ໃນວັນທີ 20 ພະຈິກນີ້, ກະ ຊວງແຜນການ ແລະ ການລົງ
ທຶນ, ໄດ້ສະເຫລີມສະຫລອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ
(ວັນທີ 25 ພະຈິກ) ເພື່ອປູກຈິດສຳນຶກໃຫ້ພະນັກງານລັດຖະ ກອນມີຄວາມເຂົ້າໃຈເລິກ
ຕື່ມກ່ຽວກັບການຕໍ່ຕ້ານການຢຸດຕິການໃຊ້ຄວາມຮຸນແຮງ ແລະ ລຶບລ້າງທຸກຮູບການຈຳແນກຕໍ່ແມ່ຍິງ
ແລະ ເດັກນ້ອຍໃຫ້ ຫລາຍຂຶ້ນ, ເພື່ອໃຫ້ສາມາດນຳໄປຈັດ ຕັ້ງປະຕິບັດໃຫ້ປະກົດຜົນເປັນຈິງເທື່ອລະກ້າວ.
ໂດຍການເຂົ້າຮ່ວມຂອງທ່ານນາງ ຄຳຈັນ ວົງແສນບູນ
ລັດມົນຕີຊ່ວຍວ່າການກະຊວງແຜນການ ແລະ ການລົງທຶນ, ມີຜູ້ຕາງໜ້າຈາກກອງເລຂາຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ
ແລະ ພະນັກງານທີ່ກ່ຽວ ຂ້ອງເຂົ້າຮ່ວມຢ່າງພ້ອມພຽງ.
ລັດຖະມົນຕີຊ່ວຍວ່າການ ກະຊວງແຜນການ ແລະ ການ
ລົງທຶນ ກ່າວວ່າ: ການສະເຫລີມ ສະຫລອງວັນດັ່ງກ່າວນີ້, ກໍເພື່ອໃຫ້ສັງຄົມເຫັນໄດ້ຄວາມສຳຄັນຂອງວຽກງານການຢຸດຕິໃຊ້ຄວາມຮຸນແຮງຕໍ່ແມ່ຍິງ
ແລະ ເດັກນ້ອຍ, ເຊິ່ງຍາມໃດພັກ ແລະ ລັດຖະບານ ກໍຖືວຽກແມ່ຍິງເປັນກຳລັງສຳຄັນ,
ເນື່ອງຈາກວ່າ ແມ່ຍິງແມ່ນກວມເອົາເຄິ່ງໜຶ່ງຂອງພົນລະເມືອງ, ແມ່ຍິງມີ
ຄວາມຮູ້, ຄວາມສາມາດເທົ່າທຽມກັບເພດຊາຍ, ມີບົດບາດສຳຄັນໃນຂົງເຂດວຽກງານການເມືອງ, ເສດຖະກິດ, ວັດທະ ນະທຳ-ສັງຄົມ ແລະ ຄອບຄົວ, ບໍ່ວ່າຍຸກໃດສະໄໝ ກໍມີຄວາມເຊື່ອໝັ້ນຕໍ່ການປະກອບສ່ວນອັນສຳຄັນໃຫຍ່ຫລວງທີ່ສຸດຂອງ
ເອື້ອຍນ້ອງແມ່ຍິງລາວບັນດາເຜົ່າໃນການປົກປັກຮັກສາ
ແລະ ສ້າງສາພັດທະນາປະເທດຊາດ ກໍຄືພາລະກິດປ່ຽນແປງໃໝ່ຂອງພັກ ໂດຍສະເພາະແມ່ນແຜນງານລຶບລ້າງຄວາມທຸກຍາກແຫ່ງຊາດ
ເພື່ອເຮັດໃຫ້ເອື້ອຍນ້ອງແມ່ ຍິງມີການພັດທະນາ ແລະ ໄດ້ຮັບການປັບປຸງໃນດ້ານຊີວິດການ
ເປັນຢູ່ດີຂຶ້ນເທື່ອລະກ້າວ, ພວກ ເຮົາຈົ່ງພ້ອມແຮງພ້ອມໃຈກັນລຶບລ້າງທຸກຮູບການຈຳແນກຕໍ່ແມ່ຍິງ,
ສະກັດກັ້ນ ແລະ ຕ້ານການຄ້າແມ່ຍິງ ແລະ ເດັກນ້ອຍ, ຕ້ານການໃຊ້ຄວາມຮຸນແຮງຕໍ່ແມ່ຍິງ
ແລະ ເດັກນ້ອຍໃນຄອບຄົວ ແລະ ພ້ອມກັນສ້າງເງື່ອນໄຂໃຫ້ແມ່ຍິງໄດ້ເຂົ້າຮ່ວມ ແລະ
ເປັນກຳລັງແຮງໃນການປົກປັກຮັກສາ ແລະ ສ້າງສາພັດ ທະນາປະເທດຊາດໃຫ້ຈະເລີນສີວິໄລ.
ຄວາມຮູ້, ຄວາມສາມາດເທົ່າທຽມກັບເພດຊາຍ, ມີບົດບາດສຳຄັນໃນຂົງເຂດວຽກງານການເມືອງ, ເສດຖະກິດ, ວັດທະ ນະທຳ-ສັງຄົມ ແລະ ຄອບຄົວ, ບໍ່ວ່າຍຸກໃດສະໄໝ ກໍມີຄວາມເຊື່ອໝັ້ນຕໍ່ການປະກອບສ່ວນອັນສຳຄັນໃຫຍ່ຫລວງທີ່ສຸດຂອງ
No comments:
Post a Comment