໜງການຕ່າງໆທີ່ກ່ຽວຂ້ອງ
ແລະ ຮ້ານວາງສະແດງຂອງສະຖານທູດຕ່າງໆ ແລະ ອົງການຈັດຕັ້ງສາກົນປະຈຳລາວ
ລວມມີທັງໝົດ 367 ຫົວໜ່ວຍ, ສ່ວນຢູ່ສູນການຄ້າລາວໄອເຕັກຈະມີບັນດາຫົວໜ່ວຍທຸລະກິດຕ່າງໆເຂົ້າວາງສະແດງ
450 ຫົວໜ່ວຍນຳກັນ.
No comments:
Post a Comment