ມະຫາວິທະຍາໄລແຫ່ງຊາດຈັດການແຂ່ງຂັນໂຕ້ວາທີພາຍໃຕ້ຫົວຂໍ້ “ ການພັດທະນາໄວໜຸ່ມ ”

       ມະຫາວິທະຍາໄລແຫ່ງຊາດ ຮ່ວມກັບອົງການສະຫະປະຊາຊາດກອງທຶນ ສຳລັບປະຊາກອນ (UNFPA), ໄດ້ຈັດການ ແຂ່ງຂັນໂຕ້ວາທີຂຶ້ນໃນວັນທີ 1 ຕຸລາ 2014, ຢູ່ສະໂມສອນຂອງມະຫາວິທະຍາໄລແຫ່ງຊາດຢູ່ນະຄອນຫລວງວຽງຈັນ ພາຍໃຕ້ຫົວຂໍ້     “ ການພັດທະນາໄວໜຸ່ມ ” ເນື່ອງໃນໂອກາດສະເຫລີມສະຫລອງ ວັນປະຊາກອນໂລກ.

     ການໂຕ້ວາທີພາຍໃຕ້ຫົວຂໍ້ດັ່ງກ່າວເປັນການສ້າງໂອກາດອັນດີໃຫ້ແກ່ນັກສຶກ ສາເພື່ອເສີມສ້າງທັກສະໃນການຄົ້ນຄວ້າ, ວິເຄາະ ແລະ ທັກສະໃນການປາກເວົ້າໃນບ່ອນສາທາລະນະ.  ນອກຈາກນີ້ ກໍຍັງເປັນການເພີ່ມຄວາມຮູ້, ຄວາມເຂົ້າໃຈໃຫ້ແກ່ ນັກສຶກສາຕໍ່ບັນຫາ ແລະ ການພັດທະນາຂອງໄວໜຸ່ມ, ຊຶ່ງເປັນການເປີດ ໂອກາດໃຫ້ໄວໜຸ່ມນັກສຶກສາໄດ້ສະແດງທັດສະນະ ຄະຕິ ແລະ ຄວາມຄິດເຫັນຂອງຕົນຕໍ່ບັນຫາທີ່ກ່ຽວຂ້ອງກັບເຂົາເຈົ້າເອງ, ຊຶ່ງຫົວຂໍ້ທີ່ນຳມາສະເໜີ ໃນການແຂ່ງຂັນໂຕ້ວາ ທີຄັ້ງນີ້  ຍັງປະກອບດ້ວຍບັນຫາຂອງໄວ ໜຸ່ມ ແລະ ການມີສ່ວນຮ່ວມ;

ການຮຽນຮູ້ກ່ຽວກັບສຸຂະພາບ ທາງເພດ, ສຸ ຂະພາບຈະເລີນພັນ ແລະ ການໃຫ້ບໍລິການດ້ານສຸ ຂະພາບທາງເພດ ແລະ ສຸຂະ ພາບຈະເລີນພັນ. ການແຂ່ງຂັນ ດັ່ງ ກ່າວໄດ້ມີຕົວແທນນັກສຶກ ສາຈາກ 6 ຄະນະເຂົ້າຮ່ວມເຊັ່ນ: ຄະນະວິທະຍາສາດສັງຄົມ, ເສດຖະສາດ ແລະ ບໍລິຫານ ທຸລະກິດ, ອັກສອນສາດ, ສິ່ງແວດລ້ອມ, ສຶກສາສາດ ແລະ ວິທະຍາສາດທຳມະຊາດທີ່ຂຶ້ນກັບ ມະຫາວິທະຍາໄລແຫ່ງ ຊາດໄດ້ເຂົ້າຮ່ວມໂຕ້ວາທີ. ກ່ອນການຈັດແຂ່ງຂັນ ໂຕ້ວາທີໃນວັນທີ 24 ກັນຍາຜ່ານມາ, ມະຫາວິທະ ຍາໄລ ແຫ່ງຊາດກໍໄດ້ມີ ການຈັດກອງປະຊຸມກະກຽມການແຂ່ງຂັນດັ່ງກ່າວ, ເຊິ່ງໄດ້ເນັ້ນເຖິງຈຸດປະ ສົງ ແລະ ອະທິບາຍຫົວ ຂໍ້ຂອງການແຂ່ງຂັນ ແລະ ຍັງໄດ້ໃຫ້ຂໍ້ມູນຕ່າງໆແກ່ຄູ-ອາຈານ ແລະ ນັກສຶກສາກ່ຽວກັບສະພາບໂດຍລວມຂອງສຸຂະພາບທາງ ເພດ ແລະ ສຸຂະ ພາບຈະເລີນພັນໄວໜຸ່ມຢູ່ໃນ ສປປ ລາວ.

     ເປັນກຽດເຂົ້າຮ່ວມຮັບຟັງການແຂ່ງຂັນໂຕ້ວາທີຄັ້ງນີ້ ມີ ທ່ານ ດຣ. ຣັດຊານ ໂມທາຊາມິ ປະທານຜູ້ຕາງໜ້າອົງການສະ ຫະປະຊາຊາດກອງທຶນສຳລັບປະຊາກອນປະຈຳລາວ, ທ່ານ ຮຈ.​ດຣ. ຄຳມະນີ ສຸລິເດດ ຮອງຄະນະບໍດີຄະນະວິທະຍາສາດ ສັງຄົມພ້ອມດ້ວຍນັກຮຽນນັກສຶກສາຈາກມະຫາວິທະຍາໄລແຫ່ງ ຊາດ ແລະ ໂຮງຮຽນມັດທະຍົມອ້ອມຂ້າງເຂົ້າຮ່ວມປະ ມານ 300 ກວ່າຄົນ.