laophatthananewspaper: ສຳມະນາວິທະຍາສາດການສ້າງຄວາມສາມັກຄີປອງດອງ

ນັກວິທະຍາສາດ ແລະ ນັກຄົ້ນຄວ້າຈາກສະຖາບັນວິທະຍາ ສາດສັງຄົມແຫ່ງຊາດລາວ, ສະຖາບັນບັນດິດວິທະຍາສາດສັງ ຄົມຫວຽດນາມ ແລະ ສະຖາບັນບັນດິດວິທະຍາສາດສັງຄົມ ສປ ຈີນ ເຂົ້າຮ່ວມສຳມະນາວິທະ ຍາສາດສາກົນສັງຄົມນິຍົມຄັ້ງ ທີ 2 ໃນຫົວຂໍ້ “ສ້າງສັງຄົມສາມັກຄີປອງດອງໃນການສ້າງສັງຄົມນິຍົມ” ຊຶ່ງຈັດຂຶ້ນໃນວັນທີ 26-27 ພະຈິກນີ້ຢູ່ນະຄອນ ຫລວງວຽງຈັນ, ພາຍໃຕ້ການເປັນປະທານຂອງທ່ານສາດສະດາຈານ ດຣ ຈະເລີນ ເຢຍປາວເຮີ ຫົວໜ້າສະຖາບັນວິທະຍາສາດສັງຄົມແຫ່ງຊາດລາວ.

ການສຳມະນາຄັ້ງນີ້, ບັນດານັກວິທະຍາສາດ ແລະ ນັກຄົ້ນຄວ້າ, ໄດ້ພ້ອມກັນຄົ້ນຄວ້າ ແລະ ປຶກສາຫາ ລືຫລາຍບັນ ຫາເຊັ່ນ: ທິດສະດີລວມກ່ຽວກັບຄວາມສາມັກຄີປອງດອງ ແລະ ບົດບາດຂອງຄວາມສາມັກຄີປອງດອງຕໍ່ການພັດທະນາສັງຄົມ ເວົ້າລວມ, ເວົ້າສະເພາະສັງຄົມນິຍົມ, ບົດຮຽນພຶດຕິກຳຕົວຈິງແຫ່ງການສ້າງສັງຄົມສາ ມັກຄີປອງດອງຢູ່ແຕ່ລະປະເທດ, ທິດທາງ ແລະ ວິທີການສືບຕໍ່ສ້າງສັງຄົມສາມັກຄີປອງດອງຢູ່ແຕ່ລະປະເທດ, ພ້ອມນີ້ບັນດານັກວິທະຍາສາດ, ໄດ້ນຳສະເໜີບົດຄົ້ນຄວ້າຂອງຕົນຈຳນວນ 32 ບົດເພື່ອແລກປ່ຽນຄຳຄິດຄຳເຫັນໃສ່ໃນບົດຄົ້ນຄວ້າດັ່ງກ່າວ, ທັງນີ້ກໍເພື່ອຊອກຮູ້,

ຮ່ຳຮຽນດ້ານທິດສະດີ ແລະ ບົດຮຽນພຶດຕິກຳກ່ຽວກັບການສ້າງຄວາມສາມັກຄີປອງດອງຢູ່ແຕ່ລະປະເທດແລ້ວນຳໄປໝູນໃຊ້ເຂົ້າໃນພາລະ ກິດແຫ່ງການສ້າງສັງຄົມນິຍົມຢູ່ແຕ່ລະປະເທດ ກໍຄືເພີ່ມພູນຄູນສ້າງເຮັດໃຫ້ຄັງສາງທິດສະດີກ່ຽວກັບການສ້າງສັງຄົມນິ ຍົມອຸດົມຮັ່ງມີ, ຖືກລັກສະນະວິທະຍາສາດ ແລະ ແທດເໝາະກັບສະພາບຕົວຈິງຍິ່ງຂຶ້ນເພື່ອຜົນປະໂຫຍດລວມແຫ່ງພາລະ ກິດສ້າງສັງຄົມນິຍົມຢູ່ແຕ່ລະປະເທດກໍຄືຢູ່ໃນໂລກ.

ທ່ານ ສຈ.ດຣ ຈະເລີນ ເຢຍປາວເຮີ ກ່າວວ່າ: ຄວາມສາມັກຄີປອງດອງພາຍໃນແຕ່ລະປະເທດກໍຄືບັນດາປະເທດສັງຄົມນິຍົມດ້ວຍການນັ້ນ, ເປັນປັດໄຈສຳຄັນຍິ່ງໃນການຕັດສິນຕໍ່ໄຊຊະນະຂອງພາລະກິດປະຕິ ວັດ, ພາລະກິດແຫ່ງການກໍ່ສ້າງສັງຄົມນິຍົມ, ພວກເຮົາບໍ່ອາດປົກປັກຮັກສາໝາກຜົນຂອງການປະຕິວັດ ແລະ ບໍ່ສາມາດສ້າງສັງຄົມນິຍົມສຳເລັດຜົນໄດ້ ຖ້າຫາກຂາດຄວາມສາມັກຄີປອງດອງໃນສັງຄົມ.