ເທດສະການງານບຸນເຂົ້າໄກ່ນ້ອຍ 2014 ໄດ້ໄຂຂຶ້ນໃນວັນທີ
24 ທັນວານີ້ ຢູ່ສະໜາມກິລາ ເມືອງແປກ ແຂວງຊຽງຂວາງ ໂດຍການເຂົ້າຮ່ວມຂອງທ່ານ
ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນຳວຽກງານຂົງເຂດເສດຖະ ກິດ,
ການຜະລິດ ແລະ ຈໍລະຈອນ, ທ່ານ ສຈ. ດຣ. ສົມກົດ ມັງໜໍ່ເມກ ເຈົ້າແຂວງຊຽງຂວາງ,
ມີບັນດາລັດຖະມົນຕີ ຕະຫລອດຮອດນັກທ່ອງທ່ຽວທັງພາຍໃນ ແລະ ຕ່າງປະເທດ ແລະ ປະຊາ
ຊົນຊາວແຂວງຊຽງຂວາງເຂົ້າ ຮ່ວມເປັນຈຳນວນຫລາຍ.
ງານດັ່ງກ່າວເພື່ອປຸກລະ ດົມໃຫ້ທົ່ວສັງຄົມໄດ້ຮູ້ຈັກປະ
ຫວັດຄວາມເປັນມາຂອງເຂົ້າໄກ່ນ້ອຍ ແລະ ຫັນມາສົ່ງເສີມເຂົ້າໄກ່ນ້ອຍເປັນຜະລິດຕະພັນໜຶ່ງ
ເພື່ອສ້າງຊື່ສຽງໃຫ້ແກ່ແຂວງຊຽງຂວາງ ແລະ ຊາດລາວ; ເປັນການແນະນຳຫົວໜ່ວຍທຸລະກິດ
ແລະ ກະສິກອນຜູ້ຜະລິດເຂົ້າໄກ່ນ້ອຍ ແລະ ເປັນການສ້າງຜະລິດຕະພັນເຂົ້າໄກ່ນ້ອຍໃຫ້ກາຍເປັນສິນຄ້າຫລັກ
ແລະ ແຮງຈູງໃຈໃຫ້ແກ່ນັກທ່ອງທ່ຽວຕ້ອງ ການມາຢ້ຽມຢາມແຂວງຊຽງຂວາງທັງເປັນການສ້າງຄວາມພາກພູມໃຈຂອງຊາວຊຽງຂວາງອີກດ້ວຍ.
ທ່ານ ຄຳປ່ຽນ ສີນວນທອງ ຮອງເຈົ້າແຂວງຊຽງຂວາງ
ໃຫ້ຮູ້ວ່າ: ບຸນເຂົ້າໄກ່ນ້ອຍຄັ້ງນີ້ ເປັນ ຄັ້ງປະຫວັດສາດຂອງປະຊາຊົນແຂວງຊຽງຂວາງ
ກໍຄືຂອງຊາວ ນາຜູ້ປູກເຂົ້າໄກ່ນ້ອຍ ທັງເປັນໃບໜ້າໃໝ່ຂອງທຸລະກິດການປູກ,
ການຄ້າຂາຍທີ່ມີໂອກາດຮ່ວມມືກັນກັບພາກລັດ. ເປັນບາດກ້າວເຮັດໃຫ້ປະຊາຊົນລາວ
ແລະ ຕ່າງປະເທດໄດ້ຮັບຮູ້ເຖິງຜະລິດຕະພັນສິນຄ້າເຂົ້າໄກ່ນ້ອຍທີ່ຜະລິດດ້ວຍສີມືຂອງຊາວຊຽງຂວາງ
ແລະ ເປັນບາດກ້າວກະ ຕຸກຊຸກຍູ້ໃຫ້ກະສິກອນຜູ້ຜະລິດ ແລະ ບັນດານັກທຸລະກິດປຸງແຕ່ງໄດ້ກະກຽມຕົວເຂົ້າສູ່ຍຸກຂອງການແຂ່ງຂັນໃນເວລາທີ່
ສປປ ລາວ ພວມເຂົ້າເປັນສະມາຊິກປະ ຊາຄົມອາຊຽນ. ນອກນັ້ນ ຍັງເປັນການສ້າງໂອກາດໃຫ້ຜູ້ຜະ
ລິດເຂົ້າໄກ່ນ້ອຍທົ່ວປະເທດໄດ້ມີໂອກາດຮຽນຮູ້ການຕະຫລາດ, ການແລກປ່ຽນບົດຮຽນເຊິ່ງກັນ
ແລະ ກັນລະຫວ່າງຜູ້ຜະລິດ, ຜູ້ປຸງແຕ່ງ, ຜູ້ຈຳໜ່າຍ ແລະ ຜູ້ຊື້ ໄດ້ມີໂອກາດປັບປຸງພັດທະນາເຂົ້າໄກ່ນ້ອຍຂອງຕົນໃຫ້ດີຂຶ້ນເທື່ອລະກ້າວ
ເພື່ອຕອບສະໜອງກັບຄວາມຮຽກຮ້ອງຕ້ອງການຂອງຕະຫລາດພາຍໃນ ແລະ ຕ່າງປະເທດ.
ເຂົ້າໄກ່ນ້ອຍ ແມ່ນເຂົ້າ ໜຽວພັນພື້ນເມືອງ,
ມີຄວາມເປັນເອກະລັກສະເພາະໜຽວ, ອ່ອນ, ນຸ້ມ ແລະ ຫອມ, ຜ່ານການເຕົ້າໂຮມຫລາຍສາຍພັນຢູ່ບັນດາເມືອງທົ່ວແຂວງຊຽງຂວາງ
ເຊິ່ງປະກອບມີ 5 ສາຍພັນ ຄືເຂົ້າໄກ່ນ້ອຍຂາວ, ເຫລືອງ, ແດງ, ດຳ ແລະ ເຂົ້າໄກ່ນ້ອຍລາຍ.
ຜ່ານມາມີເນື້ອທີ່ປູກ 11.500 ເຮັກຕາ ຄາດຄະເນຜົນຜະລິດ 45 ພັນໂຕນ, ໃນແຜນຍຸດທະສາດພັດທະນາດ້ານກະສິກຳ
ແລະ ປ່າໄມ້ ໄດ້ກຳນົດເປັນໜຶ່ງໃນ 13 ປະເພດສິນຄ້າຕົ້ນຕໍຂອງແຂວງຊຽງຂວາງ. ປັດຈຸບັນ
ແຂວງໄດ້ມີການຈັດຕັ້ງກຸ່ມຜະ ລິດເມັດພັນເຂົ້າ, ກຸ່ມເຂົ້ານ້ອຍອິນຊີ ແລະ ພັດທະນາແນວພັນເຂົ້າໄກ່ນ້ອຍ.
ດ້ານການດຳເນີນທຸລະກິດ, ຜ່ານມາປະຊາຊົນປູກໄວ້ບໍລິໂພກ 80% ແລະ 20% ໄວ້ຂາຍປະມານ
9.000 ໂຕນ, ໃນນັ້ນສົ່ງອອກ ສສ ຫວຽດນາມ ແລະ ຕ່າງແຂວງ.
No comments:
Post a Comment