ຂະແໜງບໍລິການຂອງລາວຍັງສືບຕໍ່ຂະຫຍາຍຕົວ

         ທະນາຄານພັດທະນາອາ ຊີ (ADB) ເປີດເຜີຍເມື່ອບໍ່ດົນມານີ້ວ່າ: ໂຄງການ ລົງທືນແມ່ນມີຄວາມສຳຄັນຫຼາຍຕໍ່ການ ພັດທະນາເສດຖະກິດສັງຄົມຂອງລາວ ເຫັນໄດ້ຈາກການຂະຫຍາຍຕົວ ດ້ານເສດຖະກິດໃນອັດຕາ 7,6% ໃນປີ 2013 ຜ່ານ ມາແມ່ນໄດ້ເປັນ ແຮງຊຸກຍູ້ການຈັດຕັ້ງປະຕິບັດ ນະໂຍບາຍດ້ານງົບປະມານ, ການເງິນຂອງລາວໄດ້ຢ່າງຕັ້ງໜ້າ, ການຂະ ຫຍາຍຕົວໃນອັດ ຕາ 9% ຂອງຂະແໜງ ບໍລິການແມ່ນໄດ້ຮັບແຮງຊຸກຍູ້ຈາກຜູ້ບໍລິໂພກທີ່ເພີ່ມສູງຂຶ້ນ, ການເພີ່ມຂຶ້ນຂອງ ຈຳນວນນັກທ່ອງທ່ຽວ ໃນອັດຕາ 12% ໄດ້ສ້າງຜົນກຳ ໄລໃຫ້ແກ່ພາກສ່ວນໂຮງແຮມ, ຮ້ານອາຫານ ແລະ ການຂົນສົ່ງ, ຜົນໄດ້ຮັບ ຈາກການຂຸດຄົນບໍ່ແຮ່ ແລະ ພະລັງງານໄຟຟ້າສືບຕໍ່ຂະ ຫຍາຍຕົວ,ໃນນີ້ຜົນຜະລິດທອງ ແດງເພີ່ມຂຶ້ນປະມານ 3,5% ແລະ ຜົນຜະລິດຄຳເພີ່ມຂຶ້ນ 6,6% ໃນຂະນະທີ່ຜົນໄດ້ຮັບຈາກພະລັງງານໄຟຟ້າເພີ່ມຂຶ້ນ 3,6%, ຂະແໜງກະ ສິກຳຂະຫຍາຍ ຕົວ 2,7%  ແລະ ເຖິງວ່າຈະຖືກຜົນກະທົບຈາກໄພທຳມະຊາດໃນໄຕມາດທີ່ສາມຂອງປີ, ແຕ່ອັດຕາເງິນ
ເຟີ້ຢູ່ລາວໃນປີ 2013 ຍັງ ສະເລ່ຍຢູ່ທີ່ 6,4%, ເບິ່ງໄປແລ້ວເຫັນ ວ່າ: ການລົງທຶນເຂົ້າມາໃນຂະແໜງການຕ່າງໆໂດຍສະ

ເພາະແມ່ນການລົງທຶນໃນຂະ ແໜງຂຸດຄົ້ນບໍ່ແຮ່ ແລະ  ພະລັງງານໄຟຟ້າ, ບວກກັບໂຄງການກໍ່ສ້າງໂຮມແຮມສຳນັກ ງານອົງການ ແລະ ຕຶກອາຄານທີ່ຢູ່ອາ ໄສ, ຊຶ່ງເປັນສ່ວນສຳຄັນໃນ ການພັດທະນາປະເທດຊາດ ແລ້ວ, ຍັງສືບຕໍ່ຊຸກຍູ້ເຮັດ ໃຫ້ລາຍຮັບສະເລ່ຍ (GDP) ຂອງລາວ ເພີ່ມສູງຂຶ້ນ, ພ້ອມກັບຄວາມຕ້ອງການບໍລິໂພກຂອງພາກເອກະຊົນ ແລະ ການ ລົງທຶນໂດຍກົງຈາກຕ່າງປະເທດ, ຂະແໜງບໍລິ ການຍັງຈະສືບຕໍ່ຂະຫຍາຍຕົວຢ່າງເຂັ້ມແຂງ, ໂດຍສະເພາະແມ່ນຂະແໜງບໍ ລິການຕິດພັດກັບການທ່ອງທ່ຽວ, ໂທລະຄົມມະ ນາຄົມ ແລະ ຂະແໜງການຄ້າເຫຼົ່ານີ້ເປັນຕົ້ນ.