ວັນທີ 13 ພະຈິກນີ້, ຢູ່ທີ່ສະມາຄົມນັກຂ່າວແຫ່ງ
ສປປ ລາວ, ນະຄອນ ຫຼວງວຽງຈັນໄດ້ຈັດການຝຶກອົບຮົມ ຄວາມ ຮູ້ທົ່ວໄປໃຫ້ສື່ມວນຊົນກ່ຽວກັບການຕ້ານຄວາມຮຸນແຮງຕໍ່ແມ່ຍິງ
ແລະ ເດັກນ້ອຍ, ໂດຍການເຂົ້າຮ່ວມຂອງທ່ານ ສົມສະ ຫນຸກ ມີໄຊ ຮອງປະທານສະມາຄົມນັກຂ່າວແຫ່ງ
ສປປ ລາວ, ພ້ອມດ້ວຍວິ ທະຍາກອນທີ່ມາຈາກຄະ ນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດ.
ທ່ານ ນາງ ຈັນໂສດາ ພອນທິບ ຫົວໜາກອງເລຂາຄະ
ນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດໄດ້ມີຄຳເຫັນຕໍ່ພິທີວ່າ
: ກອງປະ ຊຸມສຳມະນາໃນມື້ນີ້ໄດ້ພ້ອມກັນແລກປ່ຽນບົດຮຽນກ່ຽວກັບບັນ ຫາຄວາມຮຸນແຮງຕໍ່ແມ່ຍິງ
ແລະ ເດັກນ້ອຍໂດຍສະເພາະແມ່ນຂະບວນການເຄື່ອນໄຫວຕ້ານການໃຊ້ຄວາມຮຸນແຮງຕໍ່ແມ່ຍິງ
ຢູ່ ສປປ ລາວ ໃນໄລຍະຜ່ານມາ, ພ້ອມນັ້ນກໍໄດ້ພ້ອມກັນເຊື່ອມຊຶມຄວາມຮູ້ພຶ້ນຖານກ່ຽວກັບຄວາມຮຸນແຮງຕໍ່ແມ່ຍິງ
ແລະ ເດັກນ້ອຍເປັນຕົ້ນ
ແມ່ນ: ແຜນດຳເນີນງານແຫ່ງຊາດກ່ຽວກັບການປ້ອງກັນ ແລະ
ລຶບລ້າງຄວາມຮຸນແຮງຕໍ່ແມ່ຍິງໃນ ສປປ ລາວ, ຮ່າງກົດ ໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ
ແລະ ເດັກ, ຜົນໄດ້ຮັບຂອງການສຶກສາລຳດັບຊາດກ່ຽວກັບການໃຊ້ຄວາມຮຸນແຮງຕໍ່ແມ່ຍິງໃນຫົວຂໍ້
“ການສຳຫຼວດ ລະດັບຊາດກ່ຽວກັບສຸຂະພາບ ແລະ ປະສົບການຊີວິດຂອງແມ່ ຍິງ“, ຈັນຍາບັນຂອງນັກຂ່າວໃນການຂຽນຂ່າວກ່ຽວກັບວຽກ
ງານຕ້ານການໃຊ້ຄວາມຮຸນແຮງຕໍ່ແມ່ຍິງ, ບົດຮຽນ ແລະ ປະ ສົບການໃນການຊ່ວຍເຫຼືອຜູ້ຖືກເຄາະຮ້າຍ.
ພ້ອມນັ້ນຍັງໄດ້ແລກ ປ່ຽນບົດຮຽນ ແລະ ປະສົບການ ຕ່າງໆເຊິ່ງກັນ ແລະ ກັນໃນ ການການໂຄສະນາເຜີຍແຜ່ແນວທາງຂອງພັກ,
ກົດໝາຍລັດ, ຍຸດທະສາດ, ນິຕິກຳ ແລະ ແຜນດຳເນີນ ງານກ່ຽວກັບການສົ່ງເສີມຄວາມສະເໝີພາບຍິງ-ຊາຍ
ຕ້ານທຸກຮູບແບບການຈຳແນກ ແລະ ຕ້ານການໃຊ້ຄວາມຮຸນແຮງຕໍ່ແມ່ຍິງໃຫ້ໄດ້ຢ່າງທົ່ວເຖິງໃນອົງ
ການຈັດຕັ້ງຂອງພັກ-ລັດ, ແນວລາວສ້າງຊາດ, ອົງການຈັດຕັ້ງ ມະຫາຊົນ ແລະ ທຸກພາກສ່ວນໃນສັງຄົມ.
No comments:
Post a Comment