ພາຍຫລັງບໍລິສັດຜູ້ຮັບເໝົາໄດ້ເລີ່ມລົງມືກໍ່ສ້າງເສັ້ນທາງເບຕົງເຂົ້າຮ່ອມບ້ານຫາດຊາຍຂາວເຊື່ອມຕໍ່ໃສ່ບ້ານດົງສະຫວາດ,ເມືອງຫາດຊາຍຟອງ
ນະຄອນ ຫລວງວຽງຈັນ ມີໄລຍະຍາວ ປະມານ 2 ກິໂລກວ່າແມັດແຕ່ເດືອນເມສາ 2014 ເປັນຕົ້ນມາ,
ອັນໄດ້ເຮັດໃຫ້ປະຊາຊົນຫລາຍຄອບຄົວທີ່ອາໄສຢູ່ລຽບແຄມທາງຮ່ອມດັ່ງກ່າວໄດ້ເສຍສະ
ຫລະທັບມ້າງຮົ້ວກຳແພງໜ້າເຮືອນຂອງຕົນອອກຈາກເຂດ ຖືກແລວທາງ ເພື່ອອຳນວຍຄວາມສະດວກໃຫ້ແກ່ການກໍ່
ສ້າງສາມາດສຳເລັດຕາມກຳນົດເວລາ, ແຕ່ມາຮອດປັດຈຸບັນວັນເວລາຜ່ານເລີຍໄປຫລາຍເດືອນແລ້ວ
ແລະ ສັງເກດເຫັນວ່າສະ ພາບການກໍ່ສ້າງມີລັກສະນະຊັກຊ້າ, ບາງຍ່ານໄດ້ມີການຂຸດຈົກເພື່ອເຮັດຮ່ອງລະບາຍນ້ຳແລ້ວກໍປະປ່ອຍໄວ້,
ບາງຈຸດກໍເອົາທໍ່ມາ ວາງກອງກັນປະໄວ້ໂດຍ ບໍ່ມີການກໍ່ ສ້າງຫຍັງອັນເປັນການ ສ່ຽງຕໍ່ການເກີດອຸປະຕິເຫດສັນ
ຈອນໄປມາໃນຍາມຄ່ຳຄືນ ແລະ ສ່ຽງຕໍ່ໂຈນທີ່ຈະເຂົ້າໄປ
ລັກສິ່ງ ຂອງ ວັດຖຸ, ເງິນຄຳໃນເຮືອນ
ປະຊາຊົນທີ່ຖືກມ້າງກຳແພງ ອອກແລ້ວນັ້ນໄດ້ງ່າຍ, ເຊິ່ງຕໍ່ບັນ ຫານີ້, ທ່ານ ພູທົງ ລັດຕະນະວົງ
ຫົວ ໜ້າຫ້ອງການໂຍທາທິການ ແລະ ຂົນສົ່ງ ເມືອງຫາດຊາຍຟອງ ກໍໄດ້ຊີ້ແຈງຕໍ່ນັກຂ່າວວ່າ:
ເສັ້ນທາງດັ່ງກ່າວມີແຜນຈະສືບຕໍ່ກໍ່ສ້າງອີກຢູ່, ແຕ່ວ່າກ່ອນໜ້ານີ້ເປັນຊ່ວງໄລຍະລະດູຝົນ
ຈຶ່ງຕ້ອງຢຸດການກໍ່ສ້າງເອົາໄວ້ຊົ່ວ ຄາວ, ອີກບັນຫາໜຶ່ງແມ່ນຕ້ອງໄດ້ຍົກຍ້າຍເສົາໄຟຟ້າແຮງສູງ
ແລະ ທໍ່ນ້ຳປະປາ ອອກຈາກແລວທາງໃຫ້ໝົດກ່ອນຈຶ່ງສາ ມາດດຳເນີນການກໍ່ສ້າງໄດ້,
ເຊິ່ງນັບວ່າເປັນສິ່ງກີດຂວາງອັນສຳຄັນຕໍ່ການກໍ່ສ້າງ ແລະ ປັດຈຸບັນ, ລັດວິສາຫະກິດໄຟຟ້າ
ລາວ ແລະ ບໍລິສັດ ນ້ຳປະປາ ພວມມີແຜນຈະຍົກຍ້າຍບັນດາສິ່ງກີດຂວາງທີ່ນອນໃນຄວາມຮັບຜິດຊອບຂອງຕົນອອກໃນໄວໆນີ້.
ປະຊາຊົນຫລາຍຄອບ ຄົວເຫັນວ່າ: ຖ້າການກໍ່ສ້າງຫາກມີຄວາມຊັກຊ້າປະປ່ອຍແກ່ຍາວເວລາໄປດົນເທົ່າໃດກໍຍິ່ງເຮັດໃຫ້ປະຊາຊົນມີຄວາມຫຍຸ້ງຍາກສັບ
ສົນໃນການສຫນຈອນໄປມາ ແລະ ເປັນຫວ່ງທາງດ້ານຊັບສີນຫລາຍຂຶ້ນ, ເນື່ອງຈາກວ່າປັດຈຸ
ບັນສະພາບຂີ້ລັກງັດແງະເຮືອນ ຊານບ້ານຊ່ອງເອົາຊັບສີນຂອງປະຊາຊົນແມ່ນເກີດຂຶ້ນແຜ່ຫຼາຍ.
ສະນັ້ນ, ໃນເມື່ອເຮືອນບໍ່ມີຮົ້ວ, ບໍ່ມີກຳແພງອັດກັ້ນແລ້ວກໍຍິ່ງເປັນເງື່ອນໄຂສະດວກໃຫ້ແກ່ພວກມືກາວເຂົ້າມາລັກເອົາຊັບສີນ
ຫລື ສັດລ້ຽງອື່ນໆໄປໄດ້ງ່າຍ, ພ້ອມດຽວກັນນັ້ນ, ສະພາບການໃຊ້ລົດໃຊ້ຖະໜົນສັນ ຈອນໄປມາບົນເສັ້ນທາງດັ່ງ
ກ່າວຂອງປະຊາຊົນກໍພົບຄວາມຫຍຸ້ງຍາກລຳບາກຂຶ້ນຕື່ມ. ຈຶ່ງຮຽກ ຮ້ອງໃຫ້ພາກສ່ວນກ່ຽວ
ຂ້ອງຈົ່ງເພີ່ມທະວີໃນການກະຕຸກ ຊຸກຍູ້ບໍລິສັດຮັບເໝົາກໍ່ສ້າງໄດ້ຮີບຮ້ອນສືບຕໍ່ລົງມືກໍ່ສ້າງໃຫ້ສຳເລັດໂດຍໄວເພື່ອໃຫ້ບັນຫາ
ຕ່າງໆທີ່ປະຊາຊົນກໍຄືສັງຄົມມີຄວາມກັງວົນ ແລະ ເປັນຫວ່ງໄດ້ຮັບການແກ້ໄຂເທື່ອລະກ້າວ,
ທັງເຮັດໃຫ້ການສັນຈອນມີຄວາມສະດວກດີກາຍເປັນພື້ນຖານໂຄງລ່າງຕົວແບບທີ່ມີມາດຕະຖານ
ເພື່ອປະກອບສ່ວນຊ່ວຍໃຫ້ຊີວິດການເປັນຢູ່ກອງປະຊາຊົນໃນ ເຂດນັ້ນມີການພັດທະນາປ່ຽນແປງດີຂຶ້ນ.
ທ່ານຫົວໜ້າຫ້ອງການໂຍ ທາທິການ ແລະ ຂົນສົ່ງ
ເມືອງ ຫາດຊາຍຟອງ ກ່າວວ່າ: ທາງຮ່ອມດັ່ງກ່າວມີຄວາມຍາວ 2 ກວ່າກິໂລແມັດ, ໜ້າທາງກວ້າງ
8 ແມັດ, ມີມູນຄ່າກໍ່ສ້າງທັງໝົດ 42 ຕື້ກີບ, ໂດຍແມ່ນບໍລິສັດ ແສງວິໄຊ ກໍ່ສ້າງຂົວທາງເປັນຜູ້ລົງ
ທຶນຮັບເໝົາກໍ່ສ້າງກ່ອນ 100% ແລະ ຄາດວ່າຈະໃຫ້ສຳເລັດໃນ ໄລຍະເວລາ 3 ປີ ແລະ ພາຍຫລັງກໍ່ສ້າງສຳເລັດຈະໄດ້ນຳໃຊ້ງົບ
ປະມານລັດຊຳລະຄືນໃຫ້ໃນແຕ່ລະສົກປີ ແລະ ນີ້ແມ່ນທາງສາຍໜຶ່ງທີ່ໄດ້ຮັບອະນຸຍາດຈາກພາກ
ສ່ວນກ່ຽວຂ້ອງໃຫ້ດຳເນີນການ ກໍ່ສ້າງໃນຮູບແບບເອກກະຊົນລົງທຶນກ່ອນ, ພາຍຫລັງທີ່ລັດ
ຖະບານໄດ້ສັ່ງໂຈະບໍ່ໃຫ້ມີການ ລົງທຶນໃນຮູບແບບດັ່ງກ່າວມາໄດ້ປະມານ 2 ປີ,
ເນື່ອງຈາກວ່າ: ຮູບແບບການລົງທຶນກ່ອນແມ່ນເຮັດໃຫ້ລັດເສຍປະໂຫຍດຫລາຍຍ້ອນມີມູນຄ່າສູງ
ແລະ ຫລາຍໂຄງການແມ່ນບໍ່ມີປະສິດທິຜົນ.
No comments:
Post a Comment