ພະນັກງານອົງການກວດສອບແຫ່ງລັດເຊິ່ງປະກອບມີຜູ້ຕາງໜ້າຈາກບັນດາກົມ,
ສູນຝຶກອົບ ຮົມ, ຫົວໜ້າຫ້ອງການອົງການກວດສອບແຫ່ງລັດປະຈຳພາກກາງເຂົ້າຮ່ວມຝຶກອົບຮົມພາຍໃຕ້ຫົວຂໍ້
“ການຮ່າງບົດລາຍງານການກວດສອບບັນຊີ ແລະ ຈົດໝາຍແນະນຳ ໃຫ້ພະນັກງານອົງການກວດສອບແຫ່ງລັດ”
ໂດຍການສະໜັບສະໜູນຂອງທະນາຄານພັດທະນາອາຊີ (AD B) ປະຈຳລາວ. ໃນວັນທີ 27-28
ຕຸລາ 2014 ທີ່ອົງການກວດສອບແຫ່ງລັດ ພ້ອມກັນນີ້ ຍັງມີພະນັກ ງານ ຫ້ອງການອົງການກວດສອບແຫ່ງລັດປະຈຳພາກເໜືອ
ແລະ ພາກໃຕ້ເຂົ້າຮ່ວມໂດຍຜ່ານລະບົບວີດີໂອຄອນເຟີເລັນ.
ທ່ານ ເຄນ ລໍວັນໄຊ ຮອງປະທານອົງການກວດສອບແຫ່ງລັດ
ກ່າວວ່າ: ການຝຶກອົບຮົບດັ່ງ ກ່າວ ແມ່ນແນໃສ່ສ້າງຄວາມເຂັ້ມແຂງດ້ານວິຊາການໃຫ້ແກ່ພະນັກງານອົງການກວດສອບແຫ່ງລັດກ່ຽວກັບການກວດສອບດ້ານການເງິນ,
ບັນດາໂຄງການ ເພື່ອຮັບປະກັນໃຫ້ແກ່ການສ້າງບົດລາຍງານການກວດສອບບັນດາໂຄງການໃຫ້ມີຄຸນນະ ພາບ,
ສາມາດຕີລາຄາຜົນການກວດສອບໄດ້ຢ່າງຖືກຕ້ອງ
ສອດຄ່ອງກັບເນື້ອໃນຕົວຈິງ ໂດຍສະເພາະແມ່ນການນຳໃຊ້ເງິນກູ້ຢືມ ແລະ ເງິນຊ່ວຍເຫລືອລ້າ
ທີ່ນຳໃຊ້ເຂົ້າໃນການພັດທະ ນາໂຄງການຕ່າງໆໃຫ້ດີຂຶ້ນເປັນກ້າວໆ. ເຊິ່ງອົງການກວດສອບແຫ່ງລັດໄດ້ຮັບການ
ສະໜັບສະໜູນຊ່ວຍເຫລືອຈາກທະນາຄານ ພັດທະນາອາຊີ (ADB) ເພື່ອໃຫ້ຊ່ຽວຊານມາແນະນຳ
ແລະ ສິດ ສອນບົດຮຽນກ່ຽວກັບວຽກງານກວດສອບດ້ານການເງິນຂອງບັນດາໂຄງການ ເພື່ອໃຫ້ສອດຄ່ອງກັບເງື່ອນໄຂຕົວຈິງ
ແລະ ຮັບປະກັນໃຫ້ວຽກງານກວດສອບດ້ານການເງິນມີຄຸນນະພາບ, ສາມາດຕີລາຄາຜົນການກວດສອບໄດ້ຢ່າງຖືກຕ້ອງ,
ທັງເປັນການປັບປຸງ ແລະ ເສີມຂະຫຍາຍແບບແຜນວິທີເຮັດວຽກຂອງພະນັກງານອົງການກວດສອບແຫ່ງລັດໃຫ້ມີຄວາມຮູ້,
ຄວາມສາມາດ ເພື່ອຈະໄດ້ຈັດຕັ້ງປະຕິບັດວຽກງານໃຫ້ມີປະສິດທິພາບດີຂຶ້ນ, ທັງສອດຄ່ອງກັບລະບຽບກົດໝາຍ
ແລະ ລະບຽບການທີ່ຜູ້ໃຫ້ທຶນວາງອອກ.
ເຂົ້າຮ່ວມຊຸດອົບຮົມດັ່ງກ່າວມີທ່ານ ສະຕີເວັນ ສະເຕັບຟານນີ ຮອງຫົວໜ້າຫ້ອງການທະນາ
ຄານພັດທະນາອາຊີ (ADB).
No comments:
Post a Comment