ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ສະພາບອາກາດແຕ່ວັນທີ
22-24 ຕຸລານີ້, ບໍລິເວນຄວາມກົດດັນອາກາດ ສູງເຮັດໃຫ້ອາກາດເຢັນຈະມີກຳລັງອ່ອນປານກາງປົກຄຸມຢູ່ທົ່ວທຸກພາກຂອງລາວ,
ສົມທົບກັບລົມຕາເວັນອອກພັດປົກຄຸມ ເປັນສ່ວນໃຫຍ່, ຊຶ່ງລັກສະນະເຊັ່ນນີ້ ຈະເຮັດໃຫ້ອຸນຫະພູມອາກາດສືບຕໍ່ເຢັນຫາໜາວເຢັນຂຶ້ນຕື່ມອີກ,
ໂດຍສະເພາະແຂວງ ພາກເໜືອດ້ານຕາເວັນອອກເຂດພູດອຍ, ແຂວງໄຊສົມບູນ, ຫລັກ 20, ພູພຽງບໍລະເວນປາກຊ່ອງ
ແລະ ເຂດເມືອງດາກຈືງ, ທ່າ ແຕງ ພ້ອມມີໝອກໜາປົກຫຸ້ມໃນຕອນເຊົ້າ. ຈາກນັ້ນວັນທີ 25-28 ຕຸລານີ້,
ບໍລິເວນຄວາມກົດດັນອາກາດສູງມີທ່າອ່ຽງ ເພີ່ມກຳລັງແຮງຂຶ້ນຕື່ມແຜ່ລົງມາປົກຄຸມຢູ່ທົ່ວທຸກພາກຂອງ
ລາວ, ເຊິ່ງຈະເຮັດໃຫ້ອຸນຫະພູມອາກາດເຢັນລົງຕື່ມອີກໃນແຕ່ ລະພາກ,ພ້ອມມີຝົນຕົກກະຈາຍໃນລະດັບຄ່ອຍ
ແລະ ຕົກປານກາງ ເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ, ນັບທັງ ນະຄອນຫລວງວຽງຈັນ.
ສະພາບອາກາດໃນທ້າຍອາທິດນີ້ຫາຕົ້ນທິດໜ້າຈະໜາວລົງຕື່ມອີກ,
ໂດຍສະເພາະຢູ່ແຂວງພາກເໜືອ ຫາພາກກາງ ດ້ານຕາເວັນອອກ, ເຂດພູດອຍ, ແຂວງໄຊສົມບູນ, ຫລັກ
20, ພູ ພຽງບໍລິເວນປາກຊ່ອງ ແລະ ເຂດເມືອງດາກຈືງ, ທ່າແຕງ ອາ ກາດຍັງຈະໜາວເຢັນພ້ອມມີໝອກໜາປົກຫຸ້ມໃນຕອນເຊົ້າ,
ສະເພາະແຂວງພາກກາງດ້ານ ຕາເວັນຕົກລົງຫາພາກໃຕ້ອາ ກາດຈະເຢັນໃນຕອນກາງຄືນຫາຕອນເຊົ້າພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ.
ສຳລັບສະພາບຝົນໃນໄລຍະນີ້ຈະມີຝົນຕົກກະຈາຍໃນລະດັບຄ່ອຍ
ແລະ ຕົກປານກາງເປັນບາງໂອການຢູ່ບາງທ້ອງຖິ່ນໃນ ແຕ່ລະພາກ, ພ້ອມຈະມີລົມພັດແຮງຢູ່ບາງທ້ອງຖິ່ນ.
No comments:
Post a Comment