ຕາມການໃຫ້ສຳພາດຂອງທ່ານ ພູວຽງ ໂພທິສານ
ຜູ້ຮັກສາການຫໍພິພິທະພັນສະຖານບູຮານນະຄອນຫຼວງວຽງຈັນໃນວັນທີ 18 ພະຈິກນີ້ວ່າ:
ພາຍຫຼັງລະດູ ຝົນສິນສຸດລົງສະພາບການທ່ອງ ທ່ຽວໃນນະຄອນຫຼວງວຽງຈັນໄດ້ເລີ່ມມີບັນຍາກ່າດຄຶກຄື້ນຂຶ້ນ
ມາອີກວາລະໜຶ່ງ, ຊຶ່ງມັນສະ ແດງອອກໃຫ້ເຫັນຈຳນວນນັກທ່ອງທ່ຽວທີ່ເຂົ້າມາທ່ຽວຊົມສະ
ຖານບູຮານໃນນະຄອນຫຼວງວຽງຈັນເພີ່ມຫຼາຍຂຶ້ນ, ຊຶ່ງສະເພາະເດືອນຕຸລາທີ່ຜ່ານມາສະເພາະສະຖານບູຮານ
3 ແຫ່ງຄື ພະທາດຫຼວງ, ຫໍພະແກ້ວ ແລະ ວັດສີສະເກດມີນັກທ່ອງທ່ຽວເຂົ້າຊົມເຖິງ
36 ພັນກວ່າຄົນ, ໃນນີ້ນັກທ່ອງທ່ຽວຕ່າງປະເທດ 35 ພັນກວ່າຄົນ, ນັກທອງທ່ຽວພາຍໃນ 1 ພັນກວ່າຄົນ,
ສ້າງລາຍຮັບໄດ້ເກືອບ 200 ລ້ານກີບ, ທີ່ໂດດເດັ່ນແມ່ນພະທາດຫຼວງມີນັກທ່ອງທ່ຽວເຂົ້າຊົມເຖິງ
16 ພັນກວ່າຄົນ, ຫໍພະແກ້ວ 13 ພັນກວ່າຄົນ ແລະ ວັດສີສະເກດ 6 ພັນກວ່າຄົນ, ນັກທ່ອງທ່ຽວສ່ວນຫຼາຍແມ່ນມາຈາກ
ສ ເກົາຫຼີ, ໄທ ແລະ ເອີຣົບ.
ຜູ້ຮັກສາການພິພິທະພັນດັ່ງກ່າວໃຫ້ຮູ້ອີກວ່າ:
ປັດຈຸບັນລັດຖະບານກຳລັງກະກຽມຈະບູ ລະນະປະຕິສັງຂອນຫໍພະແກ້ວ ຄືນໃໝ່, ດັ່ງນັ້ນຈຶ່ງຂໍເຊີນຊວນ
ປະຊາຊົນຜູ້ທີ່ມີໃຈິດໃຈສັດທາຮ່ວມເປັນເຈົ້າພາບບໍລິຈາກວັດຖຸປັດໄຈ, ເພື່ອຊ່ວຍບູລະນະສະ
ຖານບູຮານດັ່ງກ່າວໃຫ້ມີຄວາມສວຍງາມ, ສາມາດດຶງດູດນັກທ່ອງທ່ຽວເຂົ້າມາທ່ຽວນະຄອນ
ຫຼວງວຽງຈັນໃຫ້ນັບມື້ຫຼາຍຂຶ້ນ,ເພາະປັດຈຸບັນຫໍພະແກ້ວມີສະ ພາບເກົ່າແກ່ແລະຫຼາຍອັນຕ້ອງໄດ້ບູລະນະປົວແປງໃຫ້ມີສະພາບດີຂຶ້ນ ແລະ ເປັນທີ່ເອກອ້າງຂອງລາວເຮົາ.
No comments:
Post a Comment