ອົງການກວດສອບແຫ່ງລັດຂອງລາວ, ຫວຽດນາມ
ແລະ ກຳປູເຈຍ, ໄດ້ຮ່ວມກັນປືກສາຫາລື ແລະ ແລກປ່ຽນບົດ ຮຽນກ່ຽວກັບວຽກງານກວດສອບ,
ເພື່ອໃຫ້ລະບົບການກວດສອບ ແຫ່ງລັດມີຄວາມເຂັ້ມແຂງ ແລະ ຖືກຕ້ອງຕາມມາດຕະ ຖານສາກົນ, ໂດຍໄດ້ລົງເລິກແລກປ່ຽນບົດຮຽນການຈັດຕັ້ງປະຕິບັດມາດຕະຖານການກວດສອບຂອງສະຫະພັນສະຖາບັນກວດສອບສາກົນ
ແລະ ການສະເໜີບົດຮຽນການນຳໃຊ້ມາດຕະຖານສາກົນເຂົ້າໃນການກວດສອບຕົວຈິງໃນການສະກັດກັ້ນການທຸຈະລິດຂອງພະນັກງານລັດຖະກອນ
ແລະ ຕ້ານການສໍ້ລາດບັງຫລວງໃນອົງການຈັດຕັ້ງຂອງລັດ, ນອກຈາກນີ້, ທັງສາມປະເທດຍັງໄດ້ລາຍງານສະພາບການຈັດຕັ້ງປະຕິບັດການກວດສອບແຫ່ງລັດຢູ່ປະເທດຕົນໃຫ້ກັນຊາບ
ແລະ ແລກ ປ່ຽນບົດຮຽນດ້ານວິຊາການຮ່ວມກັນ ເພື່ອໃຫ້ວຽກງານກວດສອບມີຄວາມເຂັ້ມແຂງ
ແລະ ເຊື່ອມຈອດເຂົ້າກັນດີກວ່າເກົ່າ.
ກອງປະຊຸມພົບປະດັ່ງກ່າວ ມີຂຶ້ນໃນວັນທີ
11 ພະຈິກນີ້, ຢູ່ນະຄອນຫລວງວຽງຈັນ, ໂດຍການເປັນປະທານຂອງທ່ານ ເຄນ ລໍວັນໄຊ
ຮອງປະທານອົງການກວດສອບແຫ່ງລັດແຫ່ງ ສ ປປ ລາວ, ມີຮອງປະທານກວດສອບແຫ່ງລັດ
ສສ ຫຽດນາມ ແລະ ກຳປູເຈຍ ພ້ອມດ້ວຍພະນັກງານກ່ຽວຂ້ອງທັງສາມປະເທດເຂົ້າຮ່ວມ.
No comments:
Post a Comment