ກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ: ຕະຫຼອດໄລ
ຍະຜ່ານມາ ເຖິງວ່າຂະແໜງ ອຸດສາຫະກຳ ແລະ ການຄ້າ ໄດ້ເອົາໃຈໃສ່ຄຸ້ມຄອງລາຄາສິນຄ້າໃຫ້ຢູ່ໃນການຄວບຄຸມຕາມດັດ
ຊະນີລາຄາການຊົມໃຊ້ຢ່າງເປັນ ປົກກະຕິ, ແຕ່ກໍຍັງເຫັນວ່າໂດຍລວມແລ້ວລາຄາສິນຄ້າມີທ່າອ່ຽງສູງຂຶ້ນ
ໂດຍສະເພາະໜວດສິນຄ້າສະບຽງອາຫານມີການເໜັງຕີງເພີ່ມຂຶ້ນຫຼາຍກວ່າໝູ່ ຄືຊີ້ນງົວ-ຄວາຍເປັນຜົນສືບເນື່ອງມາຈາກວ່າມີການສົ່ງອອກງົວ-ຄວາຍໄປປະເທດໃກ້ຄຽງເປັນຈຳນວນຫຼວງຫຼາຍ
ເພາະມີລາ ຄາສູງກວ່າການຈຳໜ່າຍພາຍໃນຈຶ່ງເຮັດໃຫ້ການສະໜອງບໍ່ພຽງພໍກັບຄວາມຕ້ອງການ
ບວກກັບການລ້ຽງສັດທີ່ມີທ່າອ່ຽງຫຼຸດລົງ ເນື່ອງຈາກປະຊາ ຊົນຫັນໄປເຮັດອາຊີບອື່ນແທນ
ພ້ອມນັ້ນລາຄາຜຶດ, ຜັກ ແລະ ໝາກໄມ້ກໍມີການເໜັງຕີງຕາມລະດູການ ແລະ ລາຄານຳເຂົ້າຈາກຕ່າງປະເທດ.
ການຄຸ້ມຄອງລາຄາສິນຄ້າຂອງແຂະແໜງອຸດສາຫະກຳ ແລະ ການຄ້າສ່ວນໃຫຍ່ແມ່ນ ເລັ່ງຄວບຄຸມລາຄາສິນຄ້າຈຳນວນ
4 ປະເພດ, 14 ລາຍການເປັນຕົ້ນຕໍ ຄືນ້ຳມັນເຊື້ອໄຟ, ເຂົ້າ, ຊີ້ນ, ປາ ຕາມດຳລັດ
474/ນຍ, ລົງວັນທີ 18/11/ 2010.
ຄຽງຄູ່ກັນນັ້ນ, ຂະແໜງ ອຸດສາຫະກຳ ແລະ ການຄ້າກໍຍັງມີບາງດ້ານທີ່ຈະຕ້ອງໄດ້ປັບ
ປຸງແກ້ໄຂ ແລະ ໃຫ້ການສົ່ງເສີມເຊັ່ນ: ເພີ່ມທະວີຂະຫຍາຍໂຮງ ງານປຸງແຕ່ງຜົນຜະລິດກະສິກຳຕາມເງື່ອນໄຂ
ແລະ ຄວາມສາ ມາດບົ່ມຊ້ອນຂອງແຕ່ລະທ້ອງຖິ່ນໃຫ້ກວ້າງຂວາງ ແລະ ເອົາ ໃຈໃສ່ຍົກສູງອາດສາມາດໃນ
ການຕິດຕາມກວດກາການ ເຄື່ອນໄຫວການຄ້າຢູ່ພາຍໃນໃຫ້
ແຂງແຮງກວ່າເກົ່າ, ເອົາໃຈໃສ່ ຄຸ້ມຄອງການຜະລິດຂອງປະຊາ ຊົນ, ມີນະໂຍບາຍເກັບຊື້ໃຫ້ສອດຄ່ອງເພື່ອເສີມຂະຫຍາຍການແຂ່ງຂັນ,
ບຸກບືນ, ຫ້າວຫັນຂອງປະຊາຊົນໃນການຜະລິດເປັນສິນຄ້າ ເຊິ່ງໃນຜ່ານມາສັງ ເກດເຫັນວ່າມີຫຼາຍປະເພດສິນ
ຄ້າທີ່ປະຊາຊົນຜະລິດໄດ້, ແຕ່ຍັງບໍ່ທັນໄດ້ຂໍ້ຜູກພັນສັນຍາສອງສົ້ນລະຫວ່າງຜູ້ຜະລິດ
ແລະ ຜູ້ຊີ້ ເພື່ອແນໃສ່ຕອບສະໜອງຄວາມຕ້ອງ ການຂອງຕະຫຼາດໄດ້ພຽງພໍ.
No comments:
Post a Comment