ເມື່ອບໍ່ດົນມານີ້ໄດ້ມີກອງປະຊຸມສະຫຼຸບໂຄງການຄຸ້ມຄອງປ່າໄມ້ແບບຍືນນານ
ຂັ້ນສູນກາງ ປະຈຳປີ 2013-2014 ທີ່ແຂວງຈຳປາສັກ,ໂດຍການເປັນປະທານຂອງທ່ານ ດຣ.
ຕີ ພົມມະສັກ ລັດຖະມົນຕີຊ່ວຍວ່າການກະຊວງກະສິກຳ-ປາໄມ້,ປະທານຄະນະຊີ້ນຳໂຄງການຂັ້ນສູນກາງ,ມີທ່ານ
ຮອງເຈົ້າແຂວງຈຳປາສັກ, ແຂວງວຽງຈັນ, ຄຳມ່ວນ, ອັດຕະປື ແລະ ພະນັກງານກ່ຽວຂ້ອງເຂົ້າຮ່ວມ.
ໃນໂອກາດນີ້,ທ່ານລັດຖະມົນຕີຊ່ວຍວ່າການກະຊວງກະສິກຳ-ປ່າໄມ້,ໄດ້ເນັ້ນໃຫ້ເອົາໃຈໃສ່ຫຼາຍບັນຫາໃນການພັດທະນາໂຄງການເປັນຕົ້ນ:ການຈັດຕັ້ງປະຕິບັດບັນດາກິດຈະກຳຫຼຸດຜ່ອນການປ່ອຍອາຍພິດຈາກການທຳ
ລາຍປ່າໄມ້ ແລະ ການເຮັດໃຫ້ປ່າໄມ້ເຊື່ອມໂຊມ (REDD )ໂດຍຜ່ານການຄຸ້ມຄອງປ່າໄມ້ແບບປະສົມປະສານຕາມປະເພດປ່າໄມ້ໃນແຂວງຕ່າງໆ,
ເສີມຂະຫຍາຍ ແລະ ເພີ່ມທະວີການຄຸ້ມຄອງປ່າໄມ້ແບບຍືນນານມີສ່ວນຮ່ວມໃນເຂດປ່າຜະລິດ
ແລະ ອື່ນໆ ເພື່ອແນໃສ່ເຮັດໃຫ້ການຈັດຕັ້ງປະຕິບັດໂຄງການສືບຕໍ່ດຳເນີນໄປດ້ວຍຄຸນນະພາບ
ແລະ ມີປະສິດທິຜົນດີຂຶ້ນກວ່າທີ່ຜ່ານມາ.
No comments:
Post a Comment