ວັນທີ 21 ພະຈິກຜ່ານມາ, ສະມາຄົມມິດຕະພາບລາວ-ຈີນ,
ນະຄອນຫລວງວຽງຈັນ ແລະ ສະມາຄົມມິດຕະພາບກັບນາໆຊາດປະຊາຊົນຈີນ, ໄດ້ຮ່ວມກັນຈັດກິດຈະກຳແລກປ່ຽນວັດທະ
ນະທຳປັກກິ່ງ-ອາຊຽນ ຂຶ້ນຢູ່ສູນການຄ້າລາວ-ໄອເຕັກ, ນະຄອນຫລວງວຽງຈັນ, ເພື່ອຊຸກຍູ້ການຮ່ວມມື ແລະ ແລກປ່ຽນດ້ານວັດ ທະນະ ທຳລະຫວ່າງນະຄອນຫລວງວຽງຈັນ
ແລະ ນະຄອນຫລວງປັກກິ່ງ, ທັງເປັນການເພີ່ມທະວີຄວາມຮັບຮູ້ ແລະ ຄວາມເຄົາລົບນັບຖືຕໍ່ວັດທະນະທຳລະຫວ່າງຈີນກັບປະເທດອາຊຽນໂດຍມີທ່ານ
ອານຸພາບ ຕຸນາລົມ ຮອງເຈົ້າຄອງນະຄອນຫລວງວຽງຈັນ, ປະທານສະມາຄົມມິດ ຕະພາບລາວ-ຈີນ
ນະຄອນ ຫລວງວຽງຈັນ, ທ່ານ ເຕີ້ງ ຊ້າວ ຫຸ້ຍ ຫົວໜ້າຄະນະຜູ້ແທນແລກ ປ່ຽນວັດທະນະທຳປັກກິ່ງ-ອາຊຽນ,
ມີບັນດາຄະນະຜູ້ແທນນະຫລວງວຽງຈັນ ແລະ ຄະນະຜູ້ແທນນະຄອນຫລວງປັກກິ່ງ, ພ້ອມດ້ວຍນ້ອງນັກຮຽນເຂົ້າຮ່ວມຢ່າງຫລວງຫລາຍ.
ທ່ານ ອານຸພາບ ຕຸນາລົມ ກ່າວວ່າ: ການຈັດກິດຈະກຳດັ່ງ
ກ່າວເປັນການເຜີຍແຜ່ສີລະປະ ວັດທະນະທຳຂອງເພື່ອນຈີນທີ່ມີຄວາມເປັນເອກະລັກໂດດເດັ່ນ
ພ້ອມກັນນີ້ກໍເປັນການໂຄສະ ນາເຜີຍແຜ່ວັດທະນະທຳຮີດ ຄອງປະເພນີອັນດີງາມຂອງຊາດລາວ
ແລະ ໂຄສະນາເຜີຍແຜ່ຖາ ນະບົດບາດຂອງນະຄອນຫລວງວຽງຈັນໃນເວທີພາກພື້ນ ແລະ ສາກົນ.
ທ່ານ ເຕີ້ງ ຊ້າວ ຫຸ້ຍ ກ່່າວວ່າ: ປີ 2014
ເປັນປີແລກປ່ຽນວັດທະ ນະທຳຈີນ-ອາຊຽນ ເພື່ອເປີດກ້ວາງການແລກປ່ຽນວັດ ທະນະທຳລະຫວ່າງຈີນກັບປະເທດອາຊຽນໃນການເພີ່ມທະວີການໄປ
ມາຫາສູ່ລະຫວ່າງຕົວເມືອງ, ນະ ຄອນຫລວງຂອງປະເທດອ້ອມຂ້າງໃຫ້ຫລາຍຂຶ້ນ, ເຊິ່ງການ
ແລກປ່ຽນວັດທະນະທຳດັ່ງກ່າວ ປະກອບດ້ວຍກິດຈະກຳຄື: ການ ວາງສະແດງມໍລະ ດົກວັດທະນະທຳທີ່ເປັນສີລະປະເຊັ່ນ:
ມວຍຈີນ, ກັງຟູ, ຮ້ອງເພງ ແລະ ອື່ນໆ, ການສະແດງສີມືຫັດຖະກຳຂອງມໍລະດົກວັດທະນະທຳທີ່ເຮັດດ້ວຍອຸປະກອນຕ່າງໆເຊັ່ນ:
ເຮັດວ່າວເປັນຮູບນົກ, ຮູບແມງກະ ເບື້ອ ແລະ ຮູບສັດປະເພດຕ່າງໆ ແລະ ການວາງສະແດງຮູບພາບ
ພາຍໃຕ້ຫົວຂໍ້ປັກກິ່ງທີ່ມີສະເໜ່, ຄຸ້ມຊື່ເສີ້ງທີ່ມີຫລາກຫລາຍສີສັນ, ເຊິ່ງສະແດງໃຫ້ເຫັນແຫລ່ງ
ທ່ອງທ່ຽວວັດທະນະທຳປະຫວັດສາດ ແລະ ສິ່ງກໍ່ສ້າງທີ່ທັນສະໄໝຢູ່ ປັກກິ່ງ.
ທ່ານ ເຕີ້ງ ຊ້າວ ຫຸ້ຍ ກ່າວຕື່ມວ່າ: ການຈັດກິດຈະກຳແລກ ປ່ຽນວັດທະນະທຳປັກກິ່ງ-ອາຊຽນຈະຈັດຢູ່ສາມປະເທດ
ເຊິ່ງ ສປປ ລາວ ເປັນປະເທດທຳອິດຕໍ່ໄປຈະໄປຈັດຢູ່ປະເທດກຳປູເຈຍ ແລະ ປະເທດມາເລເຊຍ.
No comments:
Post a Comment