ໃນກອງປະຊຸມລັດຖະບານ ປະຈຳເດືອນຕຸລາ 2014 ທີ່ສຳ
ເລັດລົງເມື່ອບໍ່ດົນນີ້, ພາຍໃຕ້ ການເປັນປະທານຂອງນາຍົກ ລັດຖະມົນຕີ ທອງສິງ ທຳມະວົງ ໂດຍກອງປະຊຸມໄດ້ຄົ້ນຄວ້າພິ
ຈາລະນາຮ່າງຍຸດທະສາດເພື່ອ ພັດທະນາຕະຫລາດທຶນ. ຈຸດປະ ສົງເພື່ອພັດທະນາລະບົບຕະ ຫລາດທຶນໃຫ້ເປັນແຫລ່ງລະດົມທຶນໄລຍະຍາວຢ່າງແທ້ຈິງ,
ສ້າງຄວາມເຂັ້ມແຂງດ້ານການເງິນໃຫ້ໝັ້ນຄົງທັງສ້າງຄວາມສາ ມາດໃຫ້ວິສາຫະກິດສາມາດເຊື່ອມໂຍງ
ແລະ ແຂ່ງຂັນກັບສາ ກົນ. ຮ່າງຍຸດທະສາດດັ່ງກ່າວໄດ້ກຳນົດ 8 ຄາດໝາຍສູ້ຊົນຄື
(1) ມີເງື່ອນໄຂທີ່ຈຳເປັນໃຫ້ແກ່ວິສາຫະກິດສາມາດລະດົມທຶນຜ່ານຕະຫລາດທຶນ
ເພື່ອຍົກສູງສະມັດ ຖະພາບການຜະລິດ ແລະ ການບໍລິການ. (2) ມີກົນໄກ ແລະ ເຄື່ອງມືຕະຫລາດທຶນເພື່ອສະ
ໜັບສະໜູນການປັບປຸງວິສາຫະ ກິດໃຫ້ເຂັ້ມແຂງ. (3) ມີພື້ນຖານນິຕິກຳທີ່ຄົບຖ້ວນແທດເໝາະກັບສະພາບຂອງ
ສປປ ລາວ ແລະ ມາດຕະຖານສາກົນ. (4) ຕະ ຫລາດຫລັກຊັບ, ສູນຮັບຝາກຊັບ ແລະ ສະຖາບັນສື່ກາງດ້ານຫລັກຊັບເຄື່ອນໄຫວຄ່ອງຕົວ,
ຈຳກັດຄວາມສ່ຽງ ແລະ ສາມາດເຊື່ອມໂຍງກັບພາກພື້ນ ແລະ ສາກົນ. (5) ຮັບປະກັນພັດທະນາເຕັກໂນໂລຊີ-ຂໍ້ມູນຂ່າວສານ
ເພື່ອຮັບໃຊ້ວຽກງານຫລັກຊັບໃຫ້ທັນສະໄໝ ແລະ ເໝາະສົມກັບລະດັບການຂະຫຍາຍໂຕຂອງຕະຫລາດທຶນ.
(6) ທຸກພາກສ່ວນໃນສັງຄົມເຂົ້າ ຮ່ວມເຄື່ອນໄຫວຖານຜູ້ລົງທຶນມີການຂະຫຍາຍໂຕ
ແລະ ສົມດູນທາງດ້ານໂຄງປະກອບ.
(7) ມີບຸກຄະລາກອນຄຸ້ມຄອງ, ບຸກຄະ ລາກອນຂອງຕະຫລາດຫລັກຊັບ
ແລະ ສະຖາບັນສື່ກາງຕ່າງໆໃນຈຳນວນ ແລະ ລະດັບທີ່ຮັບປະ ກັນ. (8) ສາມາດເຊື່ອມໂຍງຕະ
ຫລາດທຶນ ສປປ ລາວ ເຂົ້າກັບພາກພື້ນ ແລະ ສາກົນ ແລະ ສຳ ລັບ 4 ຫລັກການມີຄື ການພັດທະ
ນາຕ້ອງແທດເໝາະກັບສະພາບ ແລະ ລະດັບການຂະຫຍາຍໂຕທາງດ້ານເສດຖະກິດ-ສັງຄົມຂອງ
ສປປ ລາວ; ປົກປ້ອງສິດ ແລະ ຜົນປະໂຫຍດຂອງຜູ້ລົງ ທຶນ, ມີຄວາມສະເໝີພາບ, ໂປ່ງໃສ
ແລະ ຍຸຕິທຳ, ປ້ອງກັນ ແລະ ຫລຸດຜ່ອນຄວາມສ່ຽງຕໍ່ລະບົບການເງິນ. ພ້ອມນັ້ນຮ່າງນະໂຍ
ບາຍດັ່ງກ່າວຍັງໄດ້ກຳນົດ 12 ແຜນງານ ແລະ 39 ໂຄງການ. ຕໍ່ບັນຫາດັ່ງກ່າວ, ກອງປະຊຸມ
ບໍ່ໄດ້ຮັບຮອງເອົາຮ່າງດັ່ງກ່າວ ພ້ອມທັງຊີ້ນຳໃຫ້ພາກສ່ວນກ່ຽວຂ້ອງປັບປຸງຄືນຕາມການປະ
ກອບຄຳເຫັນຂອງກອງປະຊຸມ ເປັນຕົ້ນ: ຕ້ອງພັດທະນາຕະ ຫລາດຫລັກຊັບໃຫ້ມີການຂະ
ຫຍາຍໂຕ ແລະ ເຂັ້ມແຂງ ເພື່ອສ້າງຕະ ຫລາດທຶນ
ແລະ ກະຈາຍທຶນເຂົ້າໃນການພັດທະນາເສດ ຖະກິດ-ສັງຄົມຂອງຊາດ. ພ້ອມກັນນັ້ນ ການກຳນົດທິດທາງ,
ຈຸດໝາຍ, ຄາດໝາຍສູ້ຊົນຕ້ອງໄດ້ຄົ້ນຄວ້າລະອຽດໃຫ້ແທດເໝາະກັບສະພາບ, ຄວາມດຸ່ນ
ດ່ຽງ ແລະ ສຳຄັນແມ່ນການຮ່ວມມືຂອງທຸກພາກສ່ວນໃນການແຈ້ງຂໍ້ມູນລາຍຮັບ-ລາຍຈ່າຍດ້ວຍຄວາມໂປ່ງໃສ.
ທັງ ໝົດນັ້ນ ກໍເພື່ອສ້າງຕະຫລາດທຶນໃຫ້ເຂັ້ມແຂງ ແລະ ໝັ້ນຄົງສາ ມາດປະກອບສ່ວນທຶນຮອນເຂົ້າໃນການພັດທະນາເສດຖະກິດ-
ສັງຄົມຂອງຊາດ.
No comments:
Post a Comment