ໃນວັນທີ 18 ພະຈິກນີ້, ຢູ່ບ້ານຫ້ວຍຫົງ ນະຄອນຫລວງວຽງຈັນ
ສະຖານທູດອົດສະຕຣາລີ ປະຈຳລາວ ແລະ ອົງການນ້ຳດື່ມອຸດົມສົມບູນ, ໄດ້ແນະນຳເຄື່ອງຕອງນ້ຳສະອາດຜະລິດ
ຈາກດິນເຜົາແບບງ່າຍດ່າຍ ແລະ ສາມາດກຳຈັດພະຍາດທີ່ມາກັບນ້ຳເຊັ່ນ: ພະຍາດຖອກ
ທ້ອງ, ທ້ອງຂີ້ຮາກ ແລະ ອື່ນໆ, ເຊິ່ງມີຄວາມເໝາະສົມນຳໃຊ້ຢູ່ທ້ອງຖິ່ນເຂດຫ່າງໄກສອກຫລີກ.
ທ່ານ ຈອນ ວິມລຽມ ທູດວິສາມັນແຫ່ງປະເທດອົດສະ
ຕຣາລີປະຈຳລາວ ກ່າວວ່າ: ເຄື່ອງຕອງນ້ຳດັ່ງກ່າວເຮັດຈາກໝໍ້ດິນເຜົາແບບປະຖົມປະຖານ
ເພື່ອນຳມາຜະລິດ ແລະ ສະໜອງນ້ຳດື່ມທີ່ສະອາດໃຫ້ແກ່ປະຊາ ຊົນ ແລະ ໂຮງຮຽນຢູ່ເຂດຊົນນະ
ບົດຫ່າງໄກສອກຫລີກຂອງລາວ ໂດຍການໜູນໃຊ້ວັດຖຸລາຄາຖືກທີ່ຫາໄດ້ງ່າຍຈາກທ້ອງຖິ່ນເຊັ່ນ:
ດິນເຜົາ, ເມັດກາເຟບົດ ແລະ ທໍ່ນ້ຳ. ເຊິ່ງແມ່ນອົງການນ້ຳດື່ມອຸດົມສົມບູນໄດ້ດຳເນີນການເຄື່ອນໄຫວຢູ່ລາວ
ເປັນເວລາ
6 ປີ ແລະ ໄດ້ເຮັດວຽກຮ່ວມກັບຫລາຍອົງການຊ່ວຍເຫລືອ ເພື່ອໃຫ້ການຊ່ວຍເຫລືອແກ່ຊຸມຊົນທີ່ທຸກຍາກຢູ່
ສປປ ລາວ ເປັນຕົ້ນ: ອົງການກອງທຶນສຳລັບເດັກ, ອົງການເຮວເວຕັດ, ສູນອົບຮົມຮ່ວມພັດທະນາ,
ສະມາຄົມພັດ ທະນາຊຸມຊົນ ແລະ ສິ່ງແວດລ້ອມ ແລະ ອື່ນໆ.
No comments:
Post a Comment