ໃນວັນທີ 20 ພະຈິກນີ້, ຢູ່ສະມາຄົມນັກຂ່າວແຫ່ງ
ສປປ ລາວ, ນະຄອນ ຫລວງວຽງຈັນໄດ້ຈັດງານຖະແຫລງຂ່າວກ່ຽວ ກັບການລະດົມທຶນຊ່ວຍເຫລືອປະ ຊາຊົນຜູ້ຂາດເຂີນທີ່ອາໄສຢູ່ເຂດຫ່າງໄກສອກຫລີກ,
ໂດຍການເຂົ້າຮ່ວມຂອງທ່ານ ບົວລະ ພັນ ທັນພິລົມ ຮອງປະທານສະມາຄົມນັກຂ່າວແຫ່ງ ສປປ ລາວ, ທ່ານ
ຄຳໃສ ສຸລິນທອນ ປະທານ ມູນນິທິພັດທະນາຜາ ສຸກ.
ປະທານມູນນິທິພັດທະນາ ຜາສຸກ ກ່າວວ່າ: ເຖິງແມ່ນວ່າ
ພັກ ແລະ ລັດຖະ ບານຈະພະຍາຍາມຊ່ວຍເຫລືອຢ່າງເປັນປະຈຳກໍຕາມ, ແຕ່ກໍຍັງບໍ່ທັນພຽງພໍກັບຄວາມຕ້ອງການ.
ດັ່ງນັ້ນທາງມູນນິທິຂອງ ພວກເຮົາຈຶ່ງເຫັນໄດ້ຄວາມສຳຄັນໃນການຂຶ້ນແຜນປຸກລະດົມຂົນຂວາຍການຊ່ວຍເຫລືອຈາກສັງຄົມເພື່ອຮ່ວມຊ່ວຍເຫລືອ ຜູ້ດ້ອຍໂອກາດ
ແລະ ຍັງຂາດເຂີນຢູ່ຕາມຊົນນະບົດເຂດຫ່າງໄກສອກຫລີກເປັນ ຕົ້ນເຄື່ອງນຸ່ງຫົ່ມທີ່ໃຊ້ແລ້ວເຊັ່ນ:
ໂສ້ງເສື້ອ ກັນໜາວ ຫລື ທຳມະດາ, ຜ້າຫົ່ມ, ປຶ້ມແບບຮຽນແຕ່ຊັ້ນປະຖົມຈົນຮອດມັດທະຍົມຕອນປາຍທີ່ລູກຫລານຂອງທ່ານເຄີຍ
ໃຊ້ຜ່ານຊັ້ນໄປແລ້ວນັ້ນ,
ແຕ່ຍັງມີສະພາບດີ ເພື່ອພວກເຮົາຈະນຳໃຊ້ໄປມອບໃຫ້ປະຊາຊົນ ແລະ ລູກຫລານຂອງເຂົາເຈົ້າ ຜູ້ທີ່ຂາດເຂີນຢູ່ເຂດຊົນນະບົດຫ່າງໄກສອກ
ຫລີກເປັນຕົ້ນ: ແຂວງຜົ້ງສາລີ, ອຸດົມໄຊ, ຫລວງນ້ຳທາ, ຫລວງພະບາງ, ແຂວງ ວຽງຈັນ, ສະຫວັນນະເຂດ
ແລະ ແຂວງອື່ນໆ.
ສຳລັບເຄື່ອງນຸ່ງຫົ່ມນັ້ນຖ້າ ເປັນເຄື່ອງກັນໜາວກໍຍິ່ງດີເພາະ
ໄລຍະນີ້ເປັນລະດູໜາວ ແລະ ເຄື່ອງນຸ່ງຫົ່ມຂອງພະສົງສຳມະ ເນນ, ສະຖານທີ່ໃນການຮັບບໍລິ ຈາກສິ່ງຂອງເຫລົ່ານັ້ນແມ່ນສາມາດຕິດຕໍ່ໄດ້ທີ່ຫ້ອງການມູນນິທິ
ພັດທະນາຜາສຸກ, ຕັ້ງຢູ່ ບ້ານ ໜອງທາເໜືອ ຮ່ອມ 10 ເມືອງ ຈັນທະບູລີນະຄອນຫລວງວຽງ ຈັນ, ວັດຕານມີໄຊ,
ວັດໜອງສາງທໍ່, ວັດໜອງບອນ, ວັດ ບ້ານຝາຍ, ວັດໜອງບົວທອງໃຕ້ເຫລົ່ານີ້ເປັນຕົ້ນ.
ມູນນິທິພັດທະນາຜາສຸກ ສ້າງຕັ້ງຂຶ້ນໃນເດືອນກຸມພາ
2014 ຜ່ານມາ, ເພື່ອເຮັດໜ້າທີ່ຊ່ວຍເຫລືອຜູ້ຖືກເຄາະຮ້າຍ, ຮັບ ບໍລິຈາກສິ່ງຂອງຕ່າງໆຕາມເງື່ອນໄຂ,
ມີອາສາສະໝັກ 2-300 ຄົນ ທີ່ປະຈຳຢູ່ມູນນິທິດັ່ງກ່າວ.
No comments:
Post a Comment