ກະຊວງໂຍທາເຜີຍຕ້ອງໃຊ້ງົບຫລາຍພັນຕື້ຈິ່ງຈະບູລະນະເສັ້ນທາງທົ່ວປະເທດໄດ້

    ທ່ານລັດຖະມົນຕີວ່າການກະຊວງໂຍທາທິການ ແລະ ຂົນ ສົ່ງ (ຍທຂ) ບຸນຈັນ ສີນທະວົງ ໄດ້ເປີດເຜີຍເມື່ອບໍ່ດົນມານີ້ວ່າ: ການບູລະນະເສັ້ນທາງຫລວງ ແຫ່ງຊາດ ແລະ ທ້ອງຖິ່ນແມ່ນ ມີຄວາມຈຳເປັນເພື່ອຮັບປະກັນ ໃຫ້ການສັນຈອນມີຄວາມສະ ດວກໂລ່ງລ່ຽນ ແລະ ການປົກ ປັກຮັກສາ, ຟື້ນຟູບັນດາເສັ້ນ ທາງຫລັກເພື່ອເຊື່ອມ ຕໍ່ການຄົມ ມະນາຄົມນັບແຕ່ເໜືອຮອດໃຕ້ ແລະ ເຊື່ອມຈອດພາກພື້ນຈຶ່ງແມ່ນຍຸດ ທະສາດສຳຄັນເພື່ອສາມາດກະຕຸກຊຸກຍູ້ການພັດທະນາເສດຖະກິດ-ສັງຄົມ ລວມ ເຖິງວຽກງານປ້ອງກັນຊາດ-ປ້ອງ ກັນຄວາມສະຫງົບ ແລະ ຜ່ານການເກັບກຳສະ ພາບຕົວຈິງ ຂອງເສັ້ນທາງທີ່ຈະຕ້ອງໄດ້ປັບປຸງ ສ້ອມແປງເປັນຕົ້ນ: ການສີດ ຢາງ, ປູຢາງທັບໃຫ້ຢູ່ໃນສະ ພາບດີເພື່ອເພີ່ມອາຍຸການນຳໃຊ້ແຕ່ປີ 2015 - 2020 ມີຄວາມ ຍາວ 7 ພັນກວ່າກິໂລແມັດ ແລະ ຕ້ອງ ການງົບປະມານຫລາຍກວ່າ 3 ພັນຕື້ກີບ, ສ່ວນທາງຫລວງທ້ອງ ຖິ່ນແມ່ນສຸມໃສ່ບັນດາເສັ້ນທາງທີ່ຮັບໃຊ້ວຽກ ງານປ້ອງກັນຊາດ-ປ້ອງກັນຄວາມສະຫງົບ, ວຽກ ງານພັດທະນາເສດຖະກິດ, ເຂົ້າ ຫາສະຖານທີ່ ທ່ອງທ່ຽວ, ເຂດທີ່ໝັ້ນ ການປະຕິວັດ ແລະ ເປົ້າ ໝາຍລືບລ້າງຄວາມທຸກຍາກມີ ຄວາມຍາວປະມານ 30 ພັນກວ່າ ກິໂລແມັດ ແລະ ມີຄວາມຕ້ອງ ການງົບປະມານໃນການນຳໃຊ້ ເຂົ້າໃນການປະຕິບັດຕົວຈິງ 5 ພັນກວ່າຕື້ກີບ.