ນັບແຕ່ເດືອນມັງກອນຫາເດືອນພະຈິກ 2014 ນີ້,
ທົ່ວປະເທດມີອຸປະຕິເຫດເກີດຂຶ້ນທັງໝົດ 5.037 ກໍລະນີ, ມີພາຫະນະເປ່ເພ
10.204 ຄັນ, ມີຄົນໄດ້ຮັບບາດເຈັບ 8.212 ຄົນ ແລະ ມີຜູ້ເສຍຊີວິດ 917 ຄົນ ທຽບໃສ່ປີ
2013 ເຫັນວ່າມີຜູ້ເສຍຊີວິດເພີ່ມຂຶ້ນ 7 ຄົນ.
ຈາກສະຖິຕິການເກີດອຸປະຕິເຫດຕາມທ້ອງຖະໜົນ
ຂອງກົມຕຳຫລວດຈະລາ ຈອນ ໃຫ້ຮູ້ວ່າ: ໃນໄລຍະ 11 ເດືອນຂອງປີ 2014 ນີ້, ການເກີດອຸປະຕິເຫດໃນທົ່ວປະເທດໄດ້ສ້າງຄວາມເສຍຫາຍຫລາຍກວ່າ
66 ຕື້ກີບ ແລະ ແຂວງທີ່ເກີດອຸປະຕິເຫດຫລາຍກວ່າໝູ່ ແມ່ນນະຄອນຫລວງວຽງຈັນ ມີອຸປະຕິເຫດທັງໝົດ
1.322 ກໍລະນີ ແລະ ມີຜູ້ເສຍຊີວິດ 166 ຄົນ, ຖັດລົງມາແມ່ນແຂວງສະຫວັນນະເຂດ ມີ
600 ກໍລະນີ ສົ່ງຜົນໃຫ້ມີຜູ້ເສຍຊີວິດ 103 ຄົນ; ຫລວງພະບາງມີ 495 ກໍລະນີ ແລະ
ມີຜູ້ເສຍຊີວິດ 57 ຄົນ; ຈຳປ າສັກມີ 457 ກໍລະນີ, ມີຜູ້ເສຍຊີ ວິດ 108 ຄົນ; ແຂວງວຽງຈັນມີ
374 ກໍລະນີ, ມີຜູ້ເສຍຊີວິດ 51 ຄົນ; ແຂວງອຸດົມໄຊມີ 372 ກໍລະ ນີ, ມີຜູ້ເສຍຊີວິດ
44 ຄົນ; ບໍລິຄຳໄຊມີ 324 ກໍລະນີ, ມີຜູ້ເສຍຊີວິດ 72 ຄົນ; ອັດຕະປືມີ 220 ກໍລະນີ,
ມີເສຍຊີວິດ 38 ຄົນ; ສາລະວັນມີ 137 ກໍລະນີ, ມີຜູ້ເສຍຊີວິດ 38 ຄົນ; ເຊກອງມີ
130
ກໍລະນີ, ມີຜູ້ເສຍຊີວິດ 24 ຄົນ; ຫລວງນ້ຳ ທາມີ 116 ກໍລະນີ, ມີຜູ້ເສຍຊີວິດ
27 ຄົນ; ຜົ້ງສາລີມີ 101 ກໍລະນີ, ມີຜູ້ເສຍຊີວິດ 15 ຄົນ; ບໍ່ແກ້ວມີ 93 ກໍລະ ນີ,
ມີຜູ້ເສຍຊີວິດ 40 ຄົນ; ຄຳມ່ວນມີ 92 ກໍລະນີ, ມີຜູ້ເສຍຊີວິດ 34 ຄົນ; ຊຽງຂວາງມີ
76 ກໍລະນີ, ມີຜູ້ເສຍຊີວິດ 17 ຄົນ; ໄຊຍະບູລີມີ 63 ກໍລະນີ, ມີຜູ້ເສຍຊີວິດ
57 ຄົນ; ຫົວພັນມີ 43 ກໍລະ ນີ, ມີຜູ້ເສຍຊີວິດ 24 ຄົນ ແລະ ແຂວງໄຊສົມບູນມີ
12 ກໍລະນີ, ມີຜູ້ເສຍຊີວິດ 2 ຄົນ ເປັນແຂວງທີ່ມີຜູ້ເສຍຊີວິດໜ້ອຍກວ່າໝູ່.
ຈາກການສັງລວມແລ້ວ ສາເຫດຫລັກທີ່ພາໃຫ້ເກີດອຸປະຕິເຫດ
ແມ່ນມາຈາກການດື່ມສິ່ງມຶນເມົາແລ້ວຂັບຂີ່ມີ 1.448 ຄົນ, ບໍ່ມີໃບອະນຸຍາດຂັບຂີ່ລົດ
3.986 ຄົນ ແລະ ສ່ວນໃຫຍ່ແມ່ນກຳມະ ກອນ 2.923 ຄົນ ແລະ ນັກຮຽນ- ນັກສຶກສາ 2.502 ຄົນ.
ເພື່ອໃຫ້ບັນຫາການເກີດອຸປະຕິເຫດຕາມທ້ອງຖະໜົນຫລຸດຜ່ອນທາງກົມຈະລາຈອນ
ກະຊວງປ້ອງກັນຄວາມສະຫງົບ ຈຶ່ງໄດ້ວາງມາດຕະການແກ້ໄຂທີ່ສຳຄັນ ຄືໃຫ້ບັນດາແຂວງເອົາໃຈໃສ່ແກ້ໄຂສະພາບການສັນ
ຈອນ ແລະ ປະກອບອຸປະກອນສະໜັບສະໜູນການເຮັດວຽກຂອງເຈົ້າໜ້າທີ່ໃຫ້ພຽງພໍ. ນອກນັ້ນ
ກໍຈະຕ້ອງໄດ້ເອົາໃຈໃສ່ເຜີຍແຜ່ກົດລະບຽບຈະລາຈອນໃຫ້ທົ່ວເຖິງ ໂດຍສະເພາະສະຖາບັນການສຶກສາ
ແລະ ໂຮງຮຽນຕ່າງໆ ແລະ ຕ້ອງຖືສຳຄັນໃນການສຶກສາອົບຮົມກົດລະບຽບຈະລາຈອນໃຫ້ກວ້າງຂວາງ
ແລະ ເລິກເຊິ່ງກວ່າເກົ່າ.
No comments:
Post a Comment