ສະມາຄົມການເງິນຈຸລະພາກ (ສມກຈ MFA) ຮ່ວມກັບກົມຄຸ້ມຄອງສະຖາບັນການເງິນທະນາຄານແຫ່ງ
ສປປ ລາວ ແລະ ສະມາຄົມການເງິນຈຸລະພາກກຳປູເຈຍ, ໄດ້ຈັດຕັ້ງການອົບຮົມຍົກລະດັບການບໍລິຫານຫ້ອງການ,
ການພັດທະນາທັກສະການເປັນຜູ້ນຳ, ການຄຸ້ມຄອງພາຍໃນ ແລະ ການກວດສອບຄັ້ງທີ II ແຕ່ວັນທີ
27 ຕຸລາຫາວັນທີ 8 ພະ ຈິກ 2014 ຢູ່ຕະ ຫລາດຫລັກຊັບ, ນະຄອນຫລວງວຽງຈັນ. ໂດຍເປັນປະທານຂອງທ່ານ
ອາຄົມ ປຣະເສີດ ຫົວໜ້າກົມຄຸ້ມຄອງສະຖາບັນການເງິນທະນາຄານແຫ່ງ ສປປ ລາວ ແລະ ທ່ານນາງ
ວັນສີ ຈິນດາວົງ ປະທານສະມາຄົມການເງິນຈຸລະພາກ, ມີບັນດາສຳມະນາກອນຈາກພາກທຸລະກິດຕ່າງໆເຂົ້າຮ່ວມ.
ທ່ານຫົວໜ້າກົມຄຸ້ມຄອງສະຖາບັນການເງິນ ກ່າວວ່າ:
ການຝຶກອົບຮົມໃນຄັ້ງນີ້ ແມ່ນມີ 3 ຫົວ ຫລັກຂໍ້ຄື ການຈັດການບໍລິຫານຫ້ອງການ,
ການພັດທະນາທັກ ສະການເປັນຜູ້ນຳ, ການຄຸ້ມຄອງ ແລະ ການກວດສອບ ເພື່ອຮອງຮັບການເປີດ
AEC ໃນປີ 2015. ພ້ອມທັງໃຫ້ຜູ້ເຂົ້າຮ່ວມໄດ້ຮຽນຮູ້ ແລະ ເຂົ້າໃຈຂຶ້ນກວ່າເກົ່າ
ກ່ຽວກັບການຈັດການບໍລິຫານຫ້ອງການ, ບາດກ້າວໃນການກາຍເປັນຜູ້ຈັດການຫ້ອງການ,
ການກະກຽມເອກະສານທຸລະກິດແບບມືອາຊີບ, ການບໍລິຫານຊັບສິນຂອງສະຖາບັນຢ່າງມີປະສິດທິຜົນ,
ການພັດທະນາການຮັກສາສຸຂະພາບ, ຄວາມປອດໄພຂອງພະນັກງານແບບມືອາຊີບ.
ສຳລັບການພັດທະນາທັກສະການເປັນຜູ້ນຳ, ຜູ້ເຂົ້າຮ່ວມຈະໄດ້ຮຽນຮູ້ບັນຫາທີ່ຈຳເປັນໃນການກາຍເປັນຜູ້ນຳທີ່ດີໄດ້,
ຮູ້ ຈັກການປະເມີນຜົນຄວາມສາມາດຂອງຜູ້ບໍລິຫານ-ຜູ້ນຳພາ ແລະ ຮູ້ກ່ຽວກັບການມອບວຽກໃຫ້ບຸກຄົນທີ່ມີຄວາມຊຳນິຊຳ
ນານ. ສ່ວນການຄຸ້ມຄອງ ແລະ ການກວດສອບຜູ້ເຂົ້າຮ່ວມຈະໄດ້ຮູ້ເຖິງຫລັກການຄວາມໂປ່ງໃສ
ແລະ ຄວາມຖືກຕ້ອງໃນອົງກອນ ແລະ ຮຽນຮູ້ກ່ຽວກັບຂອບເຂດໜ້າວຽກຂອງການບໍລິຫານຄວາມສ່ຽງຕົ້ນຕໍຂອງສະຖາບັນການເງິນຈຸລະພາກ
ແລະ ຄວາມເຂົ້າໃຈເຖິງຂັ້ນຕອນ, ລະບົບການຄຸ້ມຄອງການກວດກາພາຍໃນນຳອີກ.
No comments:
Post a Comment