ທີ່ຜ່ານມາມັກມີຂ່າວຢ່າງ ແຜ່ຫລາຍກ່ຽວກັບຊາວຄ້າຂາຍສວຍໂອກາດໃຊ້ຟອກໂມນ
ຫລື ສານກັນບູດອື່ນໆໃສ່ຊີ້ນ ແລະ ອາຫານທະເລປະເພດຕ່າງໆ, ທີ່ ວາງຂາຍຢູ່ທ້ອງຕະຫລາດນັບ ແຕ່ຕົວເມືອງໄປຈົນຮອດຊົນນະບົດແຕ່ເໜືອຮອດໃຕ້
ແລະ ມາ ຮອດດຽວນີ້ບັນຫາດັ່ງກ່າວແມ່ນໄດ້ແຜ່ຫລາຍ, ໂດຍສະເພາະຢູ່ຕາມທ້ອງຕະຫລາດໃນນະຄອນຫລວງວຽງຈັນສັງຄົມຈຶ່ງ
ຂໍຮຽກຮ້ອງໃຫ້ພາກສ່ວນກ່ຽວຂ້ອງດຳເນີນການກວດກາເຂັ້ມງວດ, ຫາກມີການພົບເຫັນຂໍໃຫ້ດຳເນີນມາດຕະການທາງກົດ
ໝາຍຕໍ່ຜູ້ກະທຳຜິດໃຫ້ເຂັມງວດກວ່າເກົ່າ.
ຜູ້ລາຍງານຂ່າວໃຫ້ຮູ້ອີກວ່າ: ອາຫານເປັນຜິດດັ່ງກ່າວສ່ວນ
ຫລາຍແມ່ນນຳເຂົ້າຈາກຕ່າງປະເທດ, ແລ້ວນຳມາວາງຂາຍຢູ່ ຕາມຕະຫລາດໃຫຍ່ຕ່າງໆຄື ຂົວດິນ, ໜອງດ້ວງ,
ທົ່ງຂັນຄຳ, ໂພນຕ້ອງ ແລະ ອື່ນໆ, ໂດຍພວກເຂົາຈະຂາຍໃນລາຄາຖືກ ກວ່າລາຄາຊີ້ນປາຢູ່ພາຍໃນປະເທດ,
ບາງກໍລະນີທີ່ກິນຊີ້ນປາໃຊ້ສານ ກັນບູດເຂົ້າໄປຈະເກີດມີອາກາດເຈັບທ້ອງ, ສຸທ້ອງ, ວິນຫົວ,
ເຮັດໃຫ້ສຸຂະພາບອ່ອນເພຍ, ໃນທີ່ສຸດ ກໍເກີດມີພະຍາດອື່ນໆແຊກຊ້ອນຕາມມາ. ດັ່ງນັ້ນຕໍ່ບັນຫານີ້ຈຶ່ງ
ຂໍຮ້ອງ ໃຫ້ພາກສ່ວນກ່ຽວຂ້ອງໂດຍສະເພາະຄະນະຄຸ້ມຄອງອາ ຫານ ແລະ ຢາ (ຄອຢ) ສົມທົບກັບຂະແໜງລ້ຽງສັດ,
ສັດຕະ ວະແພດຈົ່ງຖືສຳຄັນໃນການຕິດຕາມກວດກາຢ່າງເຂັ້ມງວດປະເພດຊີ້ນ ແລະ ປາ ຢູ່ຕາມທ້ອງຕະຫລາດຕ່າງໆ
ແລະ ຄວນ ເຮັດຢ່າງເປັນປະຈຳສະໝ່ຳສະເໝີເພື່ອກຳຈັດການສວຍໂອກາດຂອງພວກບໍ່ດີດັ່ງກ່າວໃຫ້ໝົດໄປ.
No comments:
Post a Comment