ໃນວັນທີ 16 ຕຸລານີ້, ທ່ານ ຈູມມາລີ ໄຊຍະສອນ
ປະທານປະເທດແຫ່ງ ສ ປປ ລາວ, ໄດ້ໄປຢ້ຽມຊົມງານມະຫາກຳສີມືຫັດຖະກຳລາວ ຄັ້ງທີ
13 ທີ່ຈັດຂຶ້ນແຕ່ວັນທີ 13 - 19 ຕຸລານີ້, ຢູ່ສູນການຄ້າລາວ-ໄອເຕັກ, ນະຄອນ
ຫລວງວຽງຈັນ, ເຊິ່ງ ຈັດໂດຍສະມາຄົມຫັດຖະກຳລາວເພື່ອເປີດໂອກາດໃຫ້ຊາວຊ່າງຫັດຖະກຳລາວໃນ
ທົ່ວປະເທດໄດ້ນຳເອົາສິນຄ້າຫັດຖະກຳຂອງຕົນເຂົ້າຮ່ວມວາງສະແດງ ແລະ ຈຳໜ່າຍ,
ພ້ອມທັງເປັນເວທີພົບປະແລກປ່ຽນບົດຮຽນນຳກັນເພື່ອຊອກຫາຄູ່່ຮ່ວມທຸລະກິດ.
ໃນໂອກາດນີ້, ທ່ານ ຫານ ຊະນະສີສານ ປະທານສະມາຄົມຫັດຖະກຳລາວ
ໄດ້ໃຫ້ຮູ້ວ່າ:ການມາຢ້ຽມຊົມງານມະຫາກຳສີມືຫັດຖະກຳລາວໃນຄັ້ງນີ້, ທ່ານປະທານປະເທດໄດ້ໃຫ້ຂໍ້ສັງເກດວ່າຊາວຊ່າງຫັດຖະກຳລາວແມ່ນຍັງຄົງຮັກສາວັດທະ
ນະ ທຳ, ຮີດຄອງປະເພນີແບບດັ້ງເດີມຂອງລາວໄດ້ເປັນຢ່າງດີ ແລະ ຮັກສາໄດ້ສີໄມ້ລາຍມືທີ່ເປັນເອກະລັກຂອງຊາດ,
ໂດຍສະ ເພາະທ່ານໄດ້ໃຫ້ຄວາມສົນໃຈກ່ຽວກັບການຕ່ຳແຜ່ນແພພື້ນເມືອງໂດຍໄດ້ຖາມເຖິງຄວາມຫຍຸ້ງຍາກໃນການຕ່ຳແຜ່ນ,
ເນື່ອງຈາກວ່າມີບໍລິສັດຕ່ຳແຜ່ນຫລາຍແຫ່ງແຕ່ວັດຖຸດິບມີບໍ່ພຽງພໍກັບຄວາມຕ້ອງການໂດຍສະເພາະແມ່ນເສັ້ນໄໝຈຳນວນໜຶ່ງແມ່ນ
ນຳເຂົ້າຈາກຕ່າງປະເທດ
ເຊິ່ງທ່ານໄດ້ແນະນຳໃຫ້ມີການປຸກລະດົມປະຊາຊົນ ແລະ ຜູ້ປະກອບການຫັນມາປູກມອນ-ລ້ຽງມ້ອນ
ຜະລິດເປັນເສັ້ນໄໝໃຫ້ຫລາຍຂຶ້ນ ເພື່ອຮັກສາຄວາມເປັນເອກະລັກຂອງຜະລິດຕະພັນລາວເຮົາໃຫ້ຢູ່ຄຽງຄູ່ກັບຊາດລາວ
ແລະ ຄົນລາວຕະຫລອດໄປ.
ໃນງານມະຫາກຳສີມືຫັດຖະກຳລາວໃນຄັ້ງນີ້,
ມີຜະລິດຕະພັນຫັດຖະກຳລາວທີ່ເປັນສີໄມ້ລາຍມືຂອງຊາວຊ່າງຫັດຖະ ກຳ, ຊາວບ້ານ
ແລະ ຜູ້ຜະລິດໃນທົ່ວປະເທດລວມທັງໝົດ 255 ຮ້ານ ທີ່ປະກອບດ້ວຍຜະລິດຕະພັນແຜ່ນແພ,
ແພໄໝ, ແພຝ້າຍພື້ນເມືອງ, ຫັດຖະກຳຕີເງິນ, ຫັດຖະກຳຈັກສານໄມ້, ຫວາຍ, ໄມ້ປ່ອງ, ຜະລິດຕະພັນວັດທະນະທຳ,
ເຄື່ອງປັ້ນດິນເຜົ່າ, ກະສິກຳ ແລະ ອື່ນໆ.
No comments:
Post a Comment