ວັນທີ 18 ພະຈິກນີ້, ຢູ່ສະໜາມບິນວັດໄຕສາກົນ, ໄດ້ມີພິທີຕ້ອນຮັບເຮືອ ບິນລຳໃໝ່ ATR 600.
ໂດຍມີຄະນະອຳນວຍການລັດວິສາຫະກິດການບິນລາວ ແລະ ພະນັກງານເຂົ້າຮ່ວມຢ່າງພ້ອມພຽງ.
ທ່ານ ແສງປະເສີດ ມະທຸຈັນ ຮອງອຳນວຍການການບິນລາວກ່າວວ່າ:
ປັດຈຸບັນການບິນລາວມີເຮືອບິນ ATR
500 ຈຳນວນ 7 ລຳ, MA 4 ລຳ ແລະ ເເອບັສ 4 ລຳ.
ສຳລັບເຮືອບິນ ATR 600, ສາມາດບັນຈຸຜູ້ໂດຍ ສານໄດ້ 70 ບ່ອນນັ່ງ, ຜະລິດຢູ່ປະເທດຝຣັ່ງ
ເຮືອບິນລຳໃໝ່ນີ້ ຈະມາເສີມການບໍລິການຂົນສົ່ງໂດຍສານທາງອາກາດຢູ່ພາຍໃນປະເທດ
ແລະ ຕ່າງປະເທດເປັນຕົ້ນແມ່ນ: ສ.ເກົາຫຼີ, ຈີນ ແລະ ການເລືອກນຳໃຊ້ເຮືອບິນປະເພດນີ້ມາຮັບໃຊ້ບໍລິການເນື່ອງຈາກວ່າເປັນເຮືອບິນທີ່ທັນສະໄໝ
ແລະ ມີເຕັກໂນໂລຊີສູງ.
ໃນປີທີ່ຜ່ານມາມີຜູ້ໃຊ້ບໍລິການຂອງການບິນລາວ
ປະມານ 7 ແສນກວ່າຄົນ, ບິນໄປພາຍໃນປະເທດສ່ວນຫຼາຍແມ່ນ ຫຼວງພະບາງ ແລະ ຕ່າງປະເທດກໍແມ່ນ
ສ.ເກົາຫຼີ ແລະ ຈີນ. ການທີ່ເພີ່ມເຮືອບິນຂື້ນມາກໍເພື່ອຮອງຮັບກັບການຂະຫຍາຍແຜນທຸລະກິດການບິນຂອງລາວ,
ພ້ອມກັນນັ້ນກໍເປັນການຮັບຮອງສົ່ງເສີມດ້ານການທ່ອງທ່ຽວຂອງປະເທດເຮົາໃຫ້ຫຼາຍຂຶ້ນ.
No comments:
Post a Comment