ວັນທີ 21 ພະຈິດນີ້, ພະແນກສາທາລະນະສຸກນະຄອນຫຼວງວຽງຈັນຮ່ວມກັບອົງການອະນາໄມໂລກໄດ້ເປີດຊຸດອົບຮົມການປ້ອງກັນ
ແລະ ຄວບຄຸມ ການຕິດເຊື້ອອີໂບລາໃຫ້ພະນັກງານສະໝາມບິນສາກົນວັດໄຕ ຂຶ້ນ, ຢູ່ສະໝາມບິນດັ່ງກ່າວ,
ໂດຍການເຂົ້າຮ່ວມຂອງຮອງຫົວໜ້າກົມຄວບຄຸມພະຍາດຕິດຕໍ່, ຜູ້ຕ່າງໜ້າອົງການອະນາໄມໂລກປະຈຳລາວ,
ຕ່າງໜ້າກອງຄຸມຄອງສະໝາມບິນ ແລະ ພະນັກງານເຂົ້າຮ່ວມເປັນຈຳນວນຫຼາຍ.
ທ່ານ ດຣ ລຸຍດາແປ່ງ ຕາງ ໜ້າອົງການອະນາໄມໂລກປະ
ຈຳລາວມີຄຳເຫັນວ່າ: ດັ່ງພວກເຮົາຮູ້ນຳກັນແລ້ວວ່າປັດຈຸບັນໄດ້ເກີດການລະບາດຂອງພະ
ຍາດອີໂບລາຢູ່ພາກໃຕ້ຂອງອາຟຣິກາຕາເວັນຕົກ ແລະ ມາຮອດປັດຈຸບັນເລກຜູ້ຕິດເຊື້ອພຍາດດັ່ງ
ກ່າວສູງເຖິງ 15 ພັນກວ່າຄົນ, ໃນນັ້ນເສຍຊີວິດແລ້ວຫຼາຍກວ່າ5 ພັນຄົນ, ຊຶ່ງຈຳນວນຜູ້ຕິດເຊື້ອທັງໜົດແມ່ນເລີ່ມຈາກເດັກນ້ອຍອາຍຸ
2 ປີ ແລະ ເຊື້ອພະຍາດດັ່ງ ກ່າວໄດ້ແຜ່ລະບາດຢ່າງໄວວາຢູ່
ບັນດາປະເທດອາຟຣິກາຕາເວັນຕົກເຮັດໃຫ້ທົ່ວໂລກມີຄວາມ ກັງວົນ ແລະ ມື້ນີ້ພວກເຮົາຈະມາ
ເບິ່ງວ່າປະເທດລາວມີຄວາມສ່ຽງທີ່ຈະເກີດພະຍາດອີໂບລາຫຼືບໍ່ ແລະບ່ອນ
ໃດມີຄວາມສ່ຽງຫຼາຍທີ່ສຸດ,
ດັ່ງທີອົງການອະນາໄມໂລກ ແລະ ກະຊວງສາທາລະ ນະສຸກໄດ້ຮ່ວມກັນປຶກສາຫາລືແລະ
ເຫັນວ່າຄວາມເປັນໄປໄດ້ທີ່ເຊື້ອພະຍາດດັ່ງກ່າວຈະມາເຖິງລາວແມ່ນມີໜ້ອຍ, ແຕ່ກໍຍັງມີຄວາມສ່ຽງເຊັ່ນດຽວກັນ,
ຊຶ່ງ ບັນດາທ່ານ ເຮັດວຽກຢູ່ສະໜາມບິນຖືວ່າເປັນກອງໜ້າທີ່ຈະຕ້ອງໄດ້ປະເຊີນກ່ອນໝູ່ຖ້າຫາກເກີດມີກໍລະນີຜູ້ຕິດເຂົ້າມາທາງສະ
ໜາມບິນ, ດັ່ງນັ້ນມັນຈຶ່ງມີຄວາມຈຳເປັນຢ່າງຍິ່ງທີ່ພະນັກງານພາຍໃນສະໜາມບິນຈະຕ້ອງໄດ້ຮຽນຮູ້ການປ້ອງກັນ
ແລະ ຄວບຄຸມການຕິດເຊື້ອພະຍາດ, ຜ່ານມາກະຊວງສາທາລະນະສຸກ ແລະ ເຈົ້າໜ້າທີ່ການບິນກໍໄດ້ເຮັດວຽກຮ່ວມກັນຢ່າງແຂງແຮງເພື່ອຕອບໂຕ້ກັບພະຍາດດັ່ງ
ກ່າວດ້ວຍການສ້າງໂປສະເຕີແລະ ຕອບສະໜອງຂໍ້ມູນຂ່າວ ສານຕ່າງໆໃຫ້ແກ່ນັກທ່ອງທ່ຽວ
ແລະ ບຸກຄົນທີ່ເຂົ້າມາໃນປະເທດລາວ ແລະ ການຝຶກອົບຮົມຄັ້ງນີ້ສິ່ງໜຶ່ງທີ່ພວກເຮົາຈະໄດ້ປັບປຸງແມ່ນການຄວບຄຸມການຕິດເຊື້ອ,ເນື້ອງຈາກວ່າຜ່ານມາພະນັກງານເຮົາຍັງຂາດຄວາມຮູ້ໃນດ້ານນີ້,
ສຳລັບການຄຸມຄວບການຕິດເຊື້ອມີຢູ່ 2 ຈຸດ ໃຫຍ່ຄື 1 ປົກປ້ອງຕົວທ່ານເອງບໍ່ໃຫ້ຕິດເຊື້ອ
ແລະ ປົກປ້ອງການແຜ່ກະ ຈາຍຂອງເຊື້ອໄປສູ່ບ່ອນອື່ນແລະ ການຝຶກອົບຮົມນີ້ຈະເຮັດໃຫ້ບັນດາທ່ານສາມາດປ້ອງກັນຕົວເອງ
ແລະ ປ້ອງກັນປະຊາຊົນລາວໄດ້ດີຍິ່ງຂຶ້ນ.
No comments:
Post a Comment