ອີງຕາມການລາຍງານຂອງອົງການອະນຸລັກສັດປ່າ
ໃນວັນທີ 5 ພະຈິກ ຜ່ານມາ, ອົງການອະນຸລັກສັດປ່າໄດ້ປະກາດມອບລາງວັນທາງເລືອກຂອງນັກ ທ່ອງທ່ຽວທີ່ມີຄວາມຮັບ
ຜິດຊອບຕໍ່ໂລກ (People’s Choice Award), ໃຫ້ແກ່ແຫຼ່ງທ່ ອງທ່ຽວລ່ອງເຮືອເບິ່ງສັດປ່າຍາມກາງ
ຄືນແມ່ນ້ຳເນີນ, ປ່າສະຫງວນ ແຫ່ງຊາດນ້ຳແອດ-ພູເລີຍ ບ້ານ ສົ້ນຂົວ, ເມືອງຫົວ ເມືອງ, ແຂວງຫົວພັນ, ເຊິ່ງເປັນ ປີທີ 2 ແລ້ວທີ່ ແຫລ່ງທ່ອງທ່ຽວດັ່ງກ່າວໄດ້ຮັບລາງວັນນີ້, ຊຶ່ງຈັດຂຶ້ນຢູ່ສູນການ ຄ້າສາກົນນະຄອນຫລວງລອນດອນປະເທດອັງກິດ. ພາຍ ຫລັງທີ່ແຫລ່ງທ່ອງທ່ຽວດັ່ງ ກ່າວຮັກສາໄດ້ສະພາບແວດລ້ອມທີ່ດີ
ແລະ ໄດ້ ຮັບການພັດທະນາຂຶ້ນເລື້ອຍໆ.
ກິດຈະກຳຂອງແຫລ່ງ ທ່ອງທ່ຽວດັ່ງກ່າວແມ່ນການຂີ່
ເຮືອຫາງຍາວຊົມທຳມະຊາດ ຕາມສາຍນ້ຳເນີນໃນຕອນບ່າຍ ແລະ ຕົກມາໃນຕອນຫົວຄ່ຳກໍພາ ນັກທ່ອງທ່ຽວກິນເຂົ້າປ່າ,
ທີ່ ກຽມໂດຍຊາວບ້ານທີ່ອາໄສຢູ່ ແຄມຝັ່ງແມ່ນ້ຳເນີນ. ຈາກນັ້ນ ພັກຜ່ອນໜ້ອຍໜຶ່ງຮັບຟັງນິທານ
ຈາກປະສົບການຕ່າງໆຂອງ ຊາວບ້ານໃນການລ່າສັດປ່າ ຕອນທີ່ເຂົາເຈົ້າເປັນນັກລ່າສັດດັ່ງ
ກ່າວກ່ອນທີ່ຈະມາເຮັດວຽກ
ບໍລິເປັນການທ່ອງທ່ຽວ ແລະ ສ່ວນໃນຍາມກາງຄືນກໍພານັກ ທ່ອງທ່ຽວລ່ອງເຮືອໄປຕາມ ສາຍ ນ້ຳ, ໂດຍທີ່ບໍ່ໄດ້ຕິດຈັກເຮືອ
ເພື່ອບໍ່ໃຫ້ສັດປ່າເຫລົ່ານັ້ນແຕກຕື່ນ, ສ່ວນໃຫຍ່ແລ້ວສາມາດພົບ ເຫັນສັດປ່າປະເພດກວາງ, ເຫງັນ.
ນອກຈາກນີ້, ບາງຄັ້ງຍັງສາມາດພົບເຫັນຟານ, ນາກນ້ຳ,
ຮອຍຕີນເສືອໂຄ່ງ, ເສືອໄຟ, ໝາໄນ, ໝີ, ງູເຫຼືອມ, ລິງລົມ, ເຍືອງ, ເຫງັນຫາງກ່ານ, ໝູປ່າ ແລະ
ລີງ ເປັນຕົ້ນ. ບາງເທື່ອສະຖານທີ່ແຫ່ງນີ້ອາດເປັນແຫ່ງດຽວທີ່ນັກທ່ອງທ່ຽວສາມາດ ເຫັນ ສັດປ່າຢູ່ໃນປ່າໄດ້.
ການທ່ອງທ່ຽວທຳມະຊາດ ແບບປະຊາຊົນມີສ່ວນຮ່ວມຂອງໂຄງການນີ້
ໄດ້ເຮັດໃຫ້ເຊື່ອມ ໂຍງກັນລະຫວ່າງສະຖານບັນ ການທ່ອງທ່ຽວ ແລະ ການອະນຸລັກສັດປ່າມີຄວາມສະໜິດແໜ້ນຫລາຍຂຶ້ນ,
ຍ້ອນວ່າລາຍຮັບຈາກການນັກທ່ອງທ່ຽວ ທີ່ເຂົ້າ ມາທ່ຽວຊົມນັ້ນເຮັດໃຫ້ປະຊາຊົນໃນເຂດດັ່ງກ່າວມີລາຍຮັບຫລາຍຂຶ້ນ. ແລະ ສາມາດສ້າງ ແຮງຈູງໃຈໃຫ້ຊາວບ້ານຫັນມາອະ ນຸລັກສັດປ່າເພີ່ມຂຶ້ນ.
No comments:
Post a Comment