ສະພາການຄ້າ ແລະ ອຸດສາຫະກຳແຫ່ງຊາດລາວຮ່ວມກັບພະແນກພົວພັນການຄ້າຕ່າງ
ປະເທດນະຄອນຊົງຊີ້ງ ສປ ຈີນ, ໄດ້ຈັດກອງປະຊຸມພົບປະແລກປ່ຽນບົດຮຽນກ່ຽວກັບການສົ່ງເສີມການພົວພັນຮ່ວມມືດ້ານການຄ້າ
ແລະ ການລົງທຶນໃນດ້ານການພັດທະນາແຫລ່ງ ທ່ອງທ່ຽວ, ກະສິກຳ-ປ່າໄມ້, ການກໍ່ສ້າງ,
ກົນຈັກ ແລະ ອື່ນໆ, ເພື່ອເປັນການແນະນຳໂອກາດ ການລົງທຶນຢູ່ລາວໃຫ້ນັກທຸລະກິດ ແລະ ນັກລົງທຶນນະຄອນ
ຊົງຊີ້ງ ສປຈີນ ໄດ້ຮັບຮູ້ ແລະ ເຂົ້າ ໃຈຕໍ່ນະໂຍບາຍສົ່ງ ເສີມ ການລົງທຶນຂອງລັດຖະບານລາວ,
ເພື່ອດຶງ ດູດການເຂົ້າມາລົງທຶນຢູ່ລາວຫລາຍຂຶ້ນ.
ທ່ານ ດຣ ສະນັ່ນ ຈຸນລະມະນີ ຮອງປະທານສະພາການຄ້າ
ແລະ ອຸດສາຫະກຳແຫ່ງຊາດລາວ ກ່າວວ່າ: ການພົບປະແລກ ປ່ຽນບົດຮຽນຄັ້ງນີ້,
ເພື່ອສ້າງໂອກາດອັນດີໃຫ້ນັກທຸລະກິດລາວ ແລະ ຈີນ ໂດຍສະເພາະແມ່ນນັກທຸລະກິດຈາກນະຄອນຊົງ
ຊິ້ງ
ສປ ຈີນ ໄດ້ມີການແລກ ປ່ຽນຂໍ້ມູນຂ່າວສານກ່ຽວກັບການພົວພັນຮ່ວມມືດ້ານການຄ້າ
ແລະ ການລົງທຶນລະຫວ່າງສອງປະເທດໃຫ້ຫລາຍຂຶ້ນ, ທັງເປັນໂອກາດອັນດີທີ່ສະພາການຄ້າ
ແລະ ອຸດສາຫະກຳແຫ່ງຊາດລາວ ໄດ້ແນະນຳກ່ຽວກັບນະໂຍ ບາຍການລົງທຶນຂອງລັດຖະ ບານລາວຕໍ່
ສປ ຈີນ ເພື່ອໃຫ້ນັກທຸລະກິດຈີນໄດ້ຮັບຊາບ, ທັງເອື້ອອຳນວຍຄວາມສະດວກ ແລະ ດຶງດູດນັກລົງທຶນຈີນໃຫ້ເຂົ້າມາລົງທຶນຢູ່ລາວຫລາຍຂຶ້ນ, ປັດຈຸບັນມູນຄ່າການລົງທຶນຂອງຈີນໃນລາວມີສູງເຖິງ 2,7 ຕື້ໂດລາ
ສະຫະລັດ, ເພີ່ມຂຶ້ນຢ່າງຫລວງຫລາຍນັບແຕ່ປີ 2013 ເປັນຕົ້ນມາ.
ກອງປະຊຸມດັ່ງກ່າວຈັດຂຶ້ນໃນວັນທີ 12 ພະຈິກນີ້,
ຢູ່ນະຄອນຫລວງວຽງຈັນ.
No comments:
Post a Comment