ໃນວັນທີ 17 ຕຸລາຜ່ານມາ, ກະຊວງແຜນການ
ແລະ ການລົງທຶນ(ຜທ), ໄດ້ມີພິທີປະກາດ ແຕ່ງຕັ້ງທ່ານ ດຣ ກິແກ້ວ ຈັນ ທະບູຣີ
ອະດີດຫົວໜ້າຫ້ອງການກະ ຊວງເປັນລັດຖະມົນຕີຊ່ວຍວ່າ ການກະຊວງແຜນການ ແລະ
ການລົງທຶນ, ສ່ວນທ່ານ ສົມຈິດ ອິນທະມິດ ອະດີດລັດຖະມົນຕີຊ່ວຍວ່າການກະຊວງແຜນການ
ແລະ ການລົງທຶນແມ່ນໄປຮັບໜ້າທີ່ໃໝ່ຢູ່ກະຊວງອຸດສາຫະກຳ ແລະ ການຄ້າ.
ພ້ອມດຽວກັນນີ້,ໄດ້ແຕ່ງຕັ້ງຮອງຫົວໜ້າກົມຮ່ວມມືສາກົນຈຳນວນ 2 ທ່ານ ແລະ
ຮອງຫົວໜ້າຫ້ອງການຄະນະກຳມາທິການຮ່ວມມືລາວ- ຫວຽດນາມ ເພີ່ມອີກ 1 ທ່ານ.
ໃນໂອກາດນີ້, ທ່ານ ສົມດີ ດວງດີ
ລັດຖະມົນຕີວ່າການກະ ຊວງແຜນການ ແລະ ການລົງ ທຶນ, ໄດ້ໂອ້ລົມຕໍ່ພິທວ່າ:
ການສັບປ່ຽນບ່ອນປະຈຳການຂອງພະນັກງານການນຳແຕ່ລະຂັ້ນແມ່ນໄດ້ປະຕິບັດມາຢ່າງເປັນປົກກະຕິບໍ່ວ່າຢູ່ສູນກາງກໍຄືທ້ອງຖິ່ນຕ່າງໆ
ເຊິ່ງມັນໄດ້ກາຍເປັນຫລັກ ການ,
ລະບຽບການຂອງພັກທີ່ໄດ້ກຳນົດໄວ້ເຊິ່ງທຸກຄົນຕ້ອງໄດ້ປະຕິບັດ
ທັງນີ້ກໍເພື່ອໃຫ້ສອດ ຄ່ອງກັບຄວາມຮຽກຮ້ອງຕ້ອງ ການຂອງໜ້າທີ່ວຽກງານ ແລະ
ສະພາບເງື່ອນໄຂຕົວຈິງຂອງປະເທດ.
ພ້ອມ
ນີ້ທ່ານຍັງໄດ້ເນັ້ນໃຫ້ທ່ານລັດຖະມົນຕີຊ່ວຍວ່າການຄົນໃໝ່ຊີ້ນຳນຳພາວຽກງານໃນຂົງເຂດທີ່ຮັບຜິດຊອບຫັນເປັນແຜນການ,
ໂຄງການ, ແຜນງານ ແລະ ແຜນເງິນ ໃຫ້ບຸກຄົນຮັບ ຜິດຊອບຢ່າງຈະແຈ້ງ,
ຮັກສາມູນເຊື້ອຄວາມສາມັກຄີພາຍໃນໃຫ້ໜັກແໜ້ນ,
ເອົາໃຈໃສ່ວຽກງານສຶກສາອົບຮົມການເມືອງ-ແນວຄິດເຮັດໃຫ້ພະນັກງານກຳໄດ້ແນວທາງນະໂຍບາຍຂອງພັກ-ລັດຖະບານ.
ສຳລັບພະນັກ
ງານທີ່ໄດ້ຮັບການແຕ່ງຕັ້ງເປັນຮອງຫົວໜ້າກົມຮ່ວມມືສາກົນໃໝ່ນີ້ໃຫ້ສືບຕໍ່ໂຄສະນາເຜີຍແຜ່ນະໂຍບາຍຂອງພັກ-ລັດ,
ຍາດແຍ່ງເອົາການຊ່ວຍເຫລືອຈາກບັນດາປະເທດເພື່ອນມິດ ແລະ
ອົງການຈັດຕັ້ງສາກົນຕ່າງໆໃຫ້ ການສະໜັບສະ ໜູນຊ່ວຍເຫລືອແກ່ ສປປ ລາວ
ໃຫ້ນັບມື້ຫລາຍຂຶ້ນເພື່ອປະກອບສ່ວນເຂົ້າໃນການພັດທະນາປະເທດຊາດ.
ສ່ວນຫ້ອງການຄະນະກຳມາທິການຮ່ວມມືລາວ-ຫວຽດນາມ ກໍໃຫ້ປະສານສົບທົບກັບ ສສ
ຫວຽດນາມ ເຮັດໃຫ້ບັນຍາກາດໃນການພົວພັນຮ່ວມມືລະຫວ່າງ ສອງພັກ,
ສອງລັດນັບມື້ແໜ້ນແຟ້ນຍິ່ງໆຂຶ້ນ.
No comments:
Post a Comment