ທ່ານ ດຣ ຈັນທະໄລ ໄຊຍະວົງ, ຫົວໜ້າຂະແໜງລະບາດວິທະຍາ,
ພະແນກສາທາລະນະສຸກນະຄອນຫຼວງວຽງຈັນ ໃຫ້ສຳພາດຕໍ່ນັກຂ່າວລາວພັດທະ ນາພວກເຮົາໃນວັນທີ
19 ພະຈິກນີ້ວ່າ: ປັດຈຸບັນອາກາດໄດ້ເລີ່ມ ມີການປ່ຽນແປງ ແລະ ກ້າວ ເຂົ້າສູ່ລະດູໜາວແລ້ວ,
ຊຶ່ງອາດ ເຮັດໃຫ້ສຸຂະພາບຂອງຄົນເຮົາ ໄດ້ຮັບ ຜົນກະທົບ ແລະ ມັກມີພະ ຍາດຕາມລະດູການເກີດຂຶ້ນ
ເຊັ່ນ: ພະຍາດລະບົບທາງເດີນຫານໃຈ, ປອດອັກເສບ, ໄຂ້ ຫວັດ, ພະຍາດຜິວໜັງ ແລະ ພະ
ຍາດທີ່ມາກັບພາຫະ ນະນຳເຊື້ອອື່ນໆ, ດັ່ງນັ້ນເພື່ອປ້ອງກັນພະຍາດດັ່ງກ່າວຈຶ່ງເຕືອນໃຫ້ປະ
ຊາ ຊົນຈົ່ງເອົາໃຈໃສ່ຮັກສາສຸຂະພາບ, ດ້ວຍການປະ ຕິບັດຕາມຫຼັກສຸຂະອະນາໄມ
ແລະ ຫຼັກການອະນາໄມ 3 ສະອາດຄື ນຸ່ງ ເຄື່ອງໃຫ້ອົບອຸ່ນຢູ່ສະເໝີ, ໂດຍ ສະເພາະເດັກນ້ອຍ,
ກິນອາຫານ ທີ່ມີປະໂຫຍດ, ສະອາດ, ສຸກ, ສົົດໃໝ່, ອອກກຳລັງກາຍ ເລື້ອຍໆ ເພື່ອສ້າງພູມຄຸ້ມກັນໃຫ້ແກ່ຮ່າງກາຍ,
ລ້າງມືື ທຸກຄັ້ງກ່ອນ ແລະ ຫຼັງການກິນອາຫານ, ປະຕິບັດຕາມມາລະຍາດໄອ
ຈາມຕ້ອງອັດປາກ ແລະ ສິ່ງສຳຄັນແມ່ນ
ຕ້ອງອະນາໄມຕົນເອງ ແລະ ທີ່ ຢູ່ອາໄສໃຫ້ສະອາດຢູ່ສະເໝີ, ຖ້າເຂດແຂວງຫຼືທ້ອງ ຖິ່ນໃດຫາກເກີດມີກໍລິນີເກີດລະບາດຂອງພະຍາດໃດໜຶ່ງໃຫ້ຮີບຮ້ອນໄປພົບແພດໝໍທັນທີເພື່ອມີວິທີການປິ່ນປົວຮັກສາ ໃຫ້ດີ.
ຂ່າວໃຫ້ຮູ້ອີກວ່າ: ເມື່ອມໍ້ໆນີ້ພະແນກສາທາລະນະສຸກ,
ໄດ້ຮ່ວມກັບກົມຄວມຄຸມພະຍາດຕິດຕໍ່ແລະບໍລິສັດລາວ ແຈັດປັບປຸງລະບົບການເຝົ້າລະວັງພະຍາດອີໂບລາຢູ່ສະໜາມບິນສາກົນວັດໄຕເພື່ອສະກັດກັ້ນການແຜ່ຂອງເຊື້ອອີໂບລາ
ແລະ ເພື່ອເຮັດໃຫ້ງ່າຍໃນການກວດຜູ້ທີ່ເດີນທາງມາຈາກປະເທດທີ່ມີການລະບາດຂອງພະຍາດອີໂບລາ.
No comments:
Post a Comment