ຂະແໜງພະລັງງານຈະເປັນສ່ວນປະກອບສຳຄັນເພື່ອພາໃຫ້ປະເທດພົ້ນທຸກ

    ໃນອາທິດຜ່ານມາ, ທ່ານຮອງ ນາຍົກລັດຖະມົນຕີ ສົມສະຫວາດ ເລັ່ງສະຫວັດ, ໄດ້ລົງພົບປະໂອ້ລົມຄະນະນຳກະຊວງ ພະລັງງານ ແລະ ບໍ່ແຮ່ ເພື່ອໃຫ້ທິດທາງ ໃນການແກ້ໄຂບັນຫາຄົງ ຄ້າງຕ່າງໆ ແລະ ຊີ້ທິດການພັດທະນາຂອງຂະແໜງໄຟ ຟ້າໃນຕໍ່ໜ້າວ່າ: ນັບແຕ່ໃດມາຂະແໜງພະລັງງານ ແລະ ບໍ່ແຮ່, ໄດ້ຕັ້ງໜ້າຈັດຕັ້ງປະ ຕິບັດໜ້າທີ່ວຽກງານຂອງຕົນໄປຕາມ ທິດນະໂຍບາຍຂອງພັກ ແລະ ແຜນພັດທະ ນາເສດຖະກິດ-ສັງຄົມຂອງລັດໄດ້ດີຕະຫລອດມາ ແລະ ສິ່ງສຳ ຄັນແມ່ນບໍ່ເຄີຍ ສ້າງບັນຫາຫຍຸ້ງຍາກໃຫ້ການນຳພັກ ແລະ ລັດ ພວກເຮົາ, ແຕ່ແນວໃດກໍຕາມ, ໃນຕໍ່ໜ້ານີ້, ເພື່ອໃຫ້ບັນລຸແຜນ ພັດທະນາທີ່ ພັກ ແລະ ລັດວາງ ໄວ້ ແລະ ໃນຂະນະທີ່ປະເທດພວກເຮົາຈະເຂົ້າເປັນປະຊາຄົມ ເສດຖະກິດອາຊຽນ (AEC) ໃນປີ 2015 ນີ້, ຂະແໜງພະລັງງານ ຕ້ອງໄດ້ຮີບຮ້ອນການຄົ້ນຄວ້າເຈລະຈາຊື້-ຂາຍໄຟຟ້າກັບປະເທດສິງກະໂປ, ເນື່ອງຈາກວ່າ ຂະແໜງ ພະລັງງານຈະເປັນເຈົ້າການຫລັກໃນການເຮັດໃຫ້ປະເທດຫລຸດພົ້ນອອກຈາກຄວາມທຸກຍາກ ແລະ ດ້ອຍພັດທະນາ ໃນປີ 2020 ໄດ້, ພ້ອມທັງຊຸກຍູ້ບັນດາຂະແໜງການອື່ນໆຫັນທິດໄປສູ່ອຸດສະຫະກຳ ແລະ ທັນສະໄໝເທື່ອລະກ້າວ. ນອກຈາກ

ນີ້, ທ່ານຮອງນາຍົກ ສົມສະຫວາດ ເລັ່ງສະຫວັດ ຍັງໄດ້ແນະນຳໃຫ້ກວດຄືນບັນດາແຜນຍຸດທະສາດ ການພັດທະນາ ຂະແໜງ ການພະລັງງານເພື່ອໃຫ້ຮັບປະກັນດ້ານການຂະຫຍາຍຕົວທາງ ດ້ານເສດ ຖະກິດ, ການປົກປັກຮັກສາສິ່ງແວດລ້ອມ ແລະ ມີຄວາມ ຍືນຍົງ ແລະກວດຄືນຮູບແບບ ການລົງທຶນ ຂອງບັນດາໂຄງການຕ່າງໆເພື່ອຊອກໃຫ້ເຫັນວ່າໂຄງ ການໃດມີການພັດ ທະນາດີ ຫລື ສະແຫວງຫາ ສວຍໂອກາດ, ຂະນະດຽວກັນຕໍ່ຕ້ອງຮີບຮ້ອນສ້າງບຸກຄະລະກອນໄວ້ກຽມຮອງຮັບ ເພື່ອການຄຸ້ມ ຄອງພາຍຫລັງ ເຂື່ອນໄຟຟ້າຫລາຍແຫ່ງໝົດອາຍຸສຳປະທານ.