ກະຊວງສາທາລະນະສຸກ ເປີດເຜີຍວ່າ: ປັດຈຸບັນ, ຢູ່ລາວມີປະມານ
2,3 ລ້ານຄົນບໍ່ໄດ້ຖ່າຍໃສ່ວິດ ຫລື ຖ່າຍຊະຊາຍ, ຂະນະທີ່ອົງການອານາໄມໂລກໃຫ້ຮູ້ ວ່າ: ທົ່ວໂລກຄົນປະມານ
2,5 ຕື້ ຄົນບໍ່ໄດ້ຖ່າຍໃສ່ວິດ, ໃນນັ້ນ ໜຶ່ງຕື້ກວ່າຄົນແມ່ນຖ່າຍ ຊະຊາຍຍ້ອນບໍ່ມີວິດຖ່າຍ,
ເຊິ່ງສະພາບດັ່ງກ່າວແມ່ນເກີດຂື້ນຫລາຍຢູ່ຊົນນະບົດ ເຂດຫ່າງໄກສອກຫລີກ, ມັນເປັນສິ່ງທ້າທາຍຕໍ່ວຽກງານ ສຸຂະພິບານ.
ກະຊວງສາທາລະນະສຸກ ໃຫ້ຮູ້ວ່າ: ລະບົບສຸຂາພິບານບໍ່ໄດ້ມາດຕະຖານຍັງສົ່ງຜົນກະທົບຕໍ່ເສດຖະກິດຂອງປະເທດ,
ໂດຍທະນາຄານໂລກຊີ້ໃຫ້ເຫັນ ວ່າ ສປປ ລາວ ຕ້ອງສູນເສຍ ງົບປະມານເຖິງ 5 ພັນຕື້ກີບເທົ່າ ກັບ
5,6% ຂອງລວມຍອດ ຜະລິດຕະພັນພາຍໃນ (GDP) ຍ້ອນລະ ບົບສຸຂາພິບານບໍ່ໄດ້ມາດຕະຖານ ແລະ ພະຍາດຖອກທ້ອງ
ແມ່ນອັນດັບ 3 ຂອງ ສາເຫດການເສຍຊີວິດກ່ອນໄວອັນຄວນ, ໂດຍສະເພາະການເສຍຊີວິດໃນເດັກນ້ອຍ, ເຊິ່ງເຊື້ອພະຍາດດັ່ງ
ກ່າວມີສາເຫດມາ ຈາກການຂາດການເຂົ້າເຖິງນ້ຳທີ່ສະອາດ ແລະ ສຸຂະອະນາໄມ.
ບັນຫາດັ່ງກ່າວໄດ້ລາຍງານ ຢູ່ພິທີສະເຫລີມສະຫລອງວັນວິດຖ່າຍໂລກວັນທີ
19 ພະຈິກ 2014, ຢູ່ນະຄອນຫລວງວຽງ ຈັນ, ໂດຍແມ່ນກະຊວງສາທາລະນະສຸກຂອງລາວ, ອົງການຢູນີເຊັບ,
ທະນາຄານໂລກຮ່ວມກັນຈັດຂຶ້ນໃນຫົວຂໍ້: ຄວາມສະ ເໝີພາບ ແລະ ກຽດສັກສີ. ສຳລັບ ສປປ ລາວ ໄດ້ວາງເປົ້າໝາຍດ້ວຍການຫລຸດຜ່ອນອັດຕາການຖ່າຍຊະຊາຍຢູ່ເຂດຊົນນະ
ບົດໃຫ້ໄດ້ 35% ພາຍໃນປີ 2016 ແລະ ການ ເຊື່ອມສານວຽກງານສຸຂາພິບານໄປຄຽງຄູ່ກັບແຜນງານດ້ານອາຫານ
ແລະ ໂພສະນາການ 2014-2020.
ວັນວິດຖ່າຍໂລກ 19 ພະຈິກ, ແມ່ນຖືກຮັບຮອງເປັນວັນສາກົນຢ່າງເປັນທາງການໂດຍອົງການສະຫະປະຊາຊາດໃນປີ
2013 ເພື່ອເປັນການຍອມຮັບເຖິງຄວາມສຳຄັນຂອງສຸຂາພິບານຕໍ່ກັບບັນຫາຄວາມທຸກຈົນ.
No comments:
Post a Comment